Nicola Hanekom

Nicola het haar Diploma in Drama aan die Universiteit Kaapstad met akademiese lof ontvang.

In 2006 ontvang sy ’n Vita-toekenning vir beste ondersteunende aktrise in Ek, Anna van Wyk en word sy genomineer vir ’n Fleur du Cap vir beste aktrise vir haar vertolking van Ingrid Jonker in Altyd Jonker.

Op die kassie was Nicola te sien in onder andere Hard Copy, Sara se geheim, Plek van die vleisvreters, Transito, Vloeksteen en die bekroonde internasionale reeks Human Cargo. Op die silwerdoek speel sy in Dis ek, Anna, Faan se trein, Hollywood in my huis en Taste of Rain.

Haar verhoogtekste “Hol” en “Trippie”, gepubliseer onder die titel Die pad byster, verower die Eugène Marais-prys. Sy wen ook ’n Fleur du Cap-toekenning en ’n Standard Bank Golden Ovation Award vir haar spel in Hol.

As skrywer en regisseur sluit haar werk ’n reeks plekspesifieke produksies in, onder meer Betésda, Lot, Babbel, Trippie en Land van skedels. Vir hierdie werke en haar mees onlangse toneelstuk, In glas, onvang sy elf Kanna-, elf Fiësta- en twee ATKV-toekennings, asook ’n Aartvark-toekenning.

Nicola se eerste televisiereeks, Dwaalster, is in 2019 uitgesaai, en haar speelfilm Cut-out Girls wys dieselfde jaar in rolprentteaters landwyd. In 2021 boer sy voort en skryf drie storiefilms vir televisie, Monster in my kas, Nagvrees en Op straat, waarvan sy ook die regie van laasgenoemde twee behartig.

In 2021 is Nicola se In glas met die Hertzogprys vir drama bekroon.

Olke bolke

Nicola Hanekom Stemme | Voices | Amazwi 2021-08-17

Nicola Hanekom, Hertzogpryswenner vir drama in 2021, se Stemme-monoloog, Olke bolke, stel ’n jong massamoordenaar aan die woord. Eldon van der Merwe lewer die vertolking en Lee-Ann van Rooi was in die regisseurstoel. LitNet se Stemme is ’n reeks kort, kragtige monoloë, aangebied in samewerking met die Suidoosterfees, KKNK en NATi.

Die Hertzogprys vir drama 2021: ’n onderhoud met Nicola Hanekom

Naomi Meyer, Nicola Hanekom Die Suid-Afrikaanse Akademie vir Wetenskap en Kuns 2021-04-23

"Teater is lewende kuns. Dit sluimer hopelik net tydens die pandemie ’n bietjie. Teater is alles vir my. Dis kerk en kulkuns, konfrontasie en ontvlugting, droom en nagmerrie."

Skrywers gesels oor kykNET-reeks Dwaalster

Marli van Eeden, Nicola Hanekom, Retief Scholtz Onderhoude 2019-01-31

"Ons hoofkarakter, Annabel Loots, vlug uit die stad omdat sy in gevaar is weens haar werk as ’n ondersoekende joernalis. Terwyl sy op Maanhaarsdrif laag lê, word haar string plofbare artikels oor skaliegasontginning en korrupsie gepubliseer, met dramatiese gevolge."

Die eenpersoondrama: ’n onderhoud met Nicola Hanekom

Marli van Eeden, Nicola Hanekom Menings 2018-08-07

"Die meeste drama is op konflik gebaseer. Omdat daar net een karakter is, moet die konflik binne die karakter afspeel. Hoe dan anders? Die gehoor sien die worsteling omdat die karakter die moed het om die masker te laat glip en nie op te sit nie."

kykNET Silwerskermfees 2014: Trippie

Nicola Hanekom, Naomi Meyer 2014-08-27 Nicola Hanekom: "Ek dink tog Trippie is 'n offer."

Clover Aardklop 2013: Nicola Hanekom gesels oor Land van skedels

Naomi Bruwer, Nicola Hanekom 2013-08-14 "Ons moet probeer om die slegte dinge in toom te hou en die werklike gesig van oorlog te probeer onthou sodat ons so min moontlik ons gruwels herhaal."

Die plat, grys landskap wat die kuns raam: Nicola Hanekom gesels oor Aardklop

Nicola Hanekom, Naomi Meyer 2012-09-28 "Ek dink ons is goed op pad, veral in Afrikaanse teater. My broek bewe as ek bespiegel oor wat sou gebeur sou die borge onttrek van die feeste. Maar 'as' is vir nonsens soek."
Top