LitNet-resensente op die kykNET-Rapport Boekresensent van die Jaar-kortlys

  • 0
LitNet het twee boekresensenste wat op die kortlys vir die kykNET-Rapport Boekresensent van die Jaar-prys verskyn. Hierdie pryse gee erkenning aan uitnemende Afrikaanse resensies wat in 2018 verskyn het. Drie pryse van R25 000 elk is op die spel vir Afrikaanse resensies oor Afrikaanse fiksie en niefiksie onderskeidelik sowel as langer, tipies akademiese resensies.

Dié jaarlikse pryse is ingestel om die belange van boeke en die leesgenot van boekliefhebbers te bevorder deur die wêreld van Afrikaanse boeke toeganklik te maak. Dit dien ook as aanmoediging om hoë standaarde in die Afrikaanse boekjoernalistiek te handhaaf.

Vanjaar se keurders was die boekjoernalis en digter Bibi Slippers, joernalis en skrywer Jomarie Botha en Bibi Burger van die Universiteit van Pretoria.

Hier is LitNet se finaliste:

Elzette Steenkamp is benoem vir haar langer resensie, Stof deur Alettie van den Heever: ’n LitNet Akademies-resensie-essay (LitNet, 22 November 2018)

Helize van Vuuren is benoem vir haar langer resensie – Gesant van die mispels en In die stille agterkamer deur Marlene van Niekerk: ’n LitNet Akademies-resensie-essay (LitNet, 8 Augustus 2018)

Baie geluk met hierdie groot prestasie! 

Hier is die volledige kortlys:

kykNET-Rapport-boekpryse 2019: Kortlyste vir resensiepryse bekend

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top