Theo Neethling

Theo Neethling is sedert 1 April 2009 ’n professor in die Departement Politieke Studie en Regeerkunde aan die Universiteit van die Vrystaat. Hy het van 2009 tot 2020 ook as hoof van die departement gedien. Hy het in 1989 ’n MA-graad van die destydse Potchefstroomse Universiteit vir CHO (nou Noordwes-Universiteit) verwerf en in 1992 ’n DLitt et Phil-graad van die Universiteit van Suid-Afrika ontvang, albei in internasionale politiek. Ná ’n dienstydperk van ses jaar in die destydse Departement van Staatkundige Ontwikkeling in Pretoria het hy by die Universiteit Stellenbosch se Fakulteit Krygskunde (Militêre Akademie) aangesluit, waar hy as senior navorser in die Sentrum vir Militêre Studie aangestel is. In 2002 is hy aangestel as medeprofessor in politieke wetenskap en in 2005 tot professor bevorder. In dié verband het hy ook van 2003 tot vroeg-2009 gedien as voorsitter van die Departement Politieke Wetenskap (Mil) in die Fakulteit Krygskunde, totdat hy by die Universiteit van die Vrystaat diens aanvaar het.

Neethling is die skrywer, en medeskrywer in enkele gevalle, van meer as 150 gepubliseerde uitsette in wetenskaplike en populêr-wetenskaplike publikasies, waaronder 60 artikels in geakkrediteerde wetenskaplike joernale en 23 hoofstukke in vakkundige boeke. Dié publikasies het in Suid-Afrika, Australië, Duitsland, Ethiopië, Indië, Kanada, Pakistan, Pole, die Russiese Federasie, Singapoer, Slowenië, Switserland, die Tsjeggiese Republiek, die VSA, die VK en Zimbabwe verskyn. Hy het ook reeds meer as 80 navorsingsvoordragte by nasionale en internasionale konferensies, kongresse en byeenkomste gelewer. In dié verband het sy projekte hom na regerings- en akademiese instellings in al vyf Afrika se streke, Asië, Australasië, Europa en Noord-Amerika geneem. Hy het ook in die buiteland as besoekende dosent by akademiese instellings opgetree, waaronder, mees onlangs, die Osaka-universiteit in Japan se Skool vir Internasionale Openbare Beleid. Hy dien in die redaksionele rade van vier akademiese publikasies, naamlik Scientia Militaria: South African Journal of Military Studies, Cyber, Intelligence and Security (Israel), Ante Portas – Security Studies (Pole) en London Security Policy Study: Middle East Tracker, asook voorheen die Journal of Contemporary History / Joernaal vir Eietydse Geskiedenis. Hy geniet sedert 2009 erkenning van die Nasionale Navorsingstigting as ʼn gegradeerde navorser en sy velde van belangstelling en spesialisasie is veral Afrika se internasionale verhoudinge, veiligheidsaangeleenthede in Afrika, en Suid-Afrika se buitelandse verhoudinge.

Is Afrika steeds vir die VSA van strategiese belang?

Theo Neethling Seminare en essays 2023-10-27

"Vir China is Afrika uiteraard van besondere belang vanweë die minerale hulpbronne wat nodig is vir die groei van die Chinese ekonomie, maar waarom sou die VSA steeds belang by Afrika hê en deur Agoa handelsbande met Afrikastate bly bevorder?"

Die Wagner-groep: Het Poetin toegelaat dat ’n monster geskep word?

Theo Neethling Seminare en essays 2023-07-03

"Wat die Wagner-groep omstrede maak, is dat die maatskappy in onlangse jare daarvan beskuldig is dat hy in verskeie lande burgerlikes geteiken het, massateregstellings gelei het en private eiendom geplunder het. Menseregteskendings staan oral geskryf in kritiek op Wagner se operasies. En natuurlik is Wagner ook aktief in Rusland se oorlog teen Oekraïne, waar die maatskappy steun verleen aan Russiese troepe in die suidoostelike dele."

Henry Kissinger 100 jaar: "Super K" of oorlogsmisdadiger?

Theo Neethling Menings 2023-05-12

"Op 27 Mei 1923 – amper ’n 100 jaar gelede – is Henry Alfred Kissinger in Duitsland gebore. Henry Kissinger is sonder twyfel een van die bekendste politieke figure van die 20ste eeu wie se treffende sêgoed duisende kere reeds aangehaal is en oor wie se lewe en werk talle geskrifte die lig gesien het."

Conflict in Mozambique – an investigation into the nature and dynamics of the counter-insurgency operations in Cabo Delgado

Theo Neethling Academic research 2022-08-29

"[T]he aim of the study is to assess and determine whether meaningful progress has been made in efforts to deal with Ansar al-Sunna as a jihadist movement in the conflict dynamics in northern Mozambique, and accordingly whether the conducting of counterinsurgency operations in Cabo Delgado is showing evidence of success."

Konflik in Mosambiek – ’n ondersoek na die aard en dinamika van die teeninsurgensie-operasies in Cabo Delgado

Theo Neethling LitNet Akademies (Geesteswetenskappe) 2022-08-29

"So gesien, kan die rolspelers wat in Mosambiek betrokke is by die insurgensie, wel daarop aanspraak maak dat daar op militêre gebied ’n multinasionale poging aangewend is om die insurgente in bedwang te hou, maar van welslae in ’n omvattende teeninsurgensieverband is daar tot dusver weinig sprake ..."

China in Afrika: Die era van sekuriteit deur Fanie Herman: ’n onderhoud met die skrywer

Fanie Herman, Theo Neethling Skrywersonderhoude 2022-07-13

"Op grond van die persoonlike kontakte tussen Xi Jinping en Cyril Ramaphosa en hulle persoonlike gesprekke tydens die laaste FOCAC-vergadering is die mening dat Suid-Afrika al hoe nader aan China beweeg." – Theo Neethling gesels met Fanie Herman wie se boek China in Afrika: Die era van sekuriteit pas verskyn het.

Ontplooiing van die SANW te midde van COVID-19

Marli van Eeden, Theo Neethling Onderhoude 2020-06-18

Theo Neethling lewer kommentaar oor die ontplooing van die weermag tydens die COVID-19-pandemie, deels met verwysing na sy 2017-LitNet Akademies-artikel.

China’s first overseas military base in Djibouti: A contextualisation of the objectives, political interests and future prospects

Theo Neethling Academic research 2019-09-25

“This article touches on the features of China’s military base in Djibouti and what some observers regard as the newly created Chinese gateway to Africa.”

China se eerste oorsese militêre basis in Djiboeti: ’n kontekstualisering van die oogmerke, politieke belange en toekomsmoontlikhede

Theo Neethling LitNet Akademies (Geesteswetenskappe) 2019-09-25

“Diplomatieke bande tussen China en Djiboeti bestaan reeds sedert 1997, maar dit was eers meer onlangs dat China sy voetspoor in dié klein Afrikastaat verdiep het.”

An overview of the problems concerning the modernisation of the SANDF for participation in multinational peace support operations in Africa

Theo Neethling Academic research 2017-07-11

"This article revisits the reasoning of authoritative defence analysts that a too heavy focus on the primary function of the SANDF has not facilitated or enabled the execution of the secondary or non-traditional tasks – tasks which the SANDF increasingly had to assume as a foreign-policy instrument after 1994."

’n Oorsig van die problematiek rakende die modernisering van die SANW vir deelname aan multinasionale vredesteunoperasies in Afrika

Theo Neethling LitNet Akademies (Geesteswetenskappe) 2017-07-11

"Uiteindelik is die vraag of die SANW beter befonds kan word om dit in ooreenstemming te bring met die blywende verwagting dat die SANW ’n rol in vredesteunoperasies in Afrika sal speel, asook om ’n sleutelrol in die verwagte Afrika-bystandsmag te vervul."

Top