Litnet

Is jy in graad 9 en moeg vir die lewe in die stad, lok jou die wandelpad? Moenie in die versoeking wees om nou te gaan voetslaan nie. Wag vir die vakansie. Stap nou eerder na hierdie gratis Afrikaans Huistaal-oefenvraestel deur Cecilia Klopper en berei voor vir jou toetsreeks hierdie kwartaal. Daar is baie lekker leesoefeninge oor staproetes wat jou brein goeie oefening sal laat doen.

Die Hoërskool Dramafees, aangebied deur Artscape en Suidoosterfees van 18 tot 22 Augustus 2025, is met groot sukses afgesluit. Tien skole het gedurende die feesweek in Kaapstad meegeding en produksies van uitstaande gehalte gelewer.

Hier is die tien gewildste plasings op LitNet vir die week van 20 tot 26 Augustus 2025.

Is jy in matriek en voel jy of jy moet meet en pas om elke dag genoeg ure tot jou beskikking te hê om vir jou rekordeksamen voor te berei? Lee-Ann Langeveld se Meetkunde-vraestel en memorandum kan jou met jou voorbereiding help. Klik hier om dit gratis af te laai.

As jy vanjaar in matriek is, het LitNet ’n voorstel vir wat jy in jou vryetyd kan doen. Jy kan Lee-Ann Langeveld se Wiskunde-vraestel gratis hier aflaai en voorberei vir jou rekordeksamen! Die memorandum sal jou help sien of jy op die regte spoor is. Een van haar voorbeeldsomme handel juis oor jongmense en hul vryetydsbesteding. Voorspoed met die voorbereiding.

LitNet: Mag ons vryelik praat?

Jy is genooi na die boekbekendstelling van Kwaailappies: ’n Storie van Afrikaans se komvandaan deur Ronel van Oort op Saterdag 23 Augustus in Jannie se Leeskamer by Oude Leeskamer in Stellenbosch. Kom ontmoet Ronel van Oort in gesprek met Magdel Vorster, hoor die stories agter die stories, en vier saam in die ryk erfenis van Afrikaans.

Hier is die tien gewildste plasings op LitNet vir die week van 13 tot 19 Augustus 2025.

Dana Snyman se verbintenis met rugby kom van ver af. Op vier woon hy saam met sy pa ’n eindstryd op Coetzenburg by, en hoor hy die naam Dawie de Villiers vir die eerste keer. Kort hierna kry hy sy eerste rugbybal, ’n geskenk van Dok Craven ... Van klubrugby op stowwerige dorpsvelde tot die glorie van drie Wêreldbekers; dis stories dié wat aankom oor ’n leeftyd. Wie de hel is Johnny Joubert? is – nes rugby – kleurryk, sonder fiemies, en eg Suid-Afrikaans. 

"Jou nuwe haarstyl vang vlieë!" sê Ronita Snotnagel. Lara Winters is baie opgewonde. Vandag gaan sy haar hare by die gewilde Gilda Glinster sny. Lara ontwerp sommer self haar haarstyl. Oe, sy gaan soos ’n prinses lyk! Maar dan gaan iets verkeerd. En Lara kry die aakligste haarstyl ooit. Jip, een wat regtig vlieë vang. Hoe kon dit so verkeerd loop? Hoekom het sy nare prinseshare gekry? Net Ronita Snotnagel weet ...

Alles van waarde is weerloos is die bekroonde digter Melanie Grobler se vyfde digbundel. In haar kenmerkende liriese en beeldryke digterstem word die temas van tyd, verganklikheid, verlies en vernuwing wat ook in haar vorige werk ondersoek word, verder verdiep. In hierdie bundel fokus sy veral op gedigte oor die heengaan van haar lewensmaat.

Lesers, redaksielede en adverteerders moes toekyk hoe ’n vreemde en teenstrydige reeks gebeure rondom die sluiting van Beeld afspeel. Barnard Beukman probeer van die onbeantwoorde vrae beantwoord – ook deur heelwat te onthul van wat in die gange en raadsale van Media24 en Beeld afgespeel het ...

Hoe vergoed ’n seun uit ’n arm gemeenskap vir ’n ongeluk waaraan hy aandadig is? Sy skuldgevoel vir die dood van ’n vriend dryf hom deur sy skool- en universiteitsjare. Hy word betrek by ’n studenteopstand, beleef selfs die geweld van die Mosambiekse bevryding. Nooit kry hy ’n kans om te help nie. Dan word hy gewerf om mediese opleiding in Kuba te ondergaan. Shando begin sy nuwe lewe onder die Selk’nam Indiane van Tierra del Fuego, ’n primitiewe gemeenskap van jagters, vissers en versamelaars van veldkos. Watter rol is daar vir hom in die afloop van hulle geskiedenis? Kan hy hulle help oorleef?

Met hierdie langverwagte boek deel Petrovna Metelerkamp haar herinneringe, wat die geskiedenis van haar herkoms en haar persoonlike ervarings oor baie dekades insluit.

Herewith more information.