Rentia Bartlett-Mohl
Rentia Bartlett-Möhl (1985–) het grootgeword in Pretoria, Potchefstroom en Johannesburg. Sy studeer BA Beeldende Kunste by die Universiteit van Pretoria, Afrikaans en Nederlands by die Universiteit van Stellenbosch, vergelykende letterkunde by die Universiteit van Utrecht en is tans besig met haar MA tesis in Afrikaans Nederlands by die Universiteit van Stellenbosch. In 2010 was sy teksredakteur by die kuns- en kultuurjoernaal Pomp, in 2011 samesteller van die konsepweergawe van die SASNEV lespakket Eenders en Anders – ’n lespakket oor die Nederlandse letterkunde vir Afrikaanse skoolleerders. In 2012 doen sy ’n internskap by die Vlaams-Nederlandse kultuurhuis deBuren in Brussel waartydens sy verantwoordelik was vir die vertaling en koördinering van die opname van 12 luisterverhale van Nederlands na Afrikaans. Rentia is tans koördineerder van citybooks Stellenbosch en was ook redakteur van LitNet se Nuwe skryfwerk. Sy is nou ’n redakteur by Protea Boekhuis.
Om oor 'n kimlyn te treur
2013-04-23 Rentia ondersoek die aweregse rol van konsumpsie in ’n reportage van die enfant terrible van die Nederlandse letterkunde, Arnon Grunberg. Sy kyk veral hoe hy, deur na die verlange na kos te praat, ’n morele oordeel oor die samelewing uitspreek.
Om te kan smul (en daaroor te skryf)
2013-04-16 Rentia vra: as ek nou oor Stellenbosch en sy beroemde eetkultuur wil skryf, in watter vorm sal ek dit giet? Sy kyk na literêre joernalistiek as genre vir aspirantskrywers wat oor stede wil skryf.
Fiksie-kompetisie: Reisende skrywers
2013-04-10Aandag alle reisende skrywers! Neem deel aan LitNet se nuwe fiksie-kompetisie.
Feite genereer fiksie – in feite maar net fiksie
2013-04-09 Rentia besin oor feite wat fiksie genereer en vra: wat kan skeppende skrywers leer by joernalistiek?
Die stad in met 'n dier op jou rug
2013-04-02 Hoe kan mens ’n flaneur in Johannesburg wees? Rentia kyk na Zoo City van Lauren Beukes
Maak van die ruimte in jou verhaal 'n wolkekrabber
2013-03-26 Rentia spandeer steeds tyd in Hillbrow. Sy gebruik Ponte City as metafoor vir wat ’n goeie verhaal met ruimte moet doen.
Van Parys tot in die hartjie van Hillbrow
2013-03-20 Rentia lees 'n roman wat nie net afspeel in 'n koffiekroeg nie, maar wat ook grawe in die gate van Hillbrow
Ellende soos blomme
2013-03-13 Hierdie week se reisblad speel af in Parys in die 18de eeu. Hoe sien Charles Baudelaire digters, vra Rentia Bartlett-Möhl.
US Woordfees-fotoblad: Neerlandistiekdag
2013-03-12 Hierdie jaar se Nederlandistiekdag was ’n ontspanne dag op ’n Stellenbosch wynplaas met velerlei Nederlandse onderwerpe.
'n Goeie begin
2013-03-06 In haar eerste rubriek op LitNet Nuwe Skryfwerk, besin Rentia Bartlett oor waar skrywers karakters vind. In 'n koffiekroeg in Kaapstad, hark sy Edgar Allen Poe nader.