Foto: Canva.com
Nostalgie
dit was die sterk reuk
van asyn, gemeng met ou-olie-chips
wat die gallery van onthou
sou oopkloof
op ’n laatmiddag in September
by die Griek se hoekkafee
het ons hande soos magnete
oor die blou check-tafeldoek
na mekaar gesoek
en in jou kyk
het ek anker gegooi
geweet, ek is volkome tuis –
my solovlug voltooi
nou staan ek egter en staar
na jou foto op my selfoon
en al wat registreer is:
laas gesien ... 15 Julie 2010
Kommentaar
Goeie werk! Veels geluk!
Baie dankie, LitNet, ek waardeer uit my hart.
Baie dankie, liewe Sylvia. Ek waardeer jou saamlees en kommentaar.
Meesterlik, Anzé.
Baie dankie, Drienie, ek waardeer.
Mooi op baie vlakke. Dankie
Baie dankie Johannes Delport, ek waardeer jou saamlees en kommentaar baie.