Anzé Bezuidenhout

Anzé Bezuidenhout is baie lief om haar diepste gevoelens en gedagtes oor alles in haar lewe in digvorm uit te druk. Haar liefde vir woorde kom 'n baie lang pad. Sy is 'n plaasvrou met 'n groot liefde vir die Bosveld, maar ook ’n entrepreneur wat haar eie padstal bestuur. Anzé het grootgeword op ’n plaas in Marble Hall-distrik, en later  gematrikuleer aan Hoërskool Piet Potgieter in die voormalige Potgietersrus. Deesdae woon sy en haar man Willie op ’n plaas op die Springbokvlakte, naby Modimolle (Nylstroom). Oor haar padstal, IetsiVanAls Curios & Biltong net buite Modimolle is sy besonder trots. Dáár omring sy haar met mooi goed en mooi mense en dit maak haar baie gelukkig.

Anzé is al 34 jaar getroud met Willie en hulle het drie dogters en vyf kleinkinders. Vir Anzé is haar gesin haar rots en steunpilaar en hulle maak haar lewe propvol mooi dinge. Haar woorde is haar asem en daarsonder sal haar siel sterf. Sy leef, droom en bid in Afrikaans. Vir haar is Afrikaans die wonderlikste instrument om haar gedagtes mee weer te gee. Anzé het ’n webtuiste www.ink.org.za geskep waar sy aan enigeen met ‘n besonderse liefde vir Afrikaans die geleentheid bied om hul liefde vir die taal uit te leef in gedigte, rubrieke, verhale en ook musiek en liriek.

Haar verhouding tot haar Skepper loop baie diep en sy dank Hom elke dag vir al die voorregte en genadegawes wat sy so onverdiend ontvang ... Loutering is deel van haar lewe en ook daarvoor dank sy Hom daagliks want dit maak dat daar altyd groei in haar lewe is ...

Hillbrow-oë

Anzé Bezuidenhout Poësie 2020-06-11

"onheil onverskans
in hierdie stom-vuil
spasies wat geluidloos
met blinde oë vlerk"

Sigeunerhart

Anzé Bezuidenhout Poësie 2020-05-27

"my hart is ’n sigeuner
wat van bont lappies hou"

Dit was aand 

Anzé Bezuidenhout Poësie 2020-05-25

"die dag was goed
in die tyd voor klippe
skedels kon breek"

My allerliefste

Anzé Bezuidenhout Poësie 2020-05-19

"sein jou bekoring
in saffraangeel koring, kom stuur jou boodskap
in rooi (so helder soos die son)"

Donker karnering

Anzé Bezuidenhout Poësie 2020-04-29

"agter die sterre se skadu’s
’t ek tevergeefs
na die komeet
van jou inkarnering gesoek"

Seëpoort

Anzé Bezuidenhout Poësie 2020-04-29

"kwylend vlerk my oë
oor die vergane triomf
van ’n gevalle Jerusalem"

Blinde bedes

Anzé Bezuidenhout Poësie 2020-04-29

"verby doringgrendels
rank woorde blind
soos ’n verlore bidsprinkaan"

Storm-masker

Anzé Bezuidenhout Poësie 2020-03-17

"moes ek ’n verweerde masker
uit die trommel haal"

Spore in graniet

Anzé Bezuidenhout Poësie 2020-02-19

"oor dekades se skewe spore
wat gegiet in graniet lê"

Skelfseebrandings

Anzé Bezuidenhout Poësie 2020-02-18

"asof in toewyding
het my voete
sleepvoet geslenter"

Baksteenmure

Anzé Bezuidenhout Poësie 2020-02-04

“my woorde
was gebrande ink
op opgefrommelde papiere”

my kleivlerke

Anzé Bezuidenhout Poësie 2020-01-07

“vandag wil ek my kleivlerke sprei
bedelbakkies met my hande maak”

My skemertyd

Anzé Bezuidenhout Poësie 2019-08-29

Gedig deur Anzé Bezuidenhout:

"en dit wat moes is nou wat was;
en my lewensspore lê nou vasgeskroei
in duisend bloedmane gelede"

Nuttelose uurglas

Anzé Bezuidenhout Poësie 2019-03-13

"so sparteldra ek daagliks
(met verswakte vlerke)
my littekens deur die ure"

Meer as nét vlam

Anzé Bezuidenhout Poësie 2019-02-06

"waar die warmwind se asem grimmig blaas
word die landskap ʾn verskrikking"

Top