Andries Fourie
Andries is in Oos-Londen gebore en het grootgeword in Steynsburg in die Noordoos-Kaap. Hy is van kleins af lief vir skryf; opstelle was sy ding en hy was nog altyd versot op die digkuns. Hy is mal oor sport en het van jongs af briewe vir die Springbok-rugbyspelers geskryf en hulle handtekeninge versamel. Hy het later self provinsiale rugby vir die destydse Transvaal (Leeus) gespeel en saam met sy ou skoolhelde soos Kevin de Klerk op die veld gedraf. Hy het Danie Craven ontmoet en in ’n Curriebeker-eindstryd gespeel, wat vir hom ongelooflik was.
Daar is twee diersoorte wat deel is van Andries se lewe en vorming, te wete perde en honde. “Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie.”
Die digkuns trek Andries soos ’n magneet. Hy wil dig oor alles om en in hom, met ritme en rym. Sou hierdie talent hom onderskei, wil hy dit aan sy Heer toewy en gedigte skryf met ’n kwinkslag wat dalk die dissipels laat lag en hopelik miskien eendag in die hemelse biblioteek geag en gelees word.
Finansiële beplanning – bloudruk vir sukses
2024-02-15"Wat is finansiële advies en is dit vir almal? Is dit vir beginners wat nou net met ’n loopbaan begin, of net vir diegene wat reeds genoeg spaargeld bymekaargemaak het? Wat is die kostes en het ek ’n finansiële adviseur nodig, of kan ek dit self doen? Ek gaan poog om hierdie delikate aangeleentheid in ’n neutedop, dog so deeglik moontlik, aan te spreek."
Hierdie ding
2023-09-14"en hier in my denkervlugte
wag daar aasgedroggesigte
al swewend oor my bang
se binnekring"
Lentedraai
2022-09-01"jy’s kleurkind vroeg-Oktober tot die
somer jou ontbind
ag hoe prettig buig die blomme
voor die asem van die wind"
Rede radikaal
2022-02-08"as hy stomsinne ontkwyt
en al snakkend na sy asem
ten spyte van sy waagmoed
ou vergete slagvelde ontsluit"
Beroerte
2021-07-15"die dag toe hy gebreek het
het stukkies van sy glasgesig
in sy pantserkas bly lê
sy voorkoms is ’n ewebeeld"
Berge
2021-04-07"vele gangers van vergange
sing hier hul laaste avondslied
hier waar sy regtervuis se kneukels
oor gladde rostrumrotse
sy kwota afgunsbloed vergiet"
Draadkarman
2020-04-21"jy sien hom eers in seine
en daarna in sy lyf
hy stoot sy kar tot teen jou
half ongemaklik styf"
