Henriëtte Loubser
Henriëtte Linde-Loubser is ’n liefhebber van woorde en taal, veral die Afrikaanse taal. So is dit reeds van kindsbeen af. Tans is sy ’n woordvraat vir Nordic Noir en verslind boeke deur skrywers soos Yrsa Sigurdardottir, Henning Mankell, Jo Nesbo en dies meer, maar volgens haar kan Afrikaanse krimis met die beste ter wêreld meeding.
Sy is ’n medewerker en deeltydse dosent in die Departement Kurrikulumstudie aan die Universiteit Stellenbosch. Sy verwerf haar Ph.D. (US) in Omgewingsopvoeding in 2017, getiteld Die uitbeelding van omgewingskwessies in geselekteerde tekste uit die Afrikaanse kinder- en jeugliteratuur: ’n Ekokritiese perspektief. Haar belangstellingsveld is die gebruik van kinder- en jeugliteratuur in ekobewusmaking by jong lesers en dit spruit uit haar beheptheid, van kindsbeen af reeds, met die wonderwêreld van ’n lewe na aan die grond en die natuur. Sy doen gereeld navorsing oor die ekokritiek, posthumanisme en nuwe materialisme en die invloed daarvan op kinder- en jeugliteratuur. Sy glo vas in die krag van die ekoteks vir omgewingsbewusmaking en dit is haar doelwit om, deur middel van stories vir kinders, omgewingsbewustheid te kweek. Talle akademiese artikels het reeds uit haar pen verskyn.
Sy is ook ’n skrywer en daarom het dit tyd geword om haar voltyds aan hierdie passie te wy. Talle kortverhale vir volwassenes en ook vir die jeug het reeds uit haar pen verskyn. Van haar werk is opgeneem in versamelbundels soos byvoorbeeld die Woordfeesbundel, Bly (2016) en Boereoorlogstories 2 (2012) en in voorgeskrewe werke vir skole. Sy is voorheen ook reeds benoem as finalis vir die Sanlamprys vir Jeuglektuur. Sy is ’n Vryskutskrywer vir populêre tydskrifte en van haar verse is gepubliseer in Nuwe Kinderverseboek in 2009 deur Tafelberg uitgegee en ook in Vonk@Verse! deur Best Books in 2011 uitgegee. Sy skryf gereeld resensies oor jeugboeke en tree soms as keurder op. ’n Kinderboek, Die skugter vyf, verskyn in 2020 by Tafelberg Uitgewers. LAPA Uitgewers publiseer ook in 2020 haar eerste roman, Plek van Poue (’n gotiese roman).
The pedagogical value of ecoliterary texts: an application of Adrian Rainbow’s views on an Afrikaans youth novel, a cross-over novel and a picture book for children
2016-10-21"With this article I investigate the value of ecologically oriented fiction texts in creating environmental awareness, and in environmental education."
Die opvoedkundige waarde van ekoliterêre tekste: ’n Toepassing van Adrian Rainbow se sienings op ’n Afrikaanse jeugverhaal, ’n oorgangsroman en ’n prenteboek vir kinders
2016-10-21"Hoe suksesvol kan fiksietekste aangewend word om jong lesers ekologies op te voed en hulle meer sensitief ten opsigte van die natuurlike omgewing en die mens se verhouding met die natuur te stem?"
Boekresensie: Elf dae in Parys deur Elizabeth Wasserman
2016-09-30"Elf dae in Parys trek jou in, dit sleur mee, dit verskerp jou sinne en dit laat jou met die nodige kennis oor wat om met jou volgende besoek aan Parys te gaan doen."
Boekresensie: Ek en Prins Donkerkuif deur Dihanna Taute
2016-08-02"Dihanna Taute het beslis ’n op-die-pols-aanvoeling vir wat in jong gemoedere aangaan."
Boekresensie: Hartbreker deur Cecilia Steyn
2016-07-26"Iemand het eendag gesê daar is niks so opwindend, maar tog ook so dramaties, soos jong liefde nie. En met haar Tienerharte-reeks en spesifiek dan nou met Hartbreker kry Cecilia Steyn dit reg om hierdie belangrike fase in die lewe van jongmense met deernis, begrip en groot sukses uit te beeld."
Boekresensie: Rympies vir pikkies en peuters, saamgestel deur Riana Scheepers, Suzette Kotzé-Myburgh en Gertie Smit
2016-03-01"Kinderletterkunde beklee immers ‘n baie belangrike plek in die totale opvoedingsproses van jong kinders. Elkeen van die samestellers van hierdie pragwerk verdien ‘n pluim in die hoed!"
Boekresensie: Bambaduze deur Derick van der Walt
2015-07-27"Derick van der Walt is nie bloot besig om jong lesers te verlei tot die lees van meer gesofistikeerde fiksie nie. Hy skrýf dit reeds: goeie, betekenisvolle, literêre tekste, en hy skuur dus sodoende met gemak skouers met die grotes."
Boekresensie: Prooi deur Fanie Viljoen
2015-06-02" ... dan sal daar diegene wees vir wie die felheid, die intensiteit van die emosies vreeslik (maar tog so mooi) sal wees – diesulkes wat daardie dramatiese, Angst-gevulde en stomende tydperk tussen adolessensie en volwassenheid sal herken en so 'n ontstellende, onvergeetlike leeservaring sal geniet.
Anna Atoom en die magnetiese meermin, lekker leersame leesstof
2012-11-28 "Hierdie keer is die uitdaging en avontuur wat voor Anna Atoom beland, een van katastrofiese proporsies."
Van ’n tegnologiese moontlikheid tot ’n ryke leergeleentheid: die opvoedkundige waarde van wetenskapsfiksie
2012-09-10 "WF is baie gewilde leesstof onder kinders en jongmense, daarom is dit juis ’n potensiële bron tot leergeleenthede wat deur ouers en onderwysers ontgin kan word. Hier kan ’n mens vashaak by geletterdheidsvaardighede, maar WF bied ook ’n ideale medium vir die ondersoek van wetenskaplike en sosiale kwessies."
Betower: Betree ’n moderne sprokie
2012-06-13 "Met ’n heerlik, liries-poëtiese aanslag begogel Viljoen die leser in hierdie jeugroman. Saam met Nadia en Poenk beleef jy die natuur. Die leser dartel saam deur die 'ritselgroen' woud en ruik die 'sielbruin' grond en die 'oopgebreekte mos en modder'."
Die vrou met die pers oog – ’n adrenalientrekker
2012-02-21 "Om ’n bangmaakstorie aan hedendaagse tieners te verkoop wil gedoen wees, en die grilskrywer François Bloemhof het so ’n wenresep beet."