Danie Botha
Danie Botha was van 1972 tot 2002 fiksie-redakteur by Tafelberg-Uitgewers en ook die stigter van die druknaam Homeros. Ná sy uittrede is hy steeds werksaam in die uitgewersbedryf as vryskutboekeredakteur. Tot Augustus 2006 was hy redakteur van Gay@Litnet. Hy is die skrywer Die Soft Rock Klub (kortverhale;1995), en verskeie verhale (ook vir kinders) is gebloemlees deur Hennie Aucamp, Abraham H de Vries, Linda Rode en Johann de Lange.
Hy is die samesteller van twee publikasies oor die geskiedenis van Tafelberg-Uitgewers, Hulde aan JD [Pretorius] (1987) en In ons goeie boekies: skrywers en redakteurs oor Tafelberg-Uitgewers (1991). Van 1986 tot 2007 was hy toneelresensent van Die Burger; daarna tot 2015 vir die teaterwebruimte van die Masque-teater in Muizenberg. Tans skryf hy vir LitNet: Leefstyl: Teater. Sy jarelange navorsing oor die geskiedenis van die pioniers van die Afrikaanse beroepstoneel, onder andere by NALN, het beslag gekry in Voetligte en applous! wat in 2006 by Protea Boekhuis verskyn het.
Hy stel keurbundels saam uit werk wat hy as boekeredakteur dikwels versorg het: Die beste spookstories van CJ Langenhoven (1992), PH Nortje seWellington se suiker (1993) en Op ’n hoë noot (2008), en Fanus Rautenbach se Tien uit tien (2010). In 2015 verskyn Om Hennie Aucamp te onthou. Hy het dit saamgestel uit huldigingstekste by die dood van Aucamp.
Tot 2013 was hy veertien jaar lank mede-aanbieder van ’n kultuurprogram, "Kaapse Dagboek", by Fine Music Radio in Kaapstad. Sedert 1973 het hy voordragprogramme saamgestel en kortverhale van Langenhoven en Dalene Matthee verwerk vir RSG, en bydraes gelewer tot letterkundige programme. Met ’n lisensiaat in voordrag en drama van die Akademie vir Dramakuns in Kaapstad tree hy op in radiohoorspele; was hy huilende skurke in die Springbokradio-vervolgverhale. Was medestigter van die Akademiespelers, ’n toneelvereniging vir die studente van die genoemde dramaskool; in hulle teater Die Kamer het hy dikwels toneelgespeel. In 2011 ontvang hy ’n oorkonde van die ATKV vir sy bydrae tot die uitgewerswese, letterkunde en die radio. In Julie 2014 verskyn Die helder dae waarin hy kortverhale oor sy jeug op Worcester, artikels oor teaterlui, skrywers en uitgewers in Kaapstad, en godsdienstige rubrieke uit Kerkbode versamel. Dit vorm ’n outobiografie in die kleine. Die boek gee aanleiding daartoe dat eers Ampie Muller en nou Amanda Botha hom boeke laat bespreek in Fine Music Radio se maandelikse “Boekkeuse”. Van sy boekbesprekings word ná uitsending op LitNet geplaas asook dié wat hy net vir LitNet lewer.
Fanus Bothma is oorlede
2024-05-27"Ek het die Bothmas in Kaapstad ontmoet toe ek rondom 2000 betrokke was by Tafelberg-Uitgewers, die Akademiespelers en teater-, en boekresensies vir byvoorbeeld Die Burger gelewer het."
’n Huldeblyk aan Maggi Atkinson
2024-04-26"Met die stigting van die Akademiespelers in 1978 sou Maggi uitblink in komedie, tragedie, kinderteater, kabaret, skakelwerk en reklamewerk by die Afrikaanse en Engelse pers."
In memoriam: Mariël le Roux
2023-11-14"Sy het graag tuingemaak en in haar romans plaas- en natuurtonele voortreflik opgeroep. Haar kennis en ervaring van verpleging kom na vore in ’n menigte intriges."
Lewensreis deur die teater sit in my bloed deur Mari Mocke: ’n lesersindruk
2023-10-25"Dit is vir jou as jy ’n toneelliefhebber is, iemand met of sonder dramaopleiding, met moontlike ervaring van spel, regie, verhoogbestuur, kostumering, grimering, stelontwerp en -bou, beligting, reklame en resensering."
’n Sinvolle lewe: herinneringe aan Danie van Niekerk
2022-02-09"Deesdae kyk ek juis in ’n resensie na 'Tafelberg-Uitgewers' en raak aangedaan. Vir my ’n tyd wat nooit weer in my lewe sal wees nie. Nou spesifiek ook sonder Danie van Niekerk."
Herinneringe aan Petra
2021-07-02"As my kollega by Tafelberg-Uitgewers was sy vir my Petra Grütter. Met haar publikasies: Petra Müller."
Barmhartigheid aan duisende: ’n Familiesage uit die Sandveld: ’n onderhoud met Beatrix Kotzé
2021-04-01"Die grens tussen 'ons' en 'hulle' is nie meer so definitief nie. In my boek het ek probeer om daardie regstelling te maak op ’n subtiele wyse."
Tronkhond deur China Mouton: ’n resensie
2020-07-27"’n Groot verskeidenheid gebeurtenisse word gedramatiseer: misdaad binne ’n gevangenis soos moord, bendegeweld en ontsnappings; ook ontroerende voorvalle binne sy familie- en vriendekring. Waar nodig gebruik hy ruwe taaluitdrukkings, gevangenes se soort woorde en sekere uitdrukkings wat ek onthou uit my dienspligmaande van lank gelede."
Ingeperk in die aftreesentrum
2020-06-09"Ek kla by die bestuurder. Kan ons nie begin terugkeer na die gewone, die bekende nie? In plaas daarvan om aanhoudend nuwe plakkate opsit, aankondigings te maak."
FMR-resensie: Noorman deur SD Fourie
2020-02-25"Noorman bied ’n oorsig oor rasseverhoudinge oor dekades heen."
FMR-resensie: Toy van Carnarvon deur Stephen le Roux
2020-01-22"Toy as die ek-verteller vereenselwig hom so met sy jeugervarings dat dit jou absoluut oortuig, laat glimlag of ontroerd laat."
FMR-resensie: Vervleg deur Petro Hansen
2019-11-22"Daar's nog ’n soort vervlegting in die boek: Die afsonderlike rubrieke word in so ’n volgorde geplaas dat skakels onderling ontstaan."
FMR-resensie: Kammaland deur Annelie Botes
2019-10-22"In Kammaland gaan dit om die tydperk Oktober 2017 tot Januarie 2018 toe sy en Chris alias die ou gryse rondgevaar het op die kanale in Engeland."
FMR-resensie: Koshuis deur Erns Grundling
2019-10-03"Erns som die heerlike uiteenlopendheid en die afwisseling in die temas op: kattekwaad, byname, romanse, studentepret, koshuissport (én sports), ontgroening (verkieslik die ligter kant), studietyd, koshuisvaders en -moeders, koshuiskos ..."
FMR-resensie: Donker bloeisel deur Jacques le Roux
2019-07-24"Donker bloeisel deur Jacques le Roux is ’n toeganklike roman oor ’n bekende gedeelte van ons land se geskiedenis. Maar dit is ongelukkig nie tipografies en redigeringsgewys goed genoeg versorg nie."