Litnet

"Die laaste paar jaar is sirkusse meestal ’n hartseer ervaring met kostuums en tente en mense wat eens in hul fleur was, maar nou half desperaat vasklou aan die magiese van vervloë dae. Dis nou tot jy by die vlaggies van die boheemse The Fantastic Grifizzi Brothers op die Van der Stel-sportgronde op Stellenbosch indraai."

"Dis die tipe produksie wat weer die land moet toer en deur soveel moontlik mense gesien moet word."

"Dit gaan nie in almal se smaak val nie; dit gaan te laf en oppervlakkig wees vir sommige ernstige teatergangers, maar vir wie dit kan sien en waardeer vir die lawwigheid, is dit beslis net wat die dokter voorgeskryf het."

"Die trefkrag van die boek lê vir my daarin dat jy nie noodwendig ’n gelowige hoef te wees om waarde uit die stories en insigte te put nie; dat die fyner kyk in ander se vreugdes en seer jou deel maak van ’n groter groep."

"Die boek is relevant en wys dat Afrikaanse skrywers ’n boek in die konteks van die Suid-Afrikaanse samelewing kan plaas sonder om enigsins die leesgenot in te boet of prekerig voor te kom."

"Die skertsery is vlymskerp, die sang is uitstekend en hul kostuums nog beter."

"Die teks het goeie diepte en getuig van ’n vaardige woordsmid, met ’n oplettendheid oor die politieke en sosiale omgewing. Die debatte wat gevoer word, is kenmerkend van die tipe debatte wat ’n intelligente nasie behoort te voer."

"Dis duidelik dat die skrywer gemaklik in sy genre is. Hy ken die fyner nuanses van spanning en sy bekwaamheid as boeiende storieverteller, en vermoë om net genoeg te verklap om jou aandag gevange te hou, maak van hom ’n lekkerlees-outeur."

"Die meeste geskiedenisboeke handel oor dinge wat lank terug gebeur het. Hierdie [Madonsela se storie] is geskiedenis waardeur ons almal geleef het. Elke leser kan daarmee identifiseer, of hulle die boek haat of mal daaroor is."

"Gee jy ’n gewilde semibiografiese musiekblyspel oor ’n bekende Broadway-ster en aktrise oor aan ’n bekwame, vernuwende span plaaslike teatermakers, kry jy hul pragtige vertolking van die oorsese wegholsuksesstorie van Fanny Brice in Funny Girl – The Musical."

"Ek hoop hierdie boek is die begin van vele misdaadfiksiewerke van haar, want ek glo sy het haar genre gevind. Die trekboere was ’n interessante idee en ek kan net wonder of sy hierdie milieu verder sal gebruik."

"Britse gehore het dit beskryf as Fawlty Towers gemeng met Noises off en ’n raker beskrywing is bykans onmoontlik. Maak nie saak wat jou bui is as daardie teaterligte doof nie, jy kan nie vir lank stug bly nie."

"Maar alle suurpruime se vooroordeel ter syde, dit was een van my gunsteling-blyspele nog. Ek het lanklaas so lekker gelag, gehuil en my verwonder aan die pragkostuums."

"Dit voel asof hulle jou sieninge uitdaag; jou half dwing om jou eie oorwegings en kritiek en oordeel te heroorweeg. Die kreet dat jy tot in hul siel moet kyk na die mens wat daarbinne skuil, ongeag sy seksuele oriëntasie, gewoontes of kleredrag."

"Haar skryfstyl het ’n eerlikheid wat jou by tye laat wonder of sy besef daar is mense daar buite wat haar woorde lees, wat haar as’t ware beter leer ken deur haar boeke, al sal sy hulle nooit ontmoet nie."