https://www.dstv.com/kyknet
Annie Klopper praat met Naomi Meyer oor Annie se boek, Die tragiese saak van Pamina Vermaak, wat verfilm en vanjaar by die kykNET Silwerskermfees te sien is.
Annie, baie geluk! Jou boek Die tragiese saak van Pamina Vermaak is verfilm. Hoe het dit gebeur?
Ek is bitter opgewonde hieroor, want dit kom al ’n lang pad aan. Destyds toe ek die idee vir die storie gekry het – en dis nou al ’n paar jaar gelede – het ek dit voor my geestesoog as ’n fliek gesien afspeel. Maar in daardie stadium het ek nog geen benul van draaiboekskryf gehad nie en besluit toe om dit as roman te skryf, want dit was eenvoudig makliker. Ek het altyd geglo iemand sal raaksien dat dit eintlik op die skerm hoort en my help om dit in ’n rolprent te omskep. En wraggies, nie lank ná die verskyning van die roman in 2018 nie, het Kabous Meiring my genader met presies daardie oogmerk. Hoewel sy ervare is in die televisiewêreld, sou dit haar debuut as rolprentregisseur wees. Daar was ook belangstelling uit ander oorde, maar Kabous is my mens, ek vertrou haar ten volle en het geweet sy verstaan die karakters en milieu. Gou was kykNET Films en die dinamiese inhoudsvervaardiger Jaco Notnagel (van Go2 Content) ook betrokke, maar die Covid-pandemie het die proses vertraag. Dit was egter dalk ’n bedekte seën, want dit het ons genoeg tyd gegee om die idee behoorlik te laat ryp word. Deurgaans het Kabous die fakkel aanhou dra en gesorg dat ons planne nie ’n stille dood sterf nie. Toe die gesoute vervaardiger Danie Bester van The Film Factory later ook betrokke raak, is die wenspan vervolmaak en was daar nuwe wind in Pamina se seile; en hier is Pamina nou uiteindelik op die silwerdoek.
Die boek is ’n aweregse, romantiese komedie. Is dit ook wat die film is? Hoe baie hiervan wyk af van die boek?
Og, daar sal mos maar altyd afwykings wees tussen boek en film. Ek het besluit om nie te precious te wees oor té veel van dit wat – om verskeie redes – moes verander nie. Maar dat dit steeds ’n hoogs vermaaklike, aweregse romantiese komedie is, is altemit. Kabous en die res van die span het daarin geslaag om ontsettend baie van dit wat ek oorspronklik beoog het, vas te vang. Natuurlik moes ons inkort, kondenseer as ’t ware, moes die tydvak en die realiteite van wat moontlik is al dan nie in ag geneem word, en daar moes kreatiewe planne beraam word om die struikelblokke tussen boek en film te oorkom. Maar dit het in sekere opsigte die storie versterk.
..........
Daarby dra die onderskeie akteurs ook elk iets unieks tot die karakters by – dit kan byvoorbeeld beteken dat die harde lyne van ’n karakter dalk effens versag, of dat sekere aspekte van ’n karakter sterker na vore tree in die film, afhangende van wie die rol vertolk.
..........
Daarby dra die onderskeie akteurs ook elk iets unieks tot die karakters by – dit kan byvoorbeeld beteken dat die harde lyne van ’n karakter dalk effens versag, of dat sekere aspekte van ’n karakter sterker na vore tree in die film, afhangende van wie die rol vertolk.
Natuurlik sal die film nooit presies wees soos die storie in my kop afgespeel het nie, maar dis nie noodwendig in alle gevalle ’n slegte ding nie. Overall is ek baie gelukkig met die eindresultaat.
Was jy betrokke by die skryf van die draaiboek?
Ek was bevoorreg genoeg om al die pad insae te kon hê in die draaiboekontwikkeling, hoewel ek dit nie self geskryf het nie. Elanie Ruping het die eerste weergawes van die draaiboek geskryf en daarna het Bibi Slippers by die skryf en finalisering van die draaiboek betrokke geraak. Uiteindelik was dit ’n spanpoging – met Kabous, Jaco en Danie ten nouste betrokke – en kon ek baie leer in die proses.
Ek moet toegee dat ek nou self jeuk om draaiboeke te skryf.
Hoe ervaar jy dit om jou boek lewendig te sien word op ’n skerm?
.........
Ek is oneindig dankbaar dat my droom om Pamina op die silwerdoek te sien, bewaarheid is. En dis te danke aan ’n wonderlike groep mense. Ek besef al hoe meer: ’n Mens is ’n mens deur ander mense. Van die regie tot die klankbaan – ek is so lucky om wonderlike mense in die bedryf te ken wat saam met my in Pamina geglo het.
...........
Ek is oneindig dankbaar dat my droom om Pamina op die silwerdoek te sien, bewaarheid is. En dis te danke aan ’n wonderlike groep mense. Ek besef al hoe meer: ’n Mens is ’n mens deur ander mense. Van die regie tot die klankbaan – ek is so lucky om wonderlike mense in die bedryf te ken wat saam met my in Pamina geglo het.
Behalwe vir die puik produksiespan, is ek natuurlik bly dat ons ’n hele paar gesoute en uiters talentvolle akteurs op die projek kon hê. Dit was nogal surreal om te hoor hoe die legendariese Anna-Mart van der Merwe – wat die rol van Pamina se ma vertolk – die woorde sê wat ek uitgedink het. Ek het grootgeword met Anna-Mart op die skerm en in my oë is sy gelyk aan Meryl Streep. En Carla Smith se vertolking van Pamina is uitmuntend – sy het ’n fyn begrip vir die karakter gehad en het geslaag daarin om iets van haar vas te vang wat ek half tussen die lyne laat lees het. Ag, en Christiaan Schoombie en Lee-Ann van Rooi en Duane Williams en Albert Pretorius en Rolanda Marais en Armand Aucamp en en en ... wat ’n rolverdeling!
Die film is te sien by die kykNET Silwerskermfees. Wat dink jy van geleenthede soos die Silwerskermfees en hoekom dink jy is dit belangrik vir Suid-Afrikaanse, en in die besonder, Afrikaanse films?
Dit dra daartoe by dat sterk films die lig sien, want as prestigious geleentheid kweek dit aspirasie by skrywers, akteurs en filmmakers.
Lees ook:
Die tragiese saak van Pamina Vermaak deur Annie Klopper: ’n Resensie
Die tragiese saak van Pamina Vermaak deur Annie Klopper: ’n (musikale) onderhoud