Koos Kombuis
Koos Kombuis is ’n Afrikaanse musikant, digter en skrywer.
Koos A Kombuis (gedoop André le Roux du Toit) is op 5 November 1954 gebore. Hy het al verskeie digbundels, romans en ’n bundel korrespondensie gepubliseer. Sy outobiografie, Seks & drugs & boeremusiek het by Human & Rousseau verskyn. Hy is ook ’n bekende liriekskrywer en suksesvolle musikant.
Hoewel Koos Kombuis nie in die eerste plek as SF-skrywer bekend is nie, bestaan daar feitlik nie ’n enkele roman waarin daar nie SF-elemente voorkom nie! Benewens sy plaaslike publikasies het hy ook kortverhale gepubliseer in tydskrifte soos Planet Mag, Aphelion en FlagShip (Flying Island Press). In 2010 is sy ontstellende toekomsblik The Last of the Great Coffeeshop Philosophers ingesluit in die Amerikaanse bloemlesing The Last Man Anthology, saam met skrywers soos Ray Bradbury, HG Wells, Edgar Allan Poe, Jack London, CJ Cherryh and Barry N Malzberg (Sword and Saga Press).
Foto: August Photography
'n Kort antwoord op Crito se evaluering van my resensie van Jan van Staden se boek
2015-06-15 Ek antwoord graag op die volgende statement van Crito:"Sowel Rust as Kombuis is nie bereid om die roman te takseer vir wat dit wil wees nie. Albei is té versigtig om te sê of Jan van Staden in sy doel geslaag het – om ‘n roman te skryf wat die leser tittileer, prikkel. Wat die […]
die dinge wat ek gedoen het toe ek dood was
2015-05-26"toe ek dood was,
was die lewe een groot stryd om oorlewing."
Kyk noord, gaan voort
2015-02-24 "Ons leef in vreemde tye. Tye van vreemdelingehaat, beurtkrag, parlementêre chaos, bedreigings teenoor die vrye pers, rassisme van alle kleure en geure, plaasmoorde, werkloosheid, toenemende polarisasie en algemene pessimisme. In hierdie tye bring Stef Bos sy eerste volledige Afrikaanse album uit, en hy noem dit Kaalvoet."
Onderhoud: "Lisa se klavier"
2015-02-18 Aanhangers van Koos Kombuis het dalk al gewonder: wie was dié Lisa? En het sy werklik bestaan?
oorlewingsgebed van die 21ste-eeuse kunstenaar
2015-01-20 "bly by my, heerterwyl die messe marsjeer ..."
Sondag/Sestig/Satori
2014-11-12 Koos Kombuis op sestig: "In Satori’s los mense jou uit. Niemand dink dis snaaks as jy alleen by ’n tafel sit, alleen ’n glas van hulle aaklige rooi huiswyn drink, en alleen sit en uitstaar in die skemeruur oor die straat na buite nie."
Lesersindruk: Bloed, snot en spookasems
2014-10-22 "'Jy’t ebola!' 'Kak, ek was nie onlangs in Sierra Leone nie!' 'Nou waar was jy dan die hele naweek? Ek het jou nooit gesien nie!' 'Ek het gehuil!' roep ek. 'Ek sit nou al die hele naweek op die agterstoep met ‘n glasie wyn en met Binnekring van spookasems!'"
Tien vrae: Koos Kombuis oor rock&roll.karoo – 33 digitale gedigte
2014-09-12 "Die Karoo is meer as ’n plek; dis ’n hele heelal. Dis meer as my lewe tot dusver. Dis ’n nuwe soort rock ’n roll. Dis groter as die ou rock ’n roll, en nie so raserig nie. Ek is mal oor al daardie spasie, daardie heiligheid – dit beat selfs Woolworths op ’n Sondagmiddag."
Madiba, Malema en die Nuwe Taalstryd
2014-07-24 "In die lig hiervan maak die SAUK se besluit om die Afrikaanse nuusbulletins te skuif na ’n kanaal met ’n veel kleiner kykerstal hoegenaamd geen sin nie. Waarom krap waar dit nie jeuk nie?"
Liefdesteleurstelling met my grassnyer
2014-05-20 Die vonk van ons eerste liefde is net nie meer daar nie.
Die literêre Roots van Voëlvry
2014-04-09 Die Vlaamse skrywer Jan Deloof heropen ’n rare blik op ’n unieke oomblik in die ontwaking van moderne Afrikaans.
Hoe sê jy, Ma?
2014-02-11 Koos Kombuis se ma is in Desember dood, maar hy hoor haar vandag praat. Wat sê sy vir hom?
Koos Kombuis se i-Tjieng: “So diep soos Dickens maar so vars en onskuldig soos Liewe Heksie”.
2013-10-22 Deborah Steinmair is in gesprek met Koos Kombuis oor sy jongste boek, i-Tjieng.