Babalela (Penguin Randomhouse LAPA); Oupa Zombie (Pan Macmillan South Africa); Liewe Heksie (NB-Uitgewers); Asterix (Protea Boekhuis)
Wil jy Niki Daley se Jamela of Jaco Jacobs se zombie uit Oupa Zombie wees – of dalk ’n Storiemuis uit die luisterboeke? Wat van Liewe Heksie? Die Babalela? Of Asterix?
Elke jaar tydens Wêreldboekedag sien mens bekende karakters uit Engelstalige kinderboeke hul opwagting by skole maak, wanneer laerskoolkinders uitgenooi word om die dag te vier en soos ’n gunstelingkinderboekkarakter aan te trek. Waar is ons Afrikaanse en eg Suid-Afrikaanse kinderboekkarakters om saam te speel?
Naomi Meyer het by uitgewers en bemarkers van uitgewers wat almal met kinderboeke te doen het, gaan aanklop om te hoor of hulle voorstelle het van kinderboekkarakters soos wie Suid-Afrikaanse kinders sou kan aantrek as hulle skole dalk gedurende hierdie week die aandag vestig op Wêreldboekedag en hoe belangrik dit is om te lees.
Hier is ’n paar prettige voorstelle. Sommige van die boekkarakters wat voorgestel word, is karakters uit vertaalde boeke. Die boeke is wel almal beskikbaar in Afrikaans.
Lesers word ook uitgenooi om onderaan die artikel kommentaar te lewer en hulle idees te deel.
Simone Hough van NB-Uitgewers:
- Pippie Langkous (tegnies nie oorspronklik Afrikaans nie, maar Sweeds – maar ek dink die Afrikaans is hier meer bekend as die Engels)
- Liewe Heksie
- Blommie Kabouter
- Koning Rosekrans
- Karel Kat
- Kwaaitjie Kabouter
- Kwaaibabatjie
- Bennie Boekwurm
- Karel Kraai
- Sarel Seemonster
- Haas Das
- Piet Muis (van Haas Das)
- Speurhond Willem
- Speurder Kwaaikofski (ook 'n vertaling, uit Duits; die Engels is nie hier bekend nie)
- Lotta (Lotta se lewe – ook 'n vertaling, uit Duits; die Engels is nie hier bekend nie)
- Saartjie
- Trompie
- Moomin (ook 'n vertaling, uit Sweeds; die Engels is nie hier bekend nie)
- Jakkals en Wolf
- Jamela (van Niki Daly)
- Brolloks en Bittergal (nie seker of kinders van vandag dit nog ken nie)
- Die Storieman-kabouter.
Miemie du Plessis van Pan Macmillan South Africa:
- Zandi se lied (Zandile Ndhlovu) = meermin
- Jy is wonderlik (Tshwanelo Serumola) = soos superhelddogtertjie op die omslag
- Die meisie met vlerke (Jaco Jacobs) = groot vlerke op rug
- Oupa Zombie – Jaco Jacobs (soos 'n zombie!)
- Krok en Dil – kinders het dit reeds verlede jaar begin probeer; kan op verskeie vernuwende maniere soos hulle lyk
- Waldo en die weerwolf met die rooi tekkies (trek aan soos weerwolf)
- Waldo en die draak met die groen tong (trek aan soos draak)
- Waldo en die meermin met die blou stert (trek aan soos meermin)
- Waldo en die vampier met die geel reënjas (trek aan soos vampier)
- Dis my naam (Refiloe Moahloli) (trek aan soos karakters op die boek se omslag)
- Die baie, baie snaakse boek (Jaco Jacobs) – soos enige van die diere in die boek.
Nadine Petrick van LAPA Penguin Random House South Africa:
Trek aan soos die karakters in:
- Die Stalmaats-reeks (Lize Roux)
- Die Ouma Mollie-boeke (Fanie Viljoen)
- ’n Kas vol monsters-reeks (Jaco Jacobs)
- Die Zackie Mostert-reeks (Jaco Jacobs)
- Die Babalela (Martie Preller)
Nicol Stassen van Protea Boekhuis:
- Julia Donaldson & Axel Scheffler: Die Goorgomgaai, Die Goorgomgaaitjie, Zok, Die lelike vyf
- David Walliams: Die seun met die rok, Ouma is 'n kroek, Die tandeterroris
- Cressida Cowell: Hoe om jou draak te tem
- Karakters soos Kuifie, Kaptein Sardijn, Spokie, Asterix, Obelix
Lees ook:
Onderwyshulp en leesbegripstrategieë 7: Die maak van afleidings
Oorsig: ’n hartverwarmende derde Suid-Afrikaanse kinderliteratuurfees
Die Babalela-storieboek deur Martie Preller: ’n lesersindruk
LitNet Akademies-resensie-essay: Alice Miller - Saartjie Baumann en Thomas