Susanne Pike
Ek is in ’n plattelandse dorp, Groblersdal, in Mpumalanga gebore.
My skoolopleiding het ek te Juniorskool Willem Grobler, Laerskool Julian Muller en Hoërskool Ben Viljoen ondergaan. Ek het in 1980 gematrikuleer. Ek verwerf my BA(Ed)-graad, met Afrikaans en Bybelkunde as hoofvakke, in 1984.
In 1985 begin ek skoolhou by Afrikaanse Hoër Meisieskool Pretoria, waar ek vir 18 jaar my geliefde moedertaal, Afrikaans onderrig. Na ’n persoonlike tragedie verhuis ek in 2003 na Mtunzini in KZN, waar ek vir ’n kort tydperk by Empangeni-hoërskool skoolhou. Vanaf 2004 is ek weer terug in Pretoria en is sedertdien ’n onderwyseres by Pretoria High School for Girls.
Ek is in 2002 getroud met Wayne Pike. Ons het nie kinders nie, maar twee miniatuurworshondjies en ’n praatsiek papegaai.
Ek het in 2015 ernstig begin verse skryf en my debuutbundel, Inkspoor, is in 2016 vrygestel.
Ek geniet dit om in die tuin te werk en te verf. My filosofie oor die lewe? “Die lewe gebeur met ’n mens. Dit is hoe jy dit hanteer wat die verskil maak.”
Ek is ook ’n ambassadeur vir Afrikaans.com.
Vrouedag-skryfkompetisie: Moeder Teresa in die wiskundeklas
2019-08-25LitNet se Vrouedag-kompetisie – Gedig deur Susanne Pike:
"jy het jou vreugde en verlies
met vriend en vreemdeling gedeel"
ingelmens
2018-09-13"tja sug ma en skink tee in haar royal alberts
met die pers viooltjies
’n spierwitte ingelmens"
blou
2018-09-13"my broer sê jy kry nie
’n bloukransduif nie
net ’n kransduif
maar vir my is sy gekoer blou"
ma se kinners
2018-09-05"honde byt mekaar, nie kinners nie raas ma
arm kinners pluk ook nie al die groen nartjies
van die bome af nie"
Haikoes vir ’n vier-seisoene-vrou
2018-08-30"jy soen die see se
blinkerkop en offer jou
lyf aan die songod"
die digter is nie doof nie
2018-01-12"hy hoor die bedelaar se inkkaros roep
maar luister na die skuldstem op sy digterstoep"
bosgroet
2017-12-07"toe die great sadness
skadu’s oor my woorde trek
en ek net lig-lig aan jou lyf
kon raak"
Huis, woning, tuiste: Susanne Pike se inskrywings
2017-02-07Lees Susanne Pike se inskrywing vir LitNet se gedigkompetisie: Huis, woning, tuiste.
