Boer soek 'n vrou: leer ken vir Boer Graham

  • 0

Die immergewilde TV-reeks, Boer soek 'n vrou, se twaalfde seisoen is tans op kykNET te sien. Remona Voges het 'n paar vinnige vrae vir Boer Graham gevra.

Is jy sedert Boer soek ’n vrou ’n local celebrity op die dorp?

Ek sal definitief nie dink dat ek ’n celebrity is nie. Ek moet sê, mense gesels baie met ’n ou oor Boer soek ’n vrou en wil heeltyd weet wat aangaan en hoe dit is, en dit is lekker dat mense belangstel in mens se journey, maar ek sal myself nie as ’n local celebrity beskou nie.

Wat moet mens doen om jou aandag te trek?

Iemand wat weet wat hy of sy in die lewe wil hê, is iemand wat baie vinnig my aandag trek. En wanneer iemand seker is in wat hulle doen en hoekom hulle dit doen, is dit ook vir my baie aantreklik. Iets wat my ook baie aantrek, is wanneer mens kan sien dat iemand hulself is en tevrede is met hulself.

Kies tussen die volgende:

  • fliek kyk / boek lees
  • kersligete / piekniek
  • rokkie / denim
  • braai /dans

Wat is mense se mees algemene wanindruk oor jou?

Ek dink mense kan dink dat ek partykeer kwaai of baie streng is, maar dit is definitief nie die geval nie. Ek hou net daarvan dat dinge netjies, reg en op hulle plek is.

Wat is jou gunsteling soort musiek?

Ek hou baie van musiek en ook ’n wye verskeidenheid van musiek. Op die oomblik is Spoegwolf se “Lenie blou III” iets waarna ek baie luister, maar ek luister na ’n wye verskeidenheid van musiek: van Spoegwolf af regdeur tot by die Klipwerf Boereorkes.

Wie is jou celebrity crush en hoekom?

Rolene Strauss is Boer Graham se celebrity crush

My celebrity crush is eintlik iemand plaaslik: Rolene Strauss. Dit is definitief omdat sy weet wat sy in die lewe wil hê en wie sy is. En definitief omdat sy so stylvol is. Dit is een van die mooiste vrouens in die wêreld. O, en dan was sy nog gekroon as Mejuffrou Wêreld ook, ja!

Jy het ingenieurswese op Stellenbosch studeer. Voltooi die sin: Stellenbosch is ... studente, wyn, son, akkerbome, min klas en rowwe eksamens.

Lees Boer Willem se pofiel hier. Hier is sy video:

Boer soek 'n vrou word op Donderdae om 20:00 op kykNET, DStv-kanaal 144, uitgesaai.

Lees meer oor die ander boere op Boer soek 'n vrou:

Boer soek 'n vrou: Vinnige vrae vir Boer Hentie

Boer soek 'n vrou: Wie is Boer Willem?

 

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top