Marli van Eeden

Marli van Eeden is gebore en getoë in Bellville, en matrikuleer in 2012 aan die Hoërskool DF Malan.

In 2015 voltooi sy haar BA-graad in drama en teaterstudie, met sielkunde en Afrikaans en Nederlands as ekstra vakke, aan die Universiteit Stellenbosch. Sy studeer verder nagraads en verwerf honneursgrade in drama en teaterstudie (met toegepaste teater as spesialisasie) en joernalistiek. Sy is tans besig met haar meestersgraad in joernalistiek.

Tydens haar jare in die Sonop Dameskoshuis op Stellenbosch word sy in 2015 tot studente-welstand-mentor verkies en in 2016 tot huiskomiteelid.

As deel van haar praktiese ervaring tydens haar studie in die joernalistiek voltooi sy internskappe by onder andere Eikestadnuus, MatieMedia, MFM 92.6 fm, Netwerk24 en Die Burger

Marli is tans die assistent inhoudsbestuurder by LitNet en betrokke in die radiobedryf. Sy is die ontbyt-nuusleser by MFM 92.6 fm van 6:00-9:00 elke oggend en bied  op Sondae ’n program aan van 14:00-17:00.  Sy is ook ’n omroeper by Radio Helderberg in Somerset-Wes nadat sy in 2018 ’n nuusleser was. 

In haar vrye tyd lees sy graag, verken sy staproetes en woon sy elke denkbare kunstefees by. Haar droom is om Suid-Afrika (en Afrika) plat te reis. Sy het ’n liefde vir die Karoo, en haar idee van ’n ideale blaaskans is ’n wegbreek na hul familieplaas naby Touwsrivier.

Kanarie maak Suid-Afrikaanse debuut by Silwerskermfees

Marli van Eeden, Christiaan Olwagen, Charl-Johan Lingenfelder Film 2018-08-21

"Hierdie is primêr ’n Suid-Afrikaanse 'coming-of-age'-verhaal met ’n geweldige klomp taboe onderwerpe wat aangespreek word. Dis ’n film oor oorlog, maar die oorlog wat mens met jouself voer. As jy jou lewe lank gekondisioneer word om dit wat jy is te haat, gaan jy uiteraard jou eie grootste vyand word."

Die eenpersoondrama: ’n onderhoud met Nicola Hanekom

Marli van Eeden, Nicola Hanekom Menings 2018-08-07

"Die meeste drama is op konflik gebaseer. Omdat daar net een karakter is, moet die konflik binne die karakter afspeel. Hoe dan anders? Die gehoor sien die worsteling omdat die karakter die moed het om die masker te laat glip en nie op te sit nie."

Die hede van klassieke musiek: ’n onderhoud met Kristi Boonzaaier

Marli van Eeden, Kristi Boonzaaier Onderhoude 2018-08-01

"Klassieke musiek is ’n fantastiese medium van musiek wat ’n sterk impak op baie mense se lewens maak. As kunstenare is dit ons verantwoordelikheid om te verseker dat die musiek betekenisryk en relevant bly vir ons gehore." Op 4 Augustus gaan Kristi Boonzaaier se komposisie vir die Kaapstadse Filharmoniese Orkes, naamlik Ode to Madiba, by die Winter Symphony Season 2018 Festival opgevoer word.

Vrystaat Kunstefees 2018: Vrynge inspireer ontluikende kunste

Marli van Eeden, Michael Garbett Feeste 2018-07-13

"In die afwesigheid van doeltreffende afsetgebiede vir die kunste – veral in gemeenskappe wat migreer het tot meer geïsoleerde vorme van vermaak – het die feeste hulself geposisioneer as die vernaamste rolspelers vir die viering en voortsetting van Suid Afrikaanse kuns. Verder het die kunstefeeste ook ’n bepalende rol begin speel in die ontwikkeling van jong kunstenaars."

The 44th National Arts Festival hits Grahamstown

Marli van Eeden, Ashraf Johaardien Feeste 2018-06-28

“Very few other festivals in the country have the demographic diversity of our audience. By numbers, we’re also the largest multi-arts festival of this kind on the continent, and we’ve also been around a lot longer than most.” Marli van Eeden chats to Ashraf Johaardien, executive producer of the National Arts Festival. The 44th National Arts Festival is taking place from 28 June until 8 July in Grahamstown.

Independent filmmaking: “Get out there and make movies”

Marli van Eeden, Ryan Kruger Film 2018-06-27

"On 24 May, the South African Independent Film Festival, or SA Indie Film Fest for short, took place at the Labia Theatre in Cape Town, celebrating independent filmmaking. The festival showcased 22 short films, documentaries, music videos and even VR films from all around the world."

Eerste Kanna in die sak vir nuweling van Die Meermin-kompleks

Marli van Eeden, Du Toit Albertze Onderhoude 2018-05-23

"Die toekenning wys vir my dat daar hoop is vir mense wat in die 'ander' boksie geplaas word. Dat die ongehoordes ook ’n stem kan hê, en dat mense begin bereid word om regte stories te hoor en nie net stories wat gekondisioneer is as die waarheid nie."

NRNNSA slaan die spyker op die kop

Marli van Eeden Suidoosterfees 2018-05-10

"Die produksie NRNNSA, nuutgeskrewe deur talentvolle jongelinge, slaan die spyker op die kop en bewys dat vandag se teater nie skroom om moeilike vrae te vra nie. Daar is geen heilige koeie nie en die geselskap van NRNNSA huiwer nie om kwessies aan die orde van die dag op die naam te noem nie. Die toneelstuk is op die man af. Dis tong-in-die-kies, die dialoog is pittig en die temas uiters relevant."

Jong Matie-student bekroon as “beste opkomende kunstenaar” by WoordTROfees: ’n onderhoud met Carla Smith

Marli van Eeden, Carla Smith Onderhoude 2018-05-03

"Die kunste verwelkom nuwelinge, maar daar is nie tyd vir tydmors of ’n passasier wees nie – as jy hard werk en met nuwe idees vorendag kom, wil ek glo dat daar ’n toekoms kan wees."

Suidoosterfees 2018: NATi se bydrae tot Afrikaanse teater

Marli van Eeden, Cornelia Faasen Suidoosterfees 2018-04-25

"Afrikaans se heil lê in die kreatiewe omgewings, en teater is ’n sleutelvennoot."

Suidoosterfees 2018: Die toneelstuk NRNNSA, transformasie en die toekoms van teater: ’n onderhoud met Mercy Kannemeyer

Marli van Eeden, Mercy Kannemeyer Suidoosterfees 2018-04-18

"Rakende transformasie is daar baie belangrike en nodige dinge besig om te gebeur. Ons wat nou op universiteit saam met die Fallist-beweging grootword (dis nou onder andere die Fees Must Fall- en Rhodes Must Fall-bewegings), leef in ’n tyd waar ons nie kan bekostig om apaties te wees nie. Dinge is aan die gebeur, en ons sal moet luister en deelneem as ons aktiewe burgers wil wees. As ons ernstig is oor transformasie, sal ons moet saamwerk."

Top