Malene Breytenbach

Malene Breytenbach het tot ouderdom veertien in Gweru, Zimbabwe, gewoon, waar sy die skole Cecil John Rhodes Primary en Chaplin High bygewoon het. Daarna het sy na Pretoria verhuis en aan Afrikaanse Hoër Meisieskool gematrikuleer. Aan die Universiteit van Pretoria het sy die grade BA (met hoofvakke Engels en Frans) en BA(Hons) (Engels) behaal. Sy het as vertaler gewerk en is ook 'n beëdigde vertaler. Sy en haar gesin het in 1985 na Stellenbosch verhuis waar sy verder studeer het en die grade Hons, magister en DPhil in Joernalistiek, 'n MA-graad in Ou Nabye Oosterse Studie en MPhil in Antieke Studie behaal het. Sedert sy in Stellenbosch gaan woon het, werk sy by die Universiteit, eers in Openbare Betrekkinge, vervolgens Kommunikasie en Stellenbosch Stigting.

Sy het in 2005 gedebuteer met 'n liefdesroman, Palmyra Herleef, by LAPA-uitgewers. Daarna het sy nog agtien liefdesromans by LAPA gepubliseer. Sy skryf ook vir NB/Tafelberg-uitgewers wat al 2 historiese romans, drie mediese romans, 2 romans onder haar skuilnaam Marilyn Bennet gepubliseer het. In Mei het haar langer roman Gister is 'n Ver Land uitgekom en daar is nog drie boeke wat binne die volgende jaar of twee sal verskyn. Sy het al verskeie tydskrif-kortverhale en koerantartikels geskryf.

Haar man, professor Willie Breytenbach, is 'n politieke wetenskaplike en Afrika-kenner, en hulle dogter Karen is 'n joernalis.

Opgedateer/Updated: 2009-08-12
Bio-inligting verouderd? Stuur 'n e-pos aan bio@litnet.co.za
Bio-info dated? Send an e-mail to bio@litnet.co.za

Goed-geskryfde familiedrama, ’n resensie van Uit die donker deur Santie van der Merwe

Malene Breytenbach Resensies 2023-01-17

"Santie van der Merwe slaag uitstekend daarin om mense se emosies te ontleed. Sy het ’n goeie begrip van hoe oud en jonk dink en optree. Sy verstaan hoe ’n tiener se kop werk."

Die drie lewens van Hannli Human deur Connie Luyt, ’n resensie

Malene Breytenbach Resensies 2022-12-13

"Connie Luyt skryf roerende verhale wat in Afrika afspeel. Sy het ’n besondere affiniteit vir Kenia en sy skryf oor daardie land en sy geskiedenis soos ’n Suid-Afrikaanse Elspeth Huxley of Karen Blixen."

Poëtiese taal: Dol heuning deur SJ Naudé, ’n resensie

Malene Breytenbach Resensies 2022-03-22

"Naudé het ’n wye en gekultiveerde verwysingsraamwerk en daar is vele verwysings na kuns en letterkunde. Ook het hy die vermoë om alles, goed en kwaad, te skryf in poëtiese taal wat verruk."

Uitbuiting van en geweld teenoor vroue tersaaklik: Spieëltjie, spieëltjie deur Jan Vermeulen, ’n resensie

Malene Breytenbach Resensies 2022-03-17

"Die beheptheid met skoonheid en voorkoms, uitbuiting van en geweld teenoor vroue is tersaaklik, veral deesdae, wanneer dit so duidelik en openlik betreur word. Veral jong, onvolwasse meisies is weerloos en uitgelewer aan misbruik."

Ludo het sy nering gevind: Kry vir jou deur Francois Bloemhof

Malene Breytenbach Resensies 2022-03-09

"Dit lees lekker en is vol allerhande wyshede, navorsing oor die verlede, pittighede en lagwekkende gebeure. Dit is ’n speurverhaal sonder polisiebetrokkenheid en grusaamheid."

Verraad en liefde

Malene Breytenbach Fiksie 2017-07-12

"Klein vuurtjies wat nie in die nag van ver gesien kan word nie, brand tussen huis- en kraalmure wat stukkend en swart gelaat is nadat die Britse troepe daar deurgetrek het, alle vee doodgemaak het en vroue en kinders na die konsentrasiekamp weggevoer het."

Doodsberig: Nelson Mandela

Malene Breytenbach 2013-12-06 Nelson Rolihlahla Mandela is dood.

Hy is op 18 Julie 1918 in Mvezo gebore en is op 5 Desember 2013 in die ouderdom van 95 in Johannesburg oorlede.

’n Lyf onthou vra die leser se eie oordeel

Malene Breytenbach 2012-06-07  Die 17 kortverhale handel oor die lyflike, hoofsaaklik uit ’n vroulike oogpunt en met die fokus op vroulike hoofkarakters. Daar is egter ook verhale wat uit ’n manlike perspektief vertel word. Die meeste verhale het seks in verskeie gedaantes as tema.

Droomdelwers: ’n Kontreiverhaal wat maklik lees

Malene Breytenbach 2011-10-19  

Blitsfiksie-kompetisie: Jy moet kom as ek roep

Malene Breytenbach 2010-03-16 “Jy moet kom as ek roep. Waar is jy?” Die lig van haar klein flitsie wip heen en weer, verlig kolletjies in die stikdonker. Sy ruik die soetsiek stank voordat sy oor die roerlose lyfie struikel. Op die pels blink die donker van ...

Lammervanger: Boeiende roman oor keuses en kwesbaarheid

Malene Breytenbach 2009-11-12 Lammervanger, ’n roman deur Frans van Rensburg, uitgegee deur LAPA Uitgewers, maak gebruik van interessante tydspronge van die verlede na die hede, asook spronge van die aardse wêreld na die wêreld van die dooies.

Klara kom tuis: Kronkelpaaie maak boek boeiend

Malene Breytenbach 2009-06-24 Soos die titel van die boek aandui, kom Klara ook uiteindelik op die punt waar sy die geluk wat haar ontwyk het, kan aangryp.

LitNet-spens: Die spooklig

Malene Breytenbach Drama 2008-11-14

Op ’n plaas in Mpumalanga waar daar elke aand ’n rooi lig in die verte verskyn, word die huismense wat besoekers het, aangeval deur ’n voormalige plaaswerker wat hulle gyselaar hou en terroriseer.

LitNet-spens: Die vlugtelinge

Malene Breytenbach Drama 2008-11-14

’n Gesin in Harare, Zimbabwe, word verplig om te vlug. Die man is ’n onderwyser wat by die skool aangeval is omdat hy ’n seun van ’n MDC-lid gered het van ’n groep ZANU-jeugdiges.

Top