Litnet

Waar die lammers nie suip nie is ’n aangrypende verhaal wat afspeel in ’n afgeleë Karoo-plaasdorp en draai om die tragiese gebeure van die Kersnaweek van 1977, waar ’n gruwelike insident die gemeenskap diep skud.

Die aangrypende verhaal van ’n gesin wat op die oog af gelukkig is, maar dan vind ’n tragedie plaas wat tergende vrae tot gevolg het, en alles verander oornag. Menseverhoudinge is kompleks en dié verhaal beeld dit in alle skakerings uit. 

Volume 2 dek die guerrillaoorlogvoering vanaf 1900 tot 1902 en beeld onder andere die tragedie van die verskroeideaardebeleid uit, asook die daaglikse roetine van Boeregevangenes in die konsentrasiekampe, plaaslik en oorsee. Die vredesproses ná vredesluiting en interessanthede oor die nasleep van die oorlog word ook uitgelig.

Inskrywings vir die Proscenium-dramakompetisie 2026 sluit op 29 Januarie 2026, en aspirant jong kunstenaars word aangemoedig om dié unieke geleentheid aan te gryp.

Hiermee word jy hartlik uitgenooi om tot hoogstens drie voorheen ongepubliseerde gedigte voor te lê vir die Lina Spies-huldigingsbundel wat later vanjaar by Naledi sal verskyn.

Sluit aan by Daniël Hugo vir die boekbekendstelling van Jennifer Pape se digbundel, waar daar eens 'n see was op Saterdag 24 Januarie 2026 om 10:00 in Jannie se Leeskamer.

LitNet: Jou sensuurspook

Die SA Akademie wag nominasies in vir die Akademiepryse wat in 2026 vir toekenning oorweeg word.

Van ’n afstand af is ’n versameling van memoires, verhale, sketse en vertellings as deel van ’n terugskouing oor ’n leeftyd.

’n Werklose swerwer, wat hom voordoen as ’n linguis, sluit aan by ’n ekspedisie op soek na die laaste oorblyfsels van ’n byna uitgestorwe en fabelagtige ras van gorillas. Hy is veral gefassineer deur die lang en lenige Duitse wetenskaplike, Annegret, wat as dierkundige die ekspedisie meemaak.

Hierdie publikasie neem die leser op ’n voëlvlug deur die ontwikkeling van Orania in die sestigerjare as ou waterwesedorp en hoe die lewe en bestuur in daardie dae daar uitgesien het. Die boek bied ’n historiese blik op die verdere ontwikkeling van Orania II nadat AVSTIG dit aangekoop het as ’n groeipunt vir Afrikanerselfbeskikking.

Die stasie het gegroei van ’n rebellestrydradio tot ’n gerekende media-instelling met visie om onafhanklike Afrikaanse inhoud in elke huis, waar Afrikaans gepraat word, te skep.

Is jy in graad 6 en sê jou ouers vir jou jy moet vanjaar hard werk om ’n plek in ’n goeie hoërskool te kry? Die goeie nuus is dat Rouxlyn Botha se Natuurwetenskappe- en Tegnologie-vraestel groot pret is om te gebruik as jy jou werk wil oefen. Laai dit sommer hierdie week al af. Dis gratis – en daar’s ’n memo ook!

Dok Pool gebruik sy 60 jaar ervaring om geskiedenis, spelers en hedendaagse gesprekke te verweef – met die flair van ’n storieverteller. Dit het as tweeweeklikse rugbyrubriek in Rapport begin en is op versoek van lesers en oudspelers in boekvorm saamgevat.

Timo het ’n vreemde talent. Vandat hy klein was, kon hy met diere praat. Wel, soort van. Wanneer hy en sy troetelrot, Lucky, op ’n dag die koerant haal, is dit die begin van ’n wilde avontuur – die soort avontuur waarvan hy nog net in boeke gelees het. Waarom is ’n wêreldbekende multimiljoenêr skielik agter hom aan? En watter asemrowende geheim steek sy weg op haar privaat eiland?