Michael le Cordeur
Michael Le Cordeur is ’n NNS-gegradeerde navorser en professor in Afrikaansonderwys en tans die vise-dekaan vir Onderrig en Leer in die Fakulteit Opvoedkunde van die Universiteit Stellenbosch waar hy voorheen ook voorsitter was van die Departement van Kurrikulumstudie. Voorheen was hy Afrikaansonderwyser, skoolhoof van Kylemore Hoërskool en kringbestuurder van Onderwys in Stellenbosch
Hy studeer aanvanklik aan die Universiteit van die Wes-Kaapland waar hy onder ikone soos Jakes Gerwel en Tony Links studeer vir die BA, HONS en HOD-kwalifikasies. Hy verwerf ook die B Ed-graad aan die Universiteit van Suid-Afrika en ’n bestuurskwalifikasie aan die US se Sakeskool. Daarna verwerf hy die meestersgraad en ’n doktorsgraad aan die Universiteit Stellenbosch met navorsing oor die rol van die media in die bevordering van leerlinge se leesvermoë. Sy navorsing, kennis en passie oor leesonderrig is volgens hom gepaste vaardighede om ’n bydrae te maak tot die SBA se “Zoë-leesprojek” wat landwyd meer as 53 000 leerlinge en 530 skole bereik het.
Le Cordeur is ’n direksielid van die Stigting vir die Bemagtiging deur Afrikaans (SBA) en is in 2024 verkies tot die organisasie se nuwe voorsitter. Hy is ’n komiteelid van die Rapport-Onderwysfonds en was die vorige voorsitter van die US se Het Jan Marais Fonds en die Afrikaanse Taalraad. Hy het ook twee termyne gedien as voorsitter van die Wes-Kaapse Taalkomitee waar hy ’n mede-opsteller was van die Wes-Kaapse Taalbeleid. Sy navorsingsfokus is leesonderrig, taalbeleide en moedertaalonmderrig.
Michael le Cordeur het talle referate gelewer op internasionale en nasionale vlak en neem gereeld deel aan debatte oor taal en onderwyssake in die media. Hy is die skrywer/ redakteur / medeskrywer van talle handboeke en akademiese artikels oor Afrikaans. Die akademiese tydskrif The Conversation het sy artikel oor die faktore wat ’n impak het op Suid-Afrika se matriekuitslae in Januarie 2024 aangewys as dié tydskrif se top artikel toe dit wêreldwyd deur meer as 70 000 mense gelees is. Van sy bekendste boeke sluit in Die Wellingtonse Klopse (2014, met Marlene le Roux), Ons kom van ver (2016 met Wannie Carstens), Davy Samaai, Kampioen van die Struggle (2020) en Covid: Krisis en Geleenthede vir die Onderwys (2022). Sy jongste boek Reading for Comprehension verskyn einde 2024 en het ten doel om ’n hulpbron te wees vir lees-onderwysers.
Hy is ’n gereelde rubriekskrywer vir Die Burger, Netwerk24 en The Daily Maverick met meer as 400 meningsartikels op sy kerfstok. Dit het aan hom die toekenning van die US se Media Denkleier in 2018 en 2019 besorg. Hy ontvang in 2014 die Universiteit Stellenbosch se Kanselierstoekenning en in 2020 die Neville Alexander Toekenning vir lewenslange bydrae tot Afrikaans. Dié voormalige skolesport-administrateur en is ook ’n toegewyde kweker van krisante.
Welkom tuis, Adam Small
2013-09-17 Dit was voorwaar 'n historiese oomblik, Saterdag 14 September. Net mooi 'n jaar nadat Small die Hertzogprys ontvang het (12 September 2012, om presies te wees), het hy besluit om sy stilte te verbreek.
Michael le Cordeur gesels oor Kaaps
2013-08-08"... dit bewys dat leerders wat in Kaaps opgroei, beter vaar in toetse as die toetse in Kaaps gestel word. Tans moet hulle uit boeke lees wat ver verwyderd is van hul huistaal."
Onsigbare mense van die Karoo op reis na identiteit
2013-08-05Lanklaas het ’n roman my so aangegryp, maar terselfdertyd ook so ontstel, soos hierdie een. Karretjiemense is die aangrypende storie – om David Kramer se woorde te gebruik – van “die onsigbare mense van die Karoo” wat Carol Campbell op die voorgrond bring.
Program oor Adam Small op RSG
2013-07-30 Rosalie Small het my laat weet dat RSG vanaand, Dinsdag, na die nuus om nege 'n spesiale program uitsaai oor 'n lang gedig wat Adam spesiaal vir Madiba se 95ste verjaardag geskryf het. Die digter gaan die gedig self voorlees.
ATR reik uit na skool in KZN
2013-07-30 "Bonfa Dlamini is ‘n Afrikaansonderwyser wat met sy passie vir Afrikaans ‘n verskil maak. Dit was duidelik te sien in die getal leerders wat sy vak neem toe die ATR (Afrikaanse Taalraad) by sy skool opgedaag het."
Ons vier fees in Den Haag
2013-06-26 Die fees was 'n groot sukses. Dit groei beslis in statuur, daarvan getuig die teenwoordigheid van die ambassadeur, wat die fees geopen het.
Brief uit Parys: Michael Le Cordeur
2013-06-09 Ons het vandag hier in Parys aangekom, maar nie sonder probleme nie – ons vlug was ’n hele paar uur vertraag. Nietemin is ons veilig, en dis seker al wat belangrik is.
ATR reik uit na Eersterust in Pretoria
2013-06-04 "Foeitog, en die ouma wat met ’n klokhelder stem ingesit het, is blind, maar met haar gees skort daar niks nie!"
Kaaps in fokus-referaat: Verrekening van Kaaps en ander taalvariëteite in die onderwys
2012-08-14"Oor die begrip standaardtaal, en veral oor Standaardafrikaans, is daar al baie gedebatteer. By sommige deelnemers aan die debat is dit duidelik dat dit ’n emosionele saak is wat hervorming benodig."
Waarom kla oor Adam Small se Hertzogprys?
2012-03-29Nicol Stassen stel net belang in sy eie skrywers. As een van hulle die Hertzogprys gewen het, sou hy meer boeke verkoop het en meer geld gemaak het.
Moedertaalgebaseerde tweetalige onderwys: ’n moontlike oplossing vir Suid-Afrika se geletterdheids- en syfervaardigheidsprobleme
2011-11-30Hierdie artikel ondersoek eerstens die waarde van moedertaalonderrig vir leerderprestasie teen die agtergrond van die lae vlak van geletterdheid en syfervaardigheid.
Hoe vier ons Jeugdag? Watter boodskap gee ons aan die jeug?
2011-03-22Ons het so pas Menseregtedag gevier en dis binnekort weer tyd om Jeugdag te vier. Maar die jeug het steeds geen basiese menseregte nie en Jeugdag is vandag een van die mees verdelende dae op ons kalender.