LitNet loof ’n maandelikse Crito-prys uit vir die beste lesersindruk wat op LitNet verskyn.
In maande waarin daar nie ’n goeie lesersindrukke geplaas word nie, sal daar nie ’n prys toegeken word nie.
’n Lesersindruk is nie ’n amptelike resensie nie, maar ’n leserreaksie wat uit eie beweging gratis aan LitNet gestuur word.
Crito, LitNet se resensent van resensente, het weer ’n aantal wenners aangewys vir werk gelewer van Februarie tot Junie 2023. Elke wenner sal R1 500 ontvang.
Februarie 2023
Irene Schoonwinkel is die wenner met haar deeglike resensie van The Cedarville shop and the wheelbarrow swap deur Bridget Krone.
Die volgende twee lesersindrukke verdien ook vermelding:
- Stefaans Coetzee vir die wyse waarop hy twee lekkerleesromans teen ’n breë leesagtergrond beoordeel.
- Barend van der Merwe vir sy indrukke van Impossible bosses en 60 op 60.
Maart 2023
Johan Schoeman is die wenner vir sy lesersindruk oor Time shelter deur Georgi Gospodinov.
Twee ander lesersindrukke verdien ook vermelding:
- Barend van der Merwe vir sy bespreking van The price of mercy.
- Jean Oosthuizen vir Geloofsgesprekke in die Tsitsikamma.
April 2023
Die aanbod was skraal in April, maar gelukkig het Barend van der Merwe ’n goeie stuk oor ’n moeilike boek geskryf. Hy is dus die wenner vir sy indruk van First people deur Andrew Smith.
Mei 2023
In Mei was daar ’n aantal knap bydraes.
Gunther Pakendorf is die wenner vir sy bespreking van die belewenisse van ’n latinis deur Jan Swanepoel.
Daar is twee ander lesersindrukke wat vermelding verdien:
- Maretha Maartens vir haar bespreking van Eye brother horn.
- Wilhelm van Deventer wat met insig geskryf het oor Converting missions – Carnarvon: a decolonial case study.
Junie 2023
In Junie was daar sterk aanspraakmakers. Die wenner is Erentia Bedeker vir die wyse waarop sy Oktober deur Réney Warrington krities teen ’n breër agtergrond bespreek het.
Daar is drie ander lesersindrukke wat vermelding verdien:
- Barend van der Merwe se goeie indruk oor Museum times: changing histories.
- Chris Jones se lesersindruk van 21 voices from Israel and South Africa.
- Hennie van Deventer se bespreking van Ter wille van oorlewing, ideologie en geld.
Dankie aan almal wat lesersindrukke instuur, en geluk aan die wenners.