Foto: Canva
ek sien jou aan Augustus hang in die winterson se glans
ag hoe heerlik ruik jou fyn jasmyn
as die perskebloeisels dans
jy draai jou in September aan die
deurbreekgrassies vas
ag hoe saggies speel jou groen gelaat
met elke boom se bas
jy’s kleurkind vroeg-Oktober tot die
somer jou ontbind
ag hoe prettig buig die blomme
voor die asem van die wind
Kommentaar
Baie besonders!
Dankie, Madeleine.
Ek hou baie hiervan. Pragtig.
Baie dankie Tinie