Christi van der Westhuizen

Christi van der Westhuizen is ’n skrywer, politieke ontleder en medeprofessor by die Sentrum vir die Bevordering van Nie-rassigheid en Demokrasie aan die Nelson Mandela-Universiteit. Sy het al verskeie geakkrediteerde tydskrifartikels en hoofstukke in boeke gepubliseer, asook die volgende drie boeke: Sitting pretty: White Afrikaans women in postapartheid South Africa (2017), Working democracy: Perspectives on SA’s parliament at 20 Years (2014) en White power & the rise and fall of the National Party (2007).

Sy het haar DPhil in sosiologie aan die Universiteit van Kaapstad behaal en haar MPhil in politieke ekonomie en Suid-Afrikaanse politiek (cum laude) aan die voormalige Universiteit van Port Elizabeth (nou Nelson Mandela-Universiteit).

Sy is ’n genoot van die Democracy Works-stigting en was voorheen as navorsingsgenoot onder meer verbonde aan die Universiteit van Kaapstad se Institute for Humanities in Africa (HUMA) en die Universiteit van die Vrystaat se Institute for Reconciliation and Social Justice.

Van der Westhuizen het haar loopbaan as joernalis by die anti-apartheidkoerant Vrye Weekblad begin; sy het later as parlementêre hoof by Beeld gewerk, en daarna as mederedakteur by die internasionale nuusagentskap Inter Press Service.

Sy tree gereeld op as kommentator in plaaslike en internasionale media en was lank ’n politieke rubriekskrywer vir die Independent Newspapers, Beeld en By, en is tans rubriekskrywer vir Netwerk24.

Van der Westhuizen het as deskundige al op verskeie internasionale inisiatiewe gedien, insluitend vir die Wêreldgemeenskap van Gereformeerde Kerke, die Verenigde Nasies se Ekonomiese Kommissie vir Afrika en die Afrika-Unie, en ’n hoëvlak-feitesending na Palestina en Israel.

"Afrika is nie vir sissies nie": Wat is die verband tussen witwees en manlikheid?

Christi van der Westhuizen, Theo Sonnekus Onderhoude 2022-06-20

Christi van der Westhuizen en Theo Sonnekus gesels oor hoe witwees en manlikheid histories ineenskakel aan die hand van sy hoofstuk in haar nuwe boek, die Routledge International handbook of critical studies in whiteness.

Plaaslike politiek ná die verkiesing: Hoe lyk dinge vorentoe?

Christi van der Westhuizen, Jan-Jan Joubert Onderhoude 2021-12-02

Christi van der Westhuizen gesels met Jan-Jan Joubert oor nuwe regerende partyformasies op plaaslike vlak, die ANC se oënskynlike nuwe strategie van surrogaatpartye, hoekom die DA “ordentlik” moet word, hoe die VBS-skandaal die EFF wel geknou het, en waarom die Patriotic Alliance ’n nuwe populistiese gevaar inhou. Nuusknars ontleed die postkolonie deur nuusgebeure uit verskillende hoeke te bekyk.

FW de Klerk en die laaste Rubicon

Christi van der Westhuizen, Adrian Lackay, Wilhelm Verwoerd Onderhoude 2021-11-22

FW de Klerk se afsterwe op 11 November 2021 het aggressiewe en verbitterde kommentaar ontlok wat wys hoe hy as politieke figuur sy vyande saamgesnoer het in hul misnoeë oor sy bydrae tot Suid-Afrika. Wat is die uitdaging wat sy nalatenskap aan ons as Suid-Afrikaners stel?

Wat’s in ’n naam?

Christi van der Westhuizen, Ronelle Carolissen Menings 2021-10-13

Die Kaapstadse Burgemeesterskomiteelid JP Smith het sy onlangse weiering om ’n swart persoon se naam te probeer uitspreek, geregverdig deur die naam as bestaande uit "te veel klinkers in ongemaklike posisies" te bestempel. Christi van der Westhuizen gesels met Ronelle Carolissen oor hoekom mense soos Smith ’n groot fout maak.

Van dink na doen: ’n onderhoud met Christi van der Westhuizen

Lidia Rauch, Christi van der Westhuizen Onderhoude 2021-09-02

Van dink na doen is ’n podsending wat fokus op die wisselwerking tussen werklikheide op voetsoolvlak en akademiese navorsing. Lidia Rauch gesels met Christi van der Westhuizen (skrywer, politieke ontleder en medeprofessor by die Sentrum vir die Bevordering van Nie-rassigheid en Demokrasie aan die Nelson Mandela-Universiteit). 

Jacob Zuma se politieke teater

Christi van der Westhuizen, Mia Swart, Danie Brand Onderhoude 2021-07-15

Nuusknars ontleed die postkolonie deur nuusgebeure uit verskillende hoeke te bekyk. Christi van der Westhuizen gesels met Danie Brand (Vrystaatse Sentrum vir Menseregte) en Mia Swart (besoekende professor aan Wits se Regskool en vervaardiger by die Al Jazeera-medianetwerk) oor Zuma se jongste truuks in die howe, Dali Mpofu se uitlatings en die EFF-faktor, "lawfare", en die groeiende aanslae teen die oppergesag van die reg.

Grondwet ná 25 jaar steeds SA se beste waarborg teen ineenstorting

Christi van der Westhuizen Menings 2021-05-17

Die Grondwet word tans aan allerlei aanslae onderwerp. In weerwil van pres Cyril Ramaphosa wat haar analise as ’n “hersenskim” voor die Zondo-kommissie bestempel het, trotseer Christi van der Westhuizen in haar eerste, gereelde Nuusknars-podsending tog maar weer die sleurstrome van ideologie, politiek en korrupsie waarin Suid-Afrika heen en weer gepluk word. Nuusknars analiseer die postkolonie deur nuusgebeure van verskillende hoeke te bekyk.

Die verlede in die hede: Kan ons anders onthou?

Christi van der Westhuizen Menings 2019-09-26

"So baie van die wit Afrikaners wat ek ken, wil niks weet van enigiemand anders se pyn nie, wil nie hoor van apartheid nie en wil veral nie vir ’n oomblik dink aan hul eie aandadigheid of verantwoordelikheid teenoor ander nie. En laat jy nou net die killjoy wees wat hierdie kwessies ophaal by ’n braai. Wat gaan aan met ons? Hoekom is ons so bang om te verander? Om verantwoordelikheid te neem vir wie ons is?"

In gesprek oor witwees in Suid-Afrika met Melissa Steyn en Christi van der Westhuizen / In conversation about whiteness in South Africa with Melissa Steyn and Christi van der Westhuizen

Kees van der Waal, Melissa Steyn, Christi van der Westhuizen Onderhoude 2019-08-08

Op versoek van LitNet het Kees van der Waal vrae oor witwees aan twee kenners, Melissa Steyn en Christi van der Westhuizen, gestel.

25 years later: Christi van der Westhuizen reflects

Christi van der Westhuizen Menings 2019-05-07

It has been 25 years since the first democratic elections in South Africa. With the 2019 elections around the corner, Christi van der Westhuizen shares her memories from 27 April 1994.

Die problematiek rondom die FAK se standbeeld-inisiatief

Christi van der Westhuizen Menings 2019-03-29

"Die FAK se inisiatief om 'Afrikaner-geskiedenis' opnuut met monumente te huldig, is die jongste nasionalistiese opflikkering in die oorblyfsels van die 20ste-eeuse politieke projek van die Afrikaners."

Kritiese besinnings oor die Israelse eiendomsaansprake op Palestina

Sakkie Spangenberg, Christi van der Westhuizen LitNet Akademies (Geesteswetenskappe) 2018-09-05

"Die Bybelse narratief verdoesel die werklike historiese feite en die werklike huidige ontberings wat die Israelse metodes van verowering, onderdrukking en uitdelging teen Palestyne ontketen het."

Sitting pretty: ’n onderhoud met Christi van der Westhuizen

Christi van der Westhuizen, Naomi Meyer Skrywersonderhoude 2018-01-14

"Dit is die nalatenskap waaruit ek kom, en dit is belangrik vir my om dit te verstaan. Hoeveel agentskap het hulle gehad en hoeveel het ek? Kan ons as mense ’n meer etiese wêreld skep, of is ons oorgelewer aan ons omstandighede?"

Die antidemokratiese denkstroom by universiteite

Christi van der Westhuizen Universiteitseminaar | University Seminar 2016-06-15

"Die tydbom van klasse-ongelykheid waaroor ek en ander ontleders al lank skryf, is besig om te ontplof, maar die ontploffing het onverwagte aspekte en blyk nou meer omvangryk as klas te wees."

Top