Leon van Nierop

Leon van Nierop is in 1953 in Brakpan gebore. Hy het as omroeper-regisseur by die SAUK in 1975 begin en werk ook as TV-draaiboek-redakteur by die SAUK in die middel 80’s. Hy onderskei hom as regisseur en skrywer van radio- en TV-reekse soos Wolwedans in die skemer, Ballade vir ’n enkeling en Stralerjakkers. Laasgenoemde het vir 1,367 halfuur-episodes geduur. Dit is ook gedeeltelik as TV-reeks op kykNET uitgesaai. Hy het 25 romans geskryf waaronder Vuurvreter wat binnekort by LAPA Uitgewers verskyn, asook ’n kabaret wat by kunstefeeste opgevoer is. Hy skryf al 35 jaar resensies vir verskeie publikasies soos Huisgenoot, You, Drum, DEKAT, Citizen en Beeld. Hy skryf ook rubrieke, verhale, resensies en artikels onder verskeie skuilname.

Hy was vir byna 4 jaar lank hoof van die Filmskool by die Tshwane Universiteit van Tegnologie en was professor in film daar. Hy het twee boeke oor rolprentwaardering geskryf: Seeing Sense on Film Analysis en Movies Made Easy, albei by Van Schaiks. Hy vervaardiger 4 DVD’s waarop sy lesings verfilm is en wat nou by LAPA uitgegee word, gee landwyd klas vir onderwysers in rolprentwaardering en lewer bydraes oor rolprente tot verskeie akademiese voorgeskrewe publikasies.

Hy bied verskeie kursusse in visuele geletterdheid in townships, by skole en by Wits aan. Hy dien op die komitees van verskeie rolprentpryse soos die SAFTAS en dien op die komitee van die Akademie vir Wetenskap en Kuns.

Hy saai op RSG uit en doen ook Monitor se weeklikse rolprentresensies. Hy skryf RSG se eerste en hoogs suksesvolle jeugvervolgverhaal Ratels. Hy was ook TV-vervaardiger van DEKAT TV, het reis insetsels voor die kamera aangebied en die teks en stem vir die program gedoen.  

Hy wen die Caxton Toekenning as beste skrywer van die jaar in 2009 en hy wen die tweede prys in die landwye radiodrama-skryfkompetisie by Sanlam vir gevestigde skrywers in 2009 vir sy drama Twyfelberg. Hy skryf reisartikels vir DEKAT reis+kuier en van sy kortverhale word in voorgeskrewe bundels vir skole ingesluit. Hy reis deur die wêreld waar hy reisartikels oor lande soos Alaska, Suid-Amerika, Amerika en Kuba gedoen het. Hy skryf tans aan ’n nuwe roman Verklikker en werk aan ’n akademiese boek saam met M-Net oor Suid-Afrikaanse rolprente.



Opgedateer/Updated: 2010-03-08
Bio-inligting verouderd? Stuur 'n e-pos aan bio@litnet.co.za 
Bio-info dated? Send an e-mail to bio@litnet.co.za

 

Kaalgat Karel, ’n resensie deur Leon van Nierop

Leon van Nierop Film 2021-10-06

"Om die een of ander rede is om sonder klere te wees, en die woord 'gat', baie snaaks vir sekere lede van rolprentgehore. Voeg die twee saam, en jy kry ’n botsing wat nie net die klere laat spat nie, maar ook die gehoor se geduld."

9/11: One day in America – ’n resensie

Leon van Nierop TV 2021-09-10

"9/11: One day in America verander alles. Dit hervertel die gruwels wat jy dink jy ken."

Devilsdorp: ’n resensie

Leon van Nierop TV 2021-08-03

"Geluk aan ’n uitmuntende en filmies-geletterde span wat uit hierdie bloedige chaos kykersorde geskep het."

Strangers you know: ’n resensie

Leon van Nierop TV 2021-07-05

"Hierdie onthutsende reeks, wat uit agt episodes bestaan, is broodnodig. Dit fokus op van die bekendste en mees berugte Suid-Afrikaanse moordverhale waarin vrouens die slagoffers was. En dit vertel die ware verhale, kopbene en al, op onderhoudende wyse."

This is not a burial, it is a resurrection: ’n filmresensie

Leon van Nierop Film 2021-06-22

"Bravo. Hierdie ragfyn streel oor die siel is ’n meesterstuk van eenvoud, aanklagte, liefde en dapperheid."

’n Huldeblyk aan Ben Kruger

Leon van Nierop In memoriam 2021-06-02

"En almal met wie ek praat wat saam met hom in Binnelanders gewerk het, kry openlik knoppe in die keel wanneer hulle na die sagmoedige, soms snaakse maar altyd uiters professionele Ben Kruger verwys."

Barakat: ’n filmresensie deur Leon van Nierop

Leon van Nierop Film 2021-05-10

"Die verkwiklike draaiboek deur Amy Jephta en Ephraim Gordon systap alle clichés waarop ons hamburgereters dekades lank gespeen is."

Nomadland: ’n filmresensie

Leon van Nierop Film 2021-03-31

"Hier is dus ’n film wat met jou siel kommunikeer, ’n eensaamheidsfluistering wat jy hier binne intens maar persoonlik beleef, of een lang stuk verveling vir diegene op soek na ’n 'storie'."

Athlete A, ’n resensie

Leon van Nierop Film 2021-03-04

"Kykers moet weet dat ’n hulpelose woede jou beetpak as betrokke toeskouer van die wandade en die ontboesemings. Dis nie maklik om te sien nie."

Tiger: ’n resensie

Leon van Nierop TV 2021-02-02

"Die publiek put net soveel genot uit die val van ’n ikoon as aan die opbou van een, en dit is gedeeltelik wat hierdie uitstekende dokumentêr weerspieël – hoe maklik ’n held hel toe kan gaan."

Filmresensie: Mank

Leon van Nierop Film 2021-01-04

"Mank, nou op Netflix, is ’n rolprent van verlore kanse."

Kingdoms of fire, ice and fairytales op Showmax: ’n resensie

Leon van Nierop TV 2020-12-04

"Dit is tog talle tuisblyers so grootste begeerte om tog net een keer ongesteurd (en in ons gewelddeurdrenkte land veilig) die natuur te kan waardeer en verken, veral ’n eksotiese, vreemde landskap waarmee ons dalk nie so vertroud is nie. En dit is juis wat hierdie twee vernuwende, verbeeldingryke en dapper vroue regkry."

Sean Connery, veelsydige superster

Leon van Nierop In memoriam 2020-11-04

"Toe Sean Connery in die vroeë sestigs op die toneel kom, het hy ’n nuwe kleur, gemaklikheid, charisma en ’n sensuele kwaliteit aan volbloed manlikheid gegee wat destyds gekort het en waarvoor akteurs versigtig was."

Filmresensie: Wesens

Leon van Nierop Film 2020-10-29

"Ontsnap die grendelgreep van hoe Amerika jou geleer het films behoort te lyk, en gee jou oor aan een van die mees unieke en onverwagse, erbarmlike ervarings van die jaar."

My octopus teacher: ’n filmresensie

Leon van Nierop Film 2020-09-29

"Vergeet eentonige dokumentêre met pratende koppe oor vervelige onderwerpe. My octopus teacher op Netflix is een van daardie ervarings waaruit jy leer en wat jou verryk."

Top