Barend van der Merwe
Barend van der Merwe spandeer sy kinderjare in Christiana in Noordwes, waar hy in 2003 aan die Gekombineerde Skool Christiana matrikuleer. Hy studeer BA (Taalstudie) aan die Universiteit van die Vrystaat en behaal ook die grade BA Hons (Geskiedenis) in 2009 en MA (Geskiedenis) in 2011. Hy studeer verder aan Unisa en voltooi nagraadse sertifikate in onderwys (2014) en Argief- en Rekordbestuur (2016). In 2012 begin hy as internargivaris by die Vrystaatse Provinsiale Argiefbewaarplek werk. In 2015 en 2016 werk hy by die Suid-Afrikaanse Erfenishulpbonneagentskap in Kaapstad as erfenispraktisyn verantwoordelik vir erfenisvoorwerpe. Gedurende 2016 tot 2019 werk hy by die Noord-Kaapse Provinsiale Argief in Kimberley as provinsiale rekordbestuurder. In November 2019 begin hy by die Universiteit van Wes-Kaapland (UWK) se institusionele argief werk. In 2021 begin hy met ’n honneursgraad in Afrikaanse en Nederlandse letterkunde by UWK, wat hy in 2022 voltooi. Hy het al saam met ander navorsers vyf akademiese artikels gepubliseer oor onderwerpe wat wissel van die geskiedenis van die NG Kerk, Qwaqwa en die beskerming van twee getekende kopieë van die Vryheidsmanifes.
Boereverneukers deur Izak du Plessis: ’n lesersindruk
2017-10-26"Met Boereverneukers volg Du Plessis sterk in die spore van sy voorgangers, die joernalis-historici, en lewer hy ’n aangename bydrae tot die Afrikaanse boekeskatkis."
Op pad deur Dana Snyman: ’n lesersindruk
2017-10-24"Snyman se beskrywinge simboliseer toeganklikheid, nie net maar in die taal nie, maar ook in die karakters. Dit is dinge waarmee al die gewone mense kan assosieer, in ’n taal waarmee gewone mense kan assosieer."
Jan Smuts – van boerseun tot wêreldverhoog: ’n lesersindruk
2017-10-20"Smuts se lewe en loopbaan is nie een wat eenvoudig begrawe kan word op grond van sy rasbeleid nie; daarvoor is sy nalatenskap eenvoudig te groot. Jan Smuts: Van boerseun tot wêreldverhoog is daarom ’n mylpaal in die Suid-Afrikaanse historiografie."
Aantekeninge teen die skemeruur deur Clinton V du Plessis: ’n lesersindruk
2017-10-11"Du Plessis se skryfwerk wemel van eietydse vraagstukke en karakters. Die heengaan van ikone soos David Bowie en Leonard Cohen. Die politiek. Die pynlike apartheidsverlede. En daarby ingemeng kom outobiografiese motiewe."
Huis, woning, tuiste: wyl ek sterf
2017-01-17Lees Barend van der Merwe se inskrywing vir LitNet se gedigkompetisie: Huis, woning, tuiste.
Einstein-kompetisie: Barend van der Merwe
2016-07-25Barend werk by die Suid-Afrikaanse Erfenishulpbronneagentskap.
"Brief aan jou verlore liefde"-kompetisie: Barend van der Merwe
2013-11-25 Jy was my prinses wat ek op my hande kon dra en vir wie ek twyfelagtige verse kon skryf ‘op versoek’, al was dit ook net op versoek van een mens: jy.