Litnet

Onderhoude soos die een het vir hopeloos te lank nooit plaasgevind nie. Dit was grotendeels berekend, agterlosig, moedswillig of as gevolg van 'n polities korrekte agenda wat soos 'n rukwind regoor die wêreld waai. Die 'winde van verwarring' eerder as Harold MacMillan se destydse 'winde van verandering.'

Prof. Giliomee se ervaring, insig en kennis oor hierdie onderwerp wys op die leemtes in die denkpatroon van 'n Universiteit wat sy rug op sy eie mense gedraai het. Die ironie en tragedie is dat hierdie 'teregstelling' van Afrikaans deur individue gedryf word wat te kenne gee dat hulle wel Afrikaans as taal respekteer en wil uitbou.

Vir 'n geruime tyd is daar talle akademici, taalkundiges en belangegroepe wat waarsku teen roekelose beleidsrigtings van tersiëre instellings. Diegene wat Engels as enigste vak- en omgangstaal wil implimenteer, ook aan die Universiteit van Stellenbosch. Dit nadat ander universiteite soos Kovsies gou reeds onder prof. Jansen se leiding handdoek moes ingooi.

Etienne van Heerden het hom in die onlangse verlede by Breyten Breytenbach aangesluit deur daarop te wys dat dit Afrikaans se verlies aan hoër funksies is wat die grootste kommer wek. “Ek glo taal is ’n viool. En dit help nie jy speel net straatdeuntjies op ’n viool nie. Jy moet ook komplekse simfonieë kan uitvoer met jou viool. Dit is nie genoeg om te sê dat Afrikaans op kunstefeeste en rockkonserte en in sitkamers tuis gaan oorleef nie. Afrikaans as taal van hoër funksies (onder meer as regstaal, mediese taal en filosofiese taal) moet nou dringend groter beskerming geniet. Ek dink dus die sterfte lê op die hoër vlak, eerder as straatvlak" - aldus van Heerden. (Die Burger, 27 Maart 2013.)

'n Opdraande stryd lê gevolglik voor om hierdie dwaal-aksie van prof. De Villiers en sy ondersteuners teen te staan. Danie van Wyk se beplande protesaksie is daarom van groot belang en 'n goeie begin. Afrikaanses se boodskap moet helder en duidelik oorgedra word. In die woorde van NP van Wyk Louw:

"Ek kry 'n klein klein beiteltjie
ek tik hom en hy klink
toe slyp ek en slyp ek hom
totdat hy klink en blink."

Hopelik is dit 'n verwysing na die toekoms van Afrikaans wat weldra weer op universiteite sal begin blink. Dit hang egter grootliks van ons as Afrikaanses af tot watter mate sukses behaal sal word.

Dis belaglik. As Afrikaans nie 'n Afrikataal is nie, waar pas Engels dan in? Afrikaans is in Suid-Afrika gebore en nou word Engels in ons kele afgedruk.

Wat 'n uitsonderlke onderhoud. Sê soveel waarmee ek resoneer. Afrikaans is 'n groot huis - ek stem saam dat almal wat die taal of tale soos Afrikaaps praat, respekteer moet word.