Susanne Pretorius
Susanne Pretorius is ’n meisie van die Hoëveld. Haar kinderjare het sy in Johannesburg deurgebring, maar sy is tans woonagtig in Pretoria, waar sy gedigte en essays oor haar padreise deur die lewe skryf. Sy put inspirasie uit die lewe rondom haar – die mense, die natuur, woorde en stiltes – maar ook uit haar eie reise en persoonlike ervarings. Haar werk as ’n persoonlike assistent gee haar die geleentheid om haar kreatiewe talente te gebruik in die ontwerp van advertensies en skryf van artikels vir bemarkingsdoeleindes, en wanneer sy ontspan is dit somtyds met ’n verfkwas in die hand om skilderye te skep waar sy veral renosters of voëls skilder.
Hersenskimme
2025-03-20"die helder ligte in die leë kompartement
skyn spookagtig in die gitswart nag"
Somer se laaste sug
2024-08-01"maar onthou my in die oggendroos
delikaat en broos
’n lieflike geur wat sloer"
Onder die Suiderkruis
2024-07-25"Op 17 het jy jou oproep papiere ontvang
op 18 by die treinstasie gestaan
skaars 19 toe is julle ontplooi
onseremonieel na die oorlogstafel genooi"
Die oorsprong van sterre
2023-04-26"vonkel daar in die sterre
wat saans in die hemelruim verskyn
’n weerkaatsing van die lig
wat so helder in haar oë kon skyn"
Sterrereën
2023-04-20"’n kandelaar van sterre
skitter in die donker
soos duisende gloeilampies
wat flikker en flonker"
Fluisterstem van die heelal
2022-09-01"’n ster verskiet in die hemelruim
’n ligstreep in die gitswart nag
wat soos ’n duisend sterre skyn
op die pad waar ek vir jou wag"
Terug na nimmerland
2022-03-07"sorgeloos in die skatkis van die lewe delf
soos nuut ontdekte kiekies lank vergete
word herinneringe, dof en effens verslete"
Oop gesprek
2022-03-07"sou jy ooit werklik kon verstaan
toe hy uiteindelik om jou pinkie draai
die geheim van sy krag met jou deel
dat hy sodoende sy God sou verraai?"
Veteraan
2021-09-29"jou hande vou om ’n koppie koffie
sterk hande wat eens ferm
aan ’n geweer moes klou
dieselfde hande wat sagkens
jou babaseuntjies kon vashou"
Eerste lentereën (in die Hoëveld)
2021-09-22"’n soete vooruitsig na die vars reuk
van reën wat jou neusvleuels kielie
die lug wat langer aan skemer hou
grys getint in vroegoggend se grou"
Dis weer herfs in my tuin
2021-05-16"die boomtakke vonk in vlammerooi
teen ’n skemerlug ongelooflik mooi
wat is daai liedjie wat Piaf heserig sing
van herfsblare wat herinneringe bring"
’n Tikkie nostalgie
2021-03-26"ek luister na ’n ou bekende liedjie
dink aan kruisbeen sit op die mat
langspeelplate in hopies opgestapel
en sonder rede verlang ek ’n bietjie"
Trein na êrens
2020-11-11"as haredos en jas se punt
te woes in vier windrigtings lê
is dit beste om stil te staan
dat die wêreld verby kan gaan"