Marli van Eeden

Marli van Eeden is gebore en getoë in Bellville, en matrikuleer in 2012 aan die Hoërskool DF Malan.

In 2015 voltooi sy haar BA-graad in drama en teaterstudie, met sielkunde en Afrikaans en Nederlands as ekstra vakke, aan die Universiteit Stellenbosch. Sy studeer verder nagraads en verwerf honneursgrade in drama en teaterstudie (met toegepaste teater as spesialisasie) en joernalistiek. Sy is tans besig met haar meestersgraad in joernalistiek.

Tydens haar jare in die Sonop Dameskoshuis op Stellenbosch word sy in 2015 tot studente-welstand-mentor verkies en in 2016 tot huiskomiteelid.

As deel van haar praktiese ervaring tydens haar studie in die joernalistiek voltooi sy internskappe by onder andere Eikestadnuus, MatieMedia, MFM 92.6 fm, Netwerk24 en Die Burger

Marli is tans die assistent inhoudsbestuurder by LitNet en betrokke in die radiobedryf. Sy is die ontbyt-nuusleser by MFM 92.6 fm van 6:00-9:00 elke oggend en bied  op Sondae ’n program aan van 14:00-17:00.  Sy is ook ’n omroeper by Radio Helderberg in Somerset-Wes nadat sy in 2018 ’n nuusleser was. 

In haar vrye tyd lees sy graag, verken sy staproetes en woon sy elke denkbare kunstefees by. Haar droom is om Suid-Afrika (en Afrika) plat te reis. Sy het ’n liefde vir die Karoo, en haar idee van ’n ideale blaaskans is ’n wegbreek na hul familieplaas naby Touwsrivier.

’n Blik op die produksie Krotoa: Eva van de Kaap

Marli van Eeden Teater 2019-02-15

Die produksie Krotoa: Eva van de Kaap, wat deur die Kunstekaap in samewerking met die Nederlandse teater die Volksoperahuis aangebied word, is tans in die Kunstekaap in Kaapstad te sien. Die toneelstuk, wat geskryf is deur die joernalis Sylvia Vollenhoven, met regisseur Basil Appollis wat die regie behartig, kyk  op ’n unieke manier na ’n ondergewaardeerde figuur in Suid-Afrika se geskiedenis. 

Vier vrae aan die skrywers van die Jakes Gerwel-stigting en NB-uitgewers se skrywermentorskapprogram

Marli van Eeden, Bronwyn Davids, Engela Ovies, Shana Fife, Sharon Mogoaneng Onderhoude 2019-02-07

’n Mentorskapprogram vir opkomende skrywers van die Jakes Gerwel-stigting word vanjaar in samewerking met NB-uitgewers van stapel gestuur. Die eerste skrywers wat aan die projek sal deelneem, is Bronwyn Davis, Engela Ovies, Shana Fife en Sharon Mogoaneng. Dít is wat hierdie opkomende skrywers te sê het.

Nuwe mentorskapprogram gee vier opkomende skrywers 'n hupstoot

Marli van Eeden Onderhoude 2019-02-07

Dit is nie ’n maklike taak om ’n boek te skryf nie, wat nog van publiseer. Juis daarom stuur die Jakes Gerwel-stigting, saam met NB-Uitgewers, vanjaar ’n mentorskapprogram van stapel om opkomende skrywers met dié taak te help.

Nie die laaste noot nie: ’n onderhoud met Johan Stemmet

Marli van Eeden Onderhoude 2019-01-31

"Ná byna 29 jaar, 43 reekse en byna 700 episodes het Johan Stemmet diep spore in Suid-Afrikaners se harte getrap. Johan, sy musiekfabriek, onderbaadjies en sêgoed het volksbesit geword. Gaan Noot vir noot dieselfde sonder hom wees?"

Skrywers gesels oor kykNET-reeks Dwaalster

Marli van Eeden, Nicola Hanekom, Retief Scholtz Onderhoude 2019-01-31

"Ons hoofkarakter, Annabel Loots, vlug uit die stad omdat sy in gevaar is weens haar werk as ’n ondersoekende joernalis. Terwyl sy op Maanhaarsdrif laag lê, word haar string plofbare artikels oor skaliegasontginning en korrupsie gepubliseer, met dramatiese gevolge."

Dekolonialisering en die museum: voorbeelde uit Suid-Afrika en Frankryk

Marli van Eeden Menings 2019-01-24

"In die lig van onlangse debatte oor die terugbesorging van gesteelde Afrika-artefakte/-kunswerke deur Europese museums in die koloniale era bespreek Clémentine Deliss die implikasies hiervan en wat dit vir museums beteken. Moet daar nie meer deur lande gedoen word om kunswerke of artefakte terug te besorg aan hul land van oorsprong nie?"

Weerklink van ’n wanklank: ’n onderhoud met Pieter-Dirk Uys

Marli van Eeden, Pieter-Dirk Uys Onderhoude 2018-12-11

"‘Moenie dat hulle jou bangmaak nie, maak hulle belaglik.’ Daardie woorde het my lewe verander. Lag vir jou vrees en maak dit minder vreeslik. En dít is wat humor vir my beteken."

Die intieme musiekspel: ’n onderhoud met André Gerber en Petrus du Preez

Marli van Eeden, André Gerber, Petrus du Preez Onderhoude 2018-11-27

"Vir ons as teatermakers bly die vraag altyd: Hoekom moet ons dié storie vertel?"

"Dis my ma se taal, my pa se stilwees en hoe hulle daagliks net leef"

Marli van Eeden, Herschelle Benjamin Onderhoude 2018-11-05

“Bowenal als, is my ouers ’n groot inspirasie wat my werk op verskillende maniere aanraak. Dis my ma se taal, my pa se stilwees en hoe hulle daagliks net leef. Dis ’n rykdom wat ek as kind al besef het en dankbaar is dat juis hulle my ouers is.”

Annari van der Merwe se kuns is meer as die somtotaal van die elemente

Marli van Eeden Kuns 2018-10-31

Van der Merwe se kunswerke is tans in Kaapstad te sien, as deel van haar My grand tour-uitstalling by die Cape Gallery in Kerkstraat. Die openingsgeleentheid van die uitstalling het Sondag 28 Oktober op ’n warm somersmiddag plaasgevind.

Breyten Breytenbach se The 81 ways of letting go a late self in Kaapstad te sien

Marli van Eeden Kuns 2018-10-24

Die digter, skrywer en kunstenaar Breyten Breytenbach se kunswerke is tans in Kaapstad te sien, as deel van sy solo-uitstalling The 81 ways of letting go a late self. Die opening van die uitstalling het Donderdag 18 Oktober by die Stevenson-galery in Kaapstad plaasgevind, met Breytenbach self wat teenwoordig was. Marli van Eeden vertel meer.

Kanarie binnekort by plaaslike rolprentteaters: ’n onderhoud met Schalk Bezuidenhout

Marli van Eeden, Schalk Bezuidenhout Film 2018-10-18

"Ek dink mense is dikwels onder die indruk dat ’n 'ernstige' rol meer uitdagend is as ’n rol in ’n komediereeks byvoorbeeld. Of dit nou drama of komedie is, jy moet ’n karakter op ’n geloofwaardige manier aan ’n gehoor oordra, en dit is altyd ’n uitdaging."

“Ek beskou myself as bevoorreg en werk soos ’n malle elke dag”: ’n onderhoud met Nataniël

Marli van Eeden, Nataniël Leefstyl 2018-10-01

"Waarmee ek ook al tans besig is, is my hoogtepunt. Ek is mal van vrees, obsessief oor detail, naar van spanning, smagtend na aanvaarding, neuroties oor my geheue en doodbenoud iemand sien ’n kostuum vir ’n tweede keer."

Aardklop 2018: ’n onderhoud met Tinarie van Wyk Loots oor Swerfgoed

Tinarie van Wyk Loots, Marli van Eeden Aardklop 2018-09-27

"Ons lag vir hulle omdat hulle grotesk is. En dit maak ons ​​ongemaklik. En hopelik vanuit hierdie ongemak, word ons self dit op die hart gedruk om beter te wees."

Aardklop 2018: Bloed en Bodem, ’n onderhoud

Marli van Eeden, Marthinus Basson Aardklop 2018-09-27

"Ek dink dat die temas oor wat aan wie behoort en wie het reg op enigiets, hetsy liggaam, grond, ras of skuld, nou nogal op brandpunt is. Hierdie teks is reeds oor die afgelope jare ontwikkel as deel van haar [die skrywer van die stuk se] doktoraal oor die grensdrama. Tyd het haar heerlik ingehaal."

Top