Erika Terblanche

Gebore en getoë op Heidelberg in die Suid-Kaap. Matrikuleer in 1968 daar en gaan swot BA met Geskiedenis en Frans as hoofvakke en ‘n Hoër Diploma in Biblioteekkunde aan US. Gaan werk by die Kaapse Provinsiale Biblioteekdiens as Afrikaanse boekkeurder totdat haar oudste dogter gebore word. Maak vir elf jaar kinders groot en verhuis in 1982 na Bloemfontein. Begin in 1987 by die Nasionale Afrikaanse Letterkundige Museum en Navorsingsentrum werk en bring bykans twintig wonderlike jare daar deur, waar sy met die Afrikaanse skrywers, uitgewers en ander belangstellendes in ons taal kontak gehad het. In 2007, na herstrukturering van die departement, bedank sy. Na ’n jaar by die Departement Afrikaans van UV tree sy en haar man, Harold, ’n stadsbeplanner, af en verhuis in 2009 na Durbanville. Sy is sedert Augustus 2007 verantwoordelik vir die Afrikaanse Skrywersalbum op LitNet en werk deeltyds by die Afrikaanse Taalmuseum in die Paarl. Sy en Harold het twee dogters en ’n seun, en die mooiste kleindogter in Suid-Afrika, indien nie in die hele wêreld nie. Opgedateer/Updated: 2010-06-22 Bio-inligting verouderd? Stuur 'n e-pos aan [email protected] Bio-info dated? Send an e-mail to [email protected]

Trienke Laurie (1946–)

Erika Terblanche ATKV|LitNet-Skrywersalbum 2020-05-14

"’n Digter moet al die warm emosies deurgaan, maar om daaroor te skryf verg koele besinning en meestal afstand en tyd."

Jan van Tonder (1954–)

Erika Terblanche ATKV|LitNet-Skrywersalbum 2020-05-05

"Ek wil skép, ek wil mense laat huil en lag. Ek dink dis die oudste sonde om soos God te wil wees. Om te wil skep."

Mark Behr (1963–2015)

Erika Terblanche ATKV|LitNet-Skrywersalbum 2020-04-22

"Ek het begin skryf toe ek sestien jaar oud was en wou brutaal eerlik in my skryfwerk wees. Ek glo vas skryf is een van die enigste maniere in die wêreld waarop ’n mens totaal eerlik kan wees." Mark Behr se skrywersprofiel is nou volledig bygewerk.

Joan Hambidge (1956–)

Erika Terblanche ATKV|LitNet-Skrywersalbum 2020-04-07

"Dig is ’n vertaalproses van die onbewuste wat alles berg, wat orals aanwesig en nêrens sigbaar is nie, dog uitkom in ’n gedig. Soms melancholies, soms woedend." Lees Joan Hambidge se bygewerkte skrywersprofiel.

Ingrid Winterbach (1948–)

Erika Terblanche ATKV|LitNet-Skrywersalbum 2020-03-18

"As jy ’n romanskrywer is, moet jy die tyd waarin jy leef, uitbeeld. Jy moet die hele spektrum van menswees uitbeeld." Ingrid Winterbach se skrywersprofiel is nou volledig bygewerk.

Carina Stander (1976–)

Erika Terblanche ATKV|LitNet-Skrywersalbum 2020-03-12

"Afrikaans is die taal waarin ek dink en daarom ook skryf. Rou klanke soos g, k, r en die vryheid om nuwe woorde uit ’n betreklik jong taal te skep, is opwindend." 

Alba Bouwer (1920–2010)

Erika Terblanche ATKV|LitNet-Skrywersalbum 2020-03-02

“Die langste reis vir elke enkele mens op aarde is die reis van mens tot mens. Dit is ’n reis wat in ’n leeftyd nooit voltooi word nie.” 

Engemi Ferreira (1943–2019)

Erika Terblanche ATKV|LitNet-Skrywersalbum 2020-02-28

"Haar debuutwerk, Die jaar toe my ma begin sing het, word in 1988 gepubliseer nadat sy in 1984 die eerste Skryfskool in Kreatiewe Kuns aan die Potchefstroomse Universiteit bygewoon het, en dit het onmiddellike sukses behaal. Dit het talle herdrukke beleef en dit was vir jare op die voorgeskrewe lys vir skole."

Riana Scheepers (1957–)

Erika Terblanche ATKV|LitNet-Skrywersalbum 2020-01-22

"Ek wil in hierdie land bly sodat ek kan voortgaan met my werk, om te skryf in die taal van my hart en my niere." 

PW Buys (1923–1999)

Erika Terblanche ATKV|LitNet-Skrywersalbum 2020-01-15

"Wat hy vir ons nagelaat het, is skoon, suiwer liriek en gedigte van ’n beminlike menslikheid." 

Anlen Marais (1953–)

Erika Terblanche ATKV|LitNet-Skrywersalbum 2020-01-08

"Poësie is vir my ’n medium wat ’n byna religieuse toewyding eis van wie daarmee besig wil wees." 

Daniel Hugo (1955–)

Erika Terblanche ATKV|LitNet-Skrywersalbum 2020-01-08

"Ek het met respek vir die woord en die Woord grootgeword." Daniel Hugo se profiel op LitNet se ATKV-Skrywersalbum is volledig bygewerk.

Danie Botha (1947–)

Erika Terblanche ATKV|LitNet-Skrywersalbum 2019-12-04

"My lewe is die vak wat ek die beste ken en die helderste oor kon skryf."

Corlia Fourie (1944– )

Erika Terblanche ATKV|LitNet-Skrywersalbum 2019-10-07

"My pa, Mikro, se skoene was groot om vol te staan, iets wat ek nie noodwendig wou doen nie. Ek wou nooit ’n skrywer wees nie. Ek het ’n joernalis geword, want as ek dan moet skryf, wou ek met feite werk." 

Breyten Breytenbach (1939–)

Erika Terblanche ATKV|LitNet-Skrywersalbum 2019-09-16

"Om te skryf, is om te kommunikeer, om saam te eet, om geméénskap te hê, ’n nagmaal, ons almal se bloed, ons almal se vleis." Breyten Breytenbach se LitNet/ATKV-album is, ter viering van sy tagtigste verjaardag, volledig hersien en bygewerk.

Top