Litnet

Fotobron: Canva

Fynskrif

Pa het niks geweet van copy en paste nie:
van sy paternoster
tot gannabos en kokerwoud
was hy bloot ’n kompas
en ’n immergroen ghoen wat my bioom,
selfs later in braille sou soek as 
sy bors saans die gloeikool van die dover was  ̶
my ysterklip en antrasiet en
ma-goed se makataan en sagte mosbeskuit,
 die fynbos in haar ingeduikte kruik.
God.

toe hy vir my sê  ̶
sing vir my breyten se brief
en lees koesnaatjies vir die proe
want selfs hillbrow se strate
en alles wat stoepsit en kwaad is,
bly stom:
stilte is die gees se verset –

die woord is volbring

dié retoriek
was die gefrankeerde god van hom.

in mý sloep?
Gód?

*Hilbrow – Johannes Kerkorrel

*Koesnaatjies vir die proe (met verwysing na die publikasie van Joan Hambidge)

Lees ook:

Honourable discharge – José se riem

Swartryp

Dan eers sal die klippe uitroep

Lockdown death