LitNet-AfriKI-miniseminaar: Kunsmatige intelligensie as skrywer

  • 3

Wil jy deelneem en jou opinie gee?

ChatGPT van OpenAI en die vermoëns van kunsmatige intelligensie (KI) het almal aan die gons.

Kan ’n KI-romanskrywer die Hertzogprys ontvang?

Waar gaan uitgewers hulself posisioneer?

En skryf studente binnekort opstelle met KI-sagteware?

Hoe gaan studieleiers weet of ’n verhandeling volledig of gedeeltelik deur ’n student geskryf is?

Watter invloed gaan dit op geakkrediteerde akademiese tydskrifte hê?

Hoe gaan die media daarmee omgaan?

Wat wag op ons?

Laat van jou hoor!


Stuur jou bydrae aan ki@litnet.co.za.

Daar is geen vereistes wat betref presiese onderwerp en lengte nie.

LitNet behou die reg voor om nie alle bydraes te plaas nie.


LitNet-AfriKI-miniseminaar: Kunsmatige intelligensie as skrywer

Die afgelope jaar is gekenmerk deur die vrystelling van groot taalmodelle (oftewel Large Language Models): LaMDA en PaLM deur Google, OPT deur Meta, BLOOM deur Hugging Face – en nou ook die berugte ChatGPT van OpenAI. Laasgenoemde beskik oor ’n dialoogformaat en het almal aan die praat.

Wel reeds in 2016 het ’n KI-kortverhaal die eerste rondte van ’n literêre kompetisie in Japan geslaag. Die ontwikkelaars was eerlik oor hoe die teks geskep is, maar die vraag het toe al ontstaan: hoe bepaal ons of ’n storie mensgeskrewe of masjiengedrewe is? Gaan dit in die toekoms enigsins belangrik wees om daardie onderskeid te tref? Kan jy die Hertzogprys vir ’n KI-romanskrywer gee? Waar gaan uitgewers hulself posisioneer? En skryf studente binnekort opstelle met KI-sagteware?

Hoewel die vraagstukke van KI-skryfwerk en -outeurskap aandag in ander akademiese vakgebiede geniet, bied literatuurwetenskap verbasend min dekking. Die boekbedryf is ook relatief stil oor hierdie nuwe verwikkeling wat allerlei vrae opper oor oorspronklikheid, kopiereg en selfs die idee dat elke goeie skrywer ’n eie, unieke stem het.

Die LitNet-AfriKI-miniseminaar fokus hoofsaaklik op die konseptualisering van KI as skrywer en verken potensiële verbande tussen KI en literatuurstudie. Kan (of durf) ons KI as outeur posisioneer? Watter moontlikhede kan literêre benaderings tot skeppende teksgenerering ontgin? Kyk ons na kritiese benaderings uit die eerste en tweede helftes van die twintigste eeu of meer kontemporêre wendings in literatuurteorie? Ons beklemtoon hier verkennings van outeurskap, tekstualiteit, leserskap en interpretasie, en vra: wat is die voor- en nadele van KI-gegenereerde teks? Die tegnologie opper boonop menigte filosofiese kwessies: kan ’n masjien intelligent wees? Kan ’n rekenaar skeppend of kreatief wees? KI nooi ons verder uit om nuwe lig op bewussyn, kreatiwiteit, skrywerskap, oorspronklikheid, en ander fundamentele begrippe te werp.

LitNet bied hierdie miniseminaar in samewerking met AfriKI aan. Ons nooi literêre en kunsteoretici, filosowe, regskundiges, KI-kenners en ander akademici, sowel as skrywers, uitgewers, vertalers, joernaliste en studente om oor verskillende fasette van hierdie fassinerende onderwerp te besin.

  • Hoofkonvenor van die miniseminaar: Imke van Heerden*
  • Medekonvenors: Die LitNet-span

Imke van Heerden* lei sedert 2020 AI as Author by Koc Universiteit in Istanboel. Dié navorsingsprojek bring letterkundiges en rekenaarwetenskaplikes in gesprek rondom KI en kreatiwiteit, en het in 2021 die eerste KI-gedigte in Afrikaans met hul eie taalmodel AfriKI – Afrikaanse Kunsmatige Intelligensie geskep. Die projek se grondliggende artikel “AI as Author – Bridging the Gap Between Machine Learning and Literary Theory” in die Journal of Artificial Intelligence Research pleit vir die insluiting van letterkundiges in die ontwikkeling van masjienleermodelle.

Lees en kyk ook op LitNet en Voertaal:

In die beeld van die Skepper: ’n kykie in die toekoms van Kunsmatige Algemene Intelligensie (KAI)

’n Proaktiewe strategie om plagiaat met behulp van ChatGPT-3.5 te bekamp – ’n verkennende ondersoek

Hou KI ’n bedreiging vir skrywers in? | Etienne van Heerden Veldsoirée 2023

Tien etiese en praktiese gebruike van ChatGPT vir akademiese skryfwerk in Afrikaans

KI skep talle uitdagings en vrae vir wetenskaplike publikasies

Voordele en uitdagings van KI vir die universiteitswese

Kunsmatige Intelligensie en die reg: Regspraak en opinies lê nog ver in die toekoms

Verslag ‒ ASSAf-bespreking: The impact of Artificial Intelligence (AI) on Scholarly Writing and Publishing

The implications of ChatGPT in academia and journalism

Friend or foe? Expert panel tackles ChatGPT debate

Kopiereg, billike gebruik en kunsmatige intelligensie

Is KI ons nuwe Raka?

Besinning oor die ASSAf-paneelbespreking oor ChatGPT, assessering en hoër onderwys

Hoe verskil ChatGPT van Microsoft en Google se gespreksagente?

Persverklaring: Silwerwit in die soontoe: Afrikaans se eerste KI-gedigte deur Imke van Heerden, met Anil Bas en Etienne van Heerden

To Google or to Chat? Getting information is likely to change

Die geselsrobot en die metafisika van teenwoordigheid

Koekies: Die gekonkel in jou komper

Is ChatGPT ’n bruikbare hulpmiddel vir akademiese skryfwerk?

ChatGPT: vloek of zegen voor generatie Alfa

Kunsmatige intelligensie en akademiese artikels

KI vir die gewone gebruiker

KI: Die ontydige aankoms van die toekoms

Om ’n mens na te boots

Kletsbotte: Vriend of vyand? Praktiese voorstelle om hierdie kletsbot te omarm om die gehalte van akademiese skryfwerk te bevorder

Kunsmatige intelligensie: Kan ’n bot die Hertzogprys wen?

Skepping of nabootsing? Kunsmatige intelligensie en intelligente kuns

Wat dink jy van die stelling dat sonpanele ’n statussimbool is?

Mag Suid-Afrikaners kwaad wees wanneer hulle elektrisiteit voortdurend afgeskakel word?

Hoe verskil ChatGPT van Google Search?

Miniseminaar: Die Vierde Nywerheidsrevolusie

Afrikaans se eerste KI-gedigte

Die eerste KI-gedig in Afrikaans: "Silwerwit in die soontoe"

Kaapstad

Die konstabel se skiereiland

Gedigte, daar by die brul van ’n brander

AfriKI: Kunsmatige Intelligensie-gedigte in Afrikaans | Videolesing in Engels en Afrikaans

In gesprek met ChatGPT, ’n kunsmatig-intelligente rekenaartoepassing

Water-saving tips generated by an algorithm using artificial intelligence

A story written by AI: "The fox astronaut"

AI writes a haiku about broken glass

AI writes a poem about sitting in the morning traffic

Artificial intelligence creates a recipe for a sugar-free chocolate cake

Nederlands spreken met een app

My ontdekkingsreis met Robbie die Robot

Lees meer oor KI en die regswese:

Kunsmatige Intelligensie en die reg: Regspraak en opinies lê nog ver in die toekoms

  • 3

Kommentaar

  • Elizabeth Louw

    Ons Graad 7's moet 'n GTA (Gemeenskaplike taak vir assessering) doen: Hulle moet die sukses van OpenAI se ChatGPT en Dall-E ondersoek en evalueer. Dan moet hulle navorsing doen oor twee KI-programme. Die navorsing moet handel oor die sukses, of nie van die gebruik van hierdie toepassing deur skrywers, prokureurs, dokters, onderwysers, loodgieters of enige beroep van hul keuse. Waar begin mens? Van watse KI-programme praat hulle? Hoe weet 'n kind hoe en watter programme 'n prokureur of dokter bv gebruik? Help asseblief. Bekommerde ouma.

  • Hello, tannie! Ek is in graad 8 en ons het 'n soortgelyke taak. Julle kan begin om net 'n bietjie oor ChatGPT en Dall-E te lees. Dit is toepassings wat deur kunsmatige intelligensie vir jou 'n taak of prent genereer. 'n Mens moet eers kyk na wat hierdie toepassings kan doen en of dit dan 'n sekere deel van 'n beroep kan verrig. Ek het digitale bemarking gekies as my beroep, met die rede dat kunsmatige intelligensie beslis 'n groot rol daarin speel. Dit kan, ek sou sê, die grootste deel van die beroep oorvat.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top