Cas Wepener
Cas Wepener is op 2 Augustus 1972 te George gebore en matrikuleer in 1990 aan die Hoërskool Outeniqua. Daarna studeer hy aan die Universiteit van Stellenbosch, eers Drama vir een jaar gevolg deur Teologie, ook aan die Universiteite van Stellenbosch en later ook aan die Universiteit van Tilburg (Nederland). In 2004 voltooi hy ’n doktorsgraad wat handel oor versoeningsrituele in Suid-Afrika en in 2015 behaal hy ’n MA in Kreatiewe Skryfkuns aan die Universiteit van Pretoria onder leiding van Henning Pieterse. Ongeveer 90 artikels het reeds in nasionale en internasionale geakkrediteerde tydskrifte verskyn, asook heelwat populêre, professionele en akademiese boeke. Sy mees resente akademiese boek is: C. Wepener, I. Swart, G. Ter Haar en M. Barnard (reds.). 2019. Bonding in worship. A ritual lens on social capital formation in African Independent Churches in South Africa. Liturgia Condenda. Leuven: Peeters Press. Kreatiewe tekste uit sy pen sluit in: Dubbelfoto. Kortverhale (2013), asook drie romans Syferfontein (2016), Johanna (2017), en Die Slaghuis (2019). Cas was tussen 2010 en 2019 Professor, en vir vyf jaar ook Departementshoof, aan die Fakulteit Teologie en Religie van die Universiteit van Pretoria. Sedert Desember 2019 is hy Professor in die Fakulteit Teologie van die Universiteit Stellenbosch.
A liturgical praxis theory for a theology of reconciliation and justice
2019-11-20“How can the liturgy as it is celebrated within the Dutch Reformed Church formatively promote reconciliation in the hearts of believers to impact on the current and future South African society?”
’n Liturgiese praxisteorie vir ’n teologie van versoening en geregtigheid
2019-11-20“Hoe kan die liturgie soos gevier binne die NG Kerk formatief meewerk om versoening by gelowiges te bevorder sodat dit sal impakteer op die huidige en toekomstige Suid-Afrikaanse samelewing?”
Die land van opgekapte lyke
2019-09-05"Augustus was Vrouemaand, maar sedert die einde van Augustus tot nou toe, is vele vroue in ons land – ten spyte van pogings tot bewusmaking – verkrag, vermink en vermoor ..."
Die dood en die sin van die lewe deur Anton van Niekerk: ’n resensie
2017-10-31"Van Niekerk help ons om ’n spieël voor die leser te hou, nie alleen die spieël rakende jou eie sterflikheid nie, maar ook die spieël gegewe jou reaksies en optrede met betrekking tot ander se lyding, sterwe en dood."
Huldeblyk aan Karel Schoeman – ’n Lewe en oeuvre wat getuig van ’n inwaartse reis in die teken van gasvryheid teenoor die laaste gas
2017-05-04"Vir sommiges mag dit te morbied klink, maar die ars moriendi is ’n fyn kuns wat in die lewe en werk van Karel Schoeman op ’n meesterlike wyse beoefen is. In ’n dood-ontkennende samelewing huldig ek hom daarvoor."
Syferfontein, ’n onderhoud
2017-03-07"Suinigheid is ’n siekte. Godsdiens kan insgelyks baie maklik patologies word. En saam glo ek is die twee ’n heerlike kombinasie om ’n karakter soos Peet mee te ontwikkel, veral in iemand soos Peet wat sy verwronge teologie gebruik om sy optrede te regverdig."
Maar Tintin in Tibet reis ver, maar ook binnetoe
2013-10-08 "Ja, trane is die seep vir die siel en enige leser kan soos die skrywer van hierdie resensie ... met die lees van hierdie boek in die woorde van die agterplatteks 'óf jou gat, óf ’n wonderwerk' sien."