Foto: Canva.com
Veteraan
jy vertel hoe met eerste lig, as
die natuur uit nag se sluimer
begin ontwaak
was boots en tenks reeds besig
om spore te maak
ek luister aandagtig en ek wonder
ruik jy nog,
die reuk van helikopterbrandstof
die sweet, die angs van kamerade
tussen bomme wat rondom ontplof
jou stem gesels rustig
maar jou oë kyk vér terug
na die tyd so lank, lank gelede
toe jy nog soldaat was
in ons land se soeke na vrede
jou hande vou om ’n koppie koffie
sterk hande wat eens ferm
aan ’n geweer moes klou
dieselfde hande wat sagkens
jou babaseuntjies kon vashou
Kommentaar
Baie sg veterane het in lyf teruggekeer en hul kop het agtergebly.
Beslis ... en daarby geskaad vir sy hele lewe! Die slegste van alles is dat hy geen erkenning kry vir sy verpligte dienstydperk gedurende hierdie tydperk én grensdiens-kampe daarna nie ... En, die gelukkige en tevrede politici van weleer se families en seuns het net aanbly lewe soos konings ... en vandag is hulle ook meestal onder die kluite, maar ons veg nog steeds!
Dít is wat sleg is vir ons generasie wit Suid-Afrikaners wat nou nie eers bestaansreg blyk te hê nie. 🤔
Maar, ons sál nooit net sommer gaan lê om op getrap te word nie. Klaar.
Dr Koos, man ja. Alkoholisme en PTSS. As jy nie een oggend in badkamer vir jou eie spieëlbeeld kon sê- "jy het 'n probleem" nie, dan is jy oneerlik met jouself. Aggressie is iets wat geen medikasie verbeter nie.
Tog gaan die stryd aan, ons oud-dienspligtiges word nie as "veterane" deur ANC beskou nie en kwalifiseer bv nie vir veteraanpensioen of behuising nie. Maw, die "vryheidsvegters" het teen die konsep as "apartheid" geveg nie, nie teen mense nie. Ons is non-entiteite. Ongeag of ons kwale en skete behou het. Ek het nog 'n foto van voorblad van Vaderland, waarin ek as jongman deur die Kerkstraatbomontploffing stap, na dit gebeur het.