Michael le Cordeur

Michael le Cordeur is medeprofessor en hoof van die Departement Kurrikulumstudie in die Fakulteit Opvoedkunde van die Universiteit Stellenbosch. Hy is ’n produk van Pauw Gedenk Laerskool en matrikuleer aan Bergrivier Hoërskool. Voorheen was hy onderwyser aan Bergrivier, adjunkhoof van Weltevrede Sekondêre Skool, skoolhoof van Kylemore Hoërskool en kringbestuurder van Stellenbosch. Hy verwerf sy doktorsgraad aan die Universiteit Stellenbosch in 2004 met navorsing oor die bevordering van lees by leerders met behulp van mediastrategieë. Hy behaal ook sy BA Honneurs en HOD aan die Universiteit van die Wes-Kaap en ’n meestersgraad aan die Universiteit van Suid-Afrika. Hy is die skrywer of medeskrywer van 21 boeke en het al meer as 75 referate op nasionale en internasionale vlak gelewer, onder andere in New York, Hongkong, Parys, Amsterdam en Warskou. Hy het verskeie doktorale en meestersgraadstudente suksesvol gelewer.

Hy dien die gemeenskap op talle terreine: hy was die voorsitter van die Wes-Kaapse Taalkomitee en een van die mede-opstellers van die Wes-Kaapse taalbeleid, en is tans ’n direksielid van verskeie organisasies, waaronder die Stigting vir Bemagtiging deur Afrikaans. Hy is ’n gereelde rubriekskrywer, met reeds meer as 200 artikels, en ’n gewilde kommentator op radio en TV. Hiervoor is hy pas deur die Universiteit Stellenbosch bekroon as een van die universiteit se mediadenkleiers in 2018. Sy talle toekennings sluit in: vyf rektorstoekennings; ’n goue medalje van die Suid-Afrikaanse Akademie vir Wetenskap en Kuns vir sy bydrae tot onderwys (2008); die Goue Pen-toekenning vir die bevordering van Afrikaans (2012); en die Universiteit Stellenbosch se hoogste toekenning, die Kanselierstoekenning (2014).

Skoolleierskap en die skep van produktiewe leerruimtes in skole deur Johan Burger en Aslam Fataar: ’n resensie

Michael le Cordeur Resensies 2022-03-16

"Al wat nodig is, is om nuut oor onderwys te dink."

Die vrystelling van die slawe

Michael le Cordeur Menings 2021-12-15

"Daar word dikwels die aanname gemaak dat ‘bruinmense’ nie so swaar gely het onder die Europese maghebbers nie. Die feite vertel ’n ander storie. Slawe is soos diere in die bos gevang en met slaweskepe na SA en elders vervoer waar hulle op veilings verkoop is."

Huldeblyk aan Herman Bailey

Michael le Cordeur In memoriam 2021-07-29

"Herman se lewe is ’n dokument vir die stryd wat bruin mense gevoer het om selfbeskikking."

COVID-19 en verlore skooltyd: Michael le Cordeur se wenke aan ouers en onderwysers

Naomi Meyer, Michael le Cordeur Skole 2021-07-29

"Die enigste oplossing is dat ouers begin verantwoordelikheid aanvaar vir hul kinders se opvoeding. Hulle móét hulp soek, saamspan, vennootskappe sluit met hul plaaslike sakemanne. Jy hoef nie geld te hê nie. Dit kos niks behalwe moeite en harde werk om klaskamers in die middag goed skoon te maak, om te sorg dat daar seep en water is om kinders se hande te was, of om maskers te maak vir kinders nie."

’n Strategie vir die insluiting van Kaapse Afrikaans by die formele skoolkurrikulum

Michael le Cordeur SA Skoleseminaar | Schools Seminar 2020-10-19

"In die soeke na ’n strategie vir die insluiting of akkommodering van Kaaps is dit dalk raadsaam om vas te stel wat elders in soortgelyke gevalle gebeur."

Die virus in die onderwys: ’n onderhoud met Michael le Cordeur

Naomi Meyer, Michael le Cordeur Onderhoude 2020-06-03

"Ek is verheug dat onderrig in sommige skole kon voortgaan, maar hoe normaal is dit dat te midde van soveel armoede en ellende sommige skole kan voortgaan terwyl die grootste gedeelte van ons land se leerlinge nie toegang tot aanlyn klasse het nie?"

"Halala Suid-Afrika": ’n onderhoud met Michael le Cordeur

Menán van Heerden, Michael le Cordeur Skrywersonderhoude 2020-01-06

Menán van Heerden gesels met Michael le Cordeur oor sy nuutste boek, Halala Suid-Afrika (Naledi, 2019). 

Language and practice: a case study on Afrikaans First Additional Language with grade 4 learners in a multilingual school

Jana Nel, Michael le Cordeur, Phumla Kese Academic research 2019-11-13

“Learners’ home languages should not be ignored; whether the learners form a minority in the class or not, their home languages need to be acknowledged.”

Taal en praktyk: ’n gevallestudie oor Afrikaans Eerste Addisionele Taal by graad 4-leerders in ’n meertalige skool

Jana Nel, Michael le Cordeur, Phumla Kese LitNet Akademies (Opvoedkunde) 2019-11-13

“Dit is noodsaaklik dat diverse klaskamers nooit leerders van die gebruik van hul huistale sal ontneem nie.”

25 jaar later: Michael le Cordeur kyk terug

Michael le Cordeur Menings 2019-05-07

Dit is 25 jaar na die eerste demokratiese Suid-Afrikaanse verkiesing. Met verkiesingsdag 2019 om die draai, deel Michael le Cordeur sy herinneringe van 27 April 1994.

Hostel deur Hein Willemse: ’n lesersindruk

Michael le Cordeur Lesersindrukke 2019-03-18

"As sulks is die bundel ’n noodsaaklike dokument in die strewe om die volle waarheid oor apartheid te verwoord. As jy dus ’n alumni van die Universiteit van die WerkersKlas is, is hierdie boek ’n absolute móét."

Suid-Afrikaanse skole: hoe kan dit beter werk?

Naomi Meyer, Michael le Cordeur SA Skoleseminaar | Schools Seminar 2019-01-31

"’n Honger kind kan nie leer nie; nie in Afrikaans nie en ook nie in Engels nie."

Possible solutions to reading comprehension problems of non-mother-tongue speakers in Afrikaans Home Language classes

Maylene Basson, Michael le Cordeur Academic research 2018-12-07

"The study, its findings and recommendations can therefore be used as a resource for the development of training programmes to improve teacher PCK regarding the enhancement of the reading comprehension of non-mother-tongue speakers."

Leesbegripprobleme van niemoedertaalsprekers in Afrikaanshuistaalklasse: moontlike oplossingstrategieë

Maylene Basson, Michael le Cordeur LitNet Akademies (Opvoedkunde) 2018-12-07

"Alhoewel talle navorsingstudies daarop dui dat onderwysers oorweldig en gefrustreerd voel omdat hulle nie bevoeg voel om die unieke behoeftes van niemoedertaalsprekers in hulle klasse aan te spreek nie, word weinig deur die Departement van Basiese Onderwys gedoen om onderwysers in dié verband professioneel te ontwikkel. Dus het ons ’n professioneleontwikkelingsprogram ontwerp en toegepas gebaseer op die behoeftes van 62 Afrikaanse-huistaalonderwysers in die Kaapse Wynland Onderwysdistrik."

Die beginsels van die kurrikulum- en assesseringsbeleidsverklaring (KABV) – en hoe dit in alle vakke moet neerslag vind

Michael le Cordeur SA Skoleseminaar | Schools Seminar 2018-06-21

"Die nuwe geslag moet juis so opgevoed word dat hulle bestaande lewensbeskouings krities kan beoordeel ten einde vir hulself te kan besluit. Dit is trouens een van die beginsels van die nuwe kurrikulum wat sedert 2012 gevolg word."

Top