Litnet

Soos in sy debuutbundel, werk hy met formele digvorme, vrye verse en visuele gedigte.

Die tusseninners, ’n skreeusnaakse en geloofwaardige nuwe grootwordverhaal uit Zelda Bezuidenhout se pen, is vir almal wat nie inpas op hoërskool nie en maar net in die spasies tussen-in oorleef.

"Maar haar versukkelde, verminkte pa 'verkoop' haar aan die Wright-gesin. Nou moet sy haar land en mense agterlaat om in Engeland kinderoppasser te word. In die sprokiesmooi Oxford moet sy haar voete in die volksvreemde vind."

Op die drumpel van sestig sukkel die hoofkarakter van Die vrou met nege lewens om rus in haarself te kry. Die enigste konstante blyk haar sorg van katte te wees, wat soos ’n draad deur haar lewe loop.

In sy tweede digbundel, tussen asem, besoek die digter die gedagte dat die heel eerste asem van ’n lewe die begin van die heel laaste asem is. Tussen die eerste en laaste asem is ’n reis wat onderneem word.

Kato word opgekommandeer na Uganda om ’n woud daar te probeer red. Hy wil glad nie gaan nie, maar hy het nie ’n keuse nie. Dit grief hom die meeste – dat hy uitgelewer is aan ’n mag buite sy beheer.

’n Slegte ding gebeur in hulle gesin: Eers met sy ma. En toe met sy pa. Tumelo en sy sussies bly alleen agter in hulle sinkhuis in die township. Wat gaan hy nou doen? Hulpeloos bly lê? Of kan hy weer vlieg?

Die filosoof Wittgenstein het gesê dat die menslike liggaam die mees akkurate skets van ’n mens se siel is. So, wat gebeur as tegnologie binne ons biologie geïntegreer word? Hoe beïnvloed dit ons evolusie?

Welkom in ’n betowerende sprokieswêreld! In Feetjieland wag ’n skatkis vol avonture: dans saam met die eenhoring, speel saam met die feetjie en maak maats met ’n prinses.

Welkom by ’n opwindende reis met voertuie op land, water en in die lug! Elke bladsy bied ’n nuwe avontuur: ’n fiets met ’n klokkie wat lui, ’n groot geel bus vol passasiers en ’n stoomtrein wat op die spore ry.

Ontdek die skuldige agter die gesin se geheimsinnige reuk! Laat jong lesers elke huishoudelike verdagte ondersoek.

Die verhale in hierdie bundel spruit uit die skrywer se voorliefde vir geskiedenis en argeologie en reise wat onderneem is vir doeleindes van navorsing oor die oudste strata van die mensdom se geskiedenis.

Party vroue droom van eerste soene. Ander word beroof van daardie onskuld lank voordat hulle kan droom.

Basjan vat af en toe ’n sluk uit sy flessie vir sy kom-en-gaan-depressie. Die flessie word sorgvuldig uit Blom se oog weggesteek. Dis in elk geval net ’n noodflessie.

In die middel van die nag val ’n reusedenneboom om. Rorisang en Morena se gesin is nou sonder krag. Hul Saterdagplanne word verwoes, maar pappa en mamma het ’n idee vir gratis pret by die huis: mgusha, ’n springspeletjie. Gou sluit al die kinders in die straat by hulle aan, wat die speletjie in ’n straatpartytjie en ’n kampioenskap verander.

Wie woon almal op die plaas? Die diere daar is almal maats. Maar al waaroor hulle heeldag praat, is wie die stinkste wind kan laat! Op ’n pretreis deur die plaas word elke verdagte een vir een ondersoek, van die skaap wat na koekies ruik tot die hen wat na springmielies ruik. Kinders sal van begin tot einde giggel!

Waarheid en wysheid is twee karperde wat weet dat dit in die ritme van lewe nie altyd klopdisselboom gaan nie.

In this engaging book, Amber Reed provides a new perspective on South Africa’s democracy by exploring Black residents’ nostalgia for life during apartheid in the rural Eastern Cape.

In Otters oral! is Lotta se beste vriendin, Chantelle, in die wolke, want haar ma het ’n man op ’n webwerf vir pasmaats ontmoet. Nou wil sy sommer vir almal ’n pasmaat soek! Miskien kan Lotta haar daarvan laat vergeet deur haar in die middel van die nag op ’n otter-avontuur te vat...

Hoe lank voordat Liam van die buurplaas haar geheim begin ontrafel? ’n Pragtige tienerroman oor self-ontdekking, genesing ná ’n familielid se dood en om jou identiteit te vind wanneer baie dinge onseker voel.