Foto: Canva
Seun op die slagveld
In die sfeer van die donker nag
het die uile dit eerste gehoor
die veraf dreuning van tenks
wat argeloos die stiltes versmoor
iewers slaap ’n seun onrustig
sy oproeppapiere het gekom
oor ses maande moet hy aanmeld
met geen idee van wat wag op hom
op die perron is daar gegroet
’n ferm handdruk vir pa gegee
’n stywe omhelsing vir ma
terwyl sy trane uit haar oë vee
klik-klak die trein terug na beskawing
in ’n hoek die skadu van ’n soldaat
gesig onleesbaar, oë wat stip staar;
die seun op die slagveld agtergelaat