- Johann Rossouw skryf ’n gereelde rubriek vir LitNet.
Hierdie is ’n opname van ’n gespreksgeleentheid wat onlangs in die Naval Hill Planetarium in Bloemfontein plaasgevind het. Die eietydse Afrikaanse komponis Jacobus Kloppers het kort ná die politieke oorgang ’n baie treffende, komplekse stuk vir soloklavier gekomponeer, genaamd "Reflections". Dit is in wese ’n musikale terugblik op die hoogte- en laagtepunte van die Afrikanergeskiedenis, met ’n uiteindelik hoop op versoening en herstel van historiese trauma. Die pianis, Nicolene Gibbons, van die Odeion-musiekskool, het die musiek toe opgeneem, en verder gegaan om beelde saam met die musiek te voeg, wat dit dan nog toegankliker en treffender vir die luisteraar en kyker maak. By hierdie geleentheid was Johann Rossouw dan deel van ’n paneelgesprek onder leiding van die algemene asook Vrystaatse moderator van die NGK, Jan Lubbe. Die ander paneellede was die musikoloë en vriende van Kloppers, Martina en Nicol Viljoen, asook die teoloog, Martin Laubscher.
Lees ook:
LitNet Akademies-resensie-essay: Dienaar van die waarheid deur MC Botha