Nini Bennett-Moll
Nini Bennett is in 1972 in Pretoria gebore. In 2001 behaal sy ’n MA-graad in skeppende skryfkuns (met lof) aan die Universiteit van Kaapstad. In 2002 debuteer sy met ’n bundel kortverhale, Stoornis, wat in 2003 met die UJ-debuutprys bekroon word. In 2008 wen sy die internasionale Room to Read-prys in die kategorie Afrikaans en die jeugverhaal, Die storie van Vusi se orkes, sien die lig in 11 amptelike landstale. Haar debuutdigbundel, Kodeks (2011), en toe Boekstaaf (2015) verskyn by Cordis Trust-publikasies, terwyl haar jongste bundel, Donkerwerk (2019), ’n tuiste by Naledi vind. Sy is werksaam as digmentor, blogger en resensent en woon in Kaapstad.
Foto-erkenning: Die foto van Nini Bennett-Moll en die seun op die foto is verskaf en word gepubliseer met die skriftelike toestemming van die seun se ma, Klara van Zyl. Klara van Zyl is ook die fotograaf van die foto.
In the flesh
2016-11-15"Die moederboom wieg en sterf van bo na onder toe af, want die wortelstelsel se hart wroet nederig en na aan die aarde."
Boekresensie: Skryn deur Emma Bekker
2016-10-25"Die teksskrywer en regisseur Emma Bekker debuteer met Skryn, ’n bundel gedigte waarin die betekenisse van die begrip 'skryn' veelvlakkig ontsluit word as noodsaaklike skaafprosesse, of ruimtes waarin kosbaarhede bewaar word."
Boekresensie: Tussen die klippe deur Hans du Plessis
2016-08-15"Soos in As die wind kom draai ontgin Du Plessis aardse simboliek op ’n meesterlike wyse. So word die klippe eindelik die verkondiging van ’n tasbare liefde tussen mense, en die filosofie van die waarheid loop parallel met dié van die liefde."
Boekresensie: 'n Vlerkslag van kleur deur Fransi Nieuwoudt
2016-06-13"’n Vlerkslag van kleur is ‘n bevredigende en moedige bundel met die belofte van ’n volhoubare digterskap."
Op hierdie Dinsdag
2016-04-29"’n Week het een Dinsdag. ’n Jaar, ’n halwe honderd. ’n Rewolusie het baie Dinsdae."
Resensie: Portrette in my gang deur Dolf van Niekerk
2016-04-12"Eindelik word die digter ’n soort kurator, die skatmeester van ouds, en die bundel ’n opgaaf van kosbare memento’s en memoires."
Tien vrae: Nini Bennett oor Boekstaaf
2015-08-07"Met die koms van die internet het die wêreld kleiner begin word – ook die Afrikaanse literêre landskap het paradoksaal verruimend begin 'krimp'."
Die lewe is ’n elegie: vir Marthinus Beukes
2014-10-09 “Die diskoers van die dood is die snykant van die lewe.” (Marthinus Beukes)
Biebouw-resensie: Glipstroom deur Anemari Jansen
2014-09-23 "Ek leef in die glipstroom van verlede jaar. Alles wat toe gebeur het, beïnvloed my lewe nou."
As die wind kom draai tydloos relevant
2013-10-01 "Bostaande stukkies dialoog onderstreep dat die vestiging van die meesternarratief histories deur die optekening van die heersende magsdiskoers bepaal is, terwyl die slawe, diensbodes en matjiesgoedmense oorwegend ongeletterd was."
Du Plessis se Griekwapsalms vol warmte en deernis
2012-12-12 "Du Plessie se jongste, Karos orie dyne, is ’n splinternuwe bundel met Griekwapsalms: gedigte wat letterlik sing in die aangrypende Afrikaanse dialek van Griekwaland-Wes."
Duiwelsklip outentiek in stoffering
2012-10-31 Duiwelsklip is ’n eerlike en ingeligte roman – en sterk aan te beveel vir lesers wat hou van goeie, maar aweregse, literatuur.