ATR vier 10 jaar: Die ATR is uitstekend geposisioneer

  • 0

Die Afrikaanse Taalraad is op Saterdag 24 Mei 2008 in Wellington in die historiese Goodnowsaal gestig. Ter viering van die 10-jaar-mylpaal het die vorige direksievoorsitters,Wannie Carstens, Michael le Cordeur en Anne-Marie Beukes, sowel as die huidige voorsitter, Japie Gouws, boodskappe ter gelukwensing geskryf.

Japie Gouws, huidige voorsitter van die ATR

Die Afrikaanse Taalraad (ATR) is in sy 10de bestaansjaar een van die mees inklusiewe en verteenwoordigende organisasies in Afrikaanse geledere.

Die ATR is onvermoeid besig om Afrikaans as een van die belangrikste inheemse tale van Suid-Afrika te bemark. Nie net verteenwoordig die ontstaan en geskiedenis van Afrikaans ʼn diverse taalgemeenskap nie, maar dit is in 2018 ʼn inheemse Afrikataal wat deur baie Suid-Afrikaners gepraat en verstaan word.

Die ATR beywer hom vir moedertaalonderrig, wat Afrikaans en al die ander inheemse tale insluit, aangesien dit oor en oor bewys is dat leerders beter vaar indien hulle in hul moedertale onderrig word.

Die erfenis en stories van Afrikaanssprekendes dra by tot nasiebou en versoening. Kreatiwiteit in Afrikaans skep uitstekende geleenthede vir die opleiding en ontwikkeling van jongmense om hul volle potensiaal te bereik.

Die ATR is uitstekend geposisioneer vir die uitdagings en geleenthede vir Afrikaans in die volgende eeu.

Japie Gouws
Voorsitter, Afrikaanse Taalraad

Lees ook:

ATR vier 10 jaar: Geluk liewe maatjie ... Die ATR is 10!

Wannie Carstens
Menings

"Die Afrikaanse gemeenskap durf nie die impak van die ATR se werk onderskat nie, omdat die ATR die ruimte help skep het (en dit nog verder verfyn) waarbinne ons ons Afrikaansheid in die land uitleef en ook waarbinne ons stappe gedoen het om nader aan mekaar as gemeenskap te beweeg."

 
ATR vier 10 jaar: ’n Droom bewaarheid

Michael le Cordeur
Menings

"Die kokerboom versinnebeeld die onstuitbare groei, uitreiking en voortgesette ontwikkeling van Afrikaans ten spyte van dikwels ongunstige omstandighede en die harde natuur van die politiek."

 
ATR vier 10 jaar: Die ATR het haar kinderskoene ontgroei

Anne-Marie Beukes
Menings

"Dit is van groot belang dat die ATR in ons ontluikende demokrasie ’n opwekker van taalvitaliteit en -sinergie sal wees. Ons bydrae om ’n gesonde taalekologie vir Suid-Afrika te verseker is van kardinale belang."

 
Op pad van ’n verdeelde na ’n gedeelde toekoms in die Afrikaanse taalgemeenskap: Die rol van die Afrikaanse Taalraad in die proses van versoening

Wannie Carstens
LitNet Akademies (Geesteswetenskappe)

"In hierdie artikel kom die toekoms van Afrikaans ook ter sprake [...] vanuit [...] hoe die taal se toekoms verseker kan word deur die inklusiewe Afrikaanse gemeenskap hierby te betrek. In watter mate die Afrikaanse Taalraad (ATR) hierdie rol kan vervul, en die werk wat hierdie liggaam sedert 2003 gedoen het, word hier bespreek."

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top