ISSN 1995-5928Ingesluit LitNet Akademies

Nico Luwes

Prof Nico Luwes was eers Pacofs akteur en is sedert 1980 verbonde aan die Dramadepartement by Kovsies, vanaf 1990 as hoof. Van die 25 toneelstukke wat hy geskryf en gepubliseer en wat professioneel opgevoer is by die UV en kunstefeeste en deur streeksrade, is Aku vang 'n ster, Die buite-egtelike ouma, Graswewenaar, My liewe Meneer Malan, Die Waterwyser, 'n Lam vir die Pase, Die Mure van Jerigo, Skroot, Limerieke Sonder Brieke, Waaihoek, Die Knorries en die krisis en Zollie die bekendstes. Laasgenoemde stuk is met die 2006 Sanlamprys vir nuwe Afrikaanse teater bekroon. Nico is gereeld regisseur en speler by nasionale kunstefeeste. Onlangse produksies was Braam van der Vyver se Straties, Chris Vorster se Aasvoëls en Molière se Ipekonders. Hy was regisseur van Romeo en Juliet in Russies in die Chekhov Staatsteater in Pavlodar in Kazakhstan in 2005 en vertrek weer vanjaar in Oktober daarheen as regisseur van sy eie stuk, The Illegitimate Granny in Russies.


Opgedateer/Updated: 2006-09-01
Bio-inligting verouderd? Stuur 'n e-pos aan bio@litnet.co.za 
Bio-info dated? Send an e-mail to bio@litnet.co.za

LitNet-spens: Limericke sonder brieke

 Nico Luwes Drama 2009-09-23

’n Komiese voordragkonsert oor die geskiedenes van ons land met Maestro as sirkusmeester en spelers wat ’n aksiebelaaide konsert in die vorm van limericke deur Philip de Vos en Nico Luwes onderneem om uit te vind hoekom ons is soos ons is - nie lekker nie!

LitNet-spens: Waaihoek se Vinkel en Koljander

 Nico Luwes Drama 2009-08-21

Waaihoek is ’n multikulturele musikale klug met sang en dans, geskryf met die doel om soveel moontlike geleenthede te skep aan plaaslike toneelspelers, dansers en musikante om hulle talente te ontwikkel.

Litnet-spens: Maaltyd vir een

 Nico Luwes Drama 2009-08-20

Die bekende Dinner for one in Afrikaans vertaal.

LitNet-spens: Knorries en die krisis / Crisis in Golden Years

 Nico Luwes Drama 2009-07-23

Dit is 10 uur die oggend in Huis Soeterjare, ’n aftree-oord êrens op die platteland.

LitNet-spens: Zollie / Zolly

 Nico Luwes Drama 2009-07-09

’n Kinderlose Griekse egpaar besit ’n kafee. Twee groepe straatkinders probeer oorleef. Zollie het potensiaal en mev Georgio wil hom rehabiliteer. Konflik tussen die groepe lei tot die dood van Snoekie.
Top