Litnet

"Ditsem, Boetman, vertel hulle! Vat hulle aan! Sodat die wat ore het om te hoor dit kan hoor. Buiten dat ek nou nie juis jou oom Willem vir wie jy so die moer in is se lewensverhaal met baie groot ywer gevolg het nie, is dit net so goed soos ekself wat die relletjie met hom aan het."

"Ek het dit natuurlik sien kom: hier is nou uiteindelik ’n lekker 'chip' om op jou skouer te dra, as jy ’n (middeljarige) wit man is. Waar Louw juis bedoel het om die beterweterige en skynheilige ou garde so ’n bietjie terug te bring aarde toe, het hy nou self die skyf van woede en frustrasie geword. Nie hy persoonlik nie, maar dit wat hy verteenwoordig: die generasie van wit mans tussen die ouderdom van so 30 tot 50."

"Beste Chris Louw. Jou brief word deur baie wit middeljarige mans gebruik (miskien, dink ek hoopvol, dalk ook misbruik)."

"Ek stel voor Faan van der Merwe en buurman Chris Louw gooi ’n moerse paartie daar in die serwituutpad teen die hang van die Magaliesberg … miskien is daar nog vleis aan die hondekarkasse vir so ’n klein braaivleisie. En nooi sommer vir Boetman ook ’n slag, mense … hy’s nog nie klaar gepraat nie!"

"Elkeen wat my ope brief aan Willem de Klerk lees, behoort te besef ek dink nie hy en sy geslag het enige morele reg om aan Afrikaanssprekendes — en veral Afrikaners — voor te skryf hoe ons ons rol in die nuwe politiek moet uitspeel nie."

Stuur jou kortverhaal (500 tot 2000 woorde) of blitsfiksie (maksimum 500 woorde) aan netfiksie@litnet.co.za. 

"Dis in die moeilike ekonomiese en politieke tye nodig dat die Afrikaanse woord vertroetel word, dat daar met hom rondgespeel word, sodat hy nie net aan die lewe kan bly nie, maar kan groei en gedy."