US Woordfees 2019: Elize se keuse

  • 1

Na watter produksies sien jy die meeste uit op vanjaar se US Woordfees-program? Hier is Elize se keuse van drie produksies:

TOUTJIES & FERREIRA

Komedie, dan drama

’n US Woordfees-produksie, ondersteun deur Aardklop met ontwikkeling ondersteun deur NATi

Skrywer: Saartjie Botha 
Regisseurs: Wolf Britz en Nicole Holm 
Stel- en beligtingsontwerp: Wolf Britz 
Musiek: Antoni Schonken 
Kostuums: Beaura Jacobs 
Verhoogbestuurder: Jeanne Steenkamp

Al ooit gewonder wat gebeur op die verhoog in die uur voor ’n vertoning by ’n kunstefees begin? Die antwoord is ongelóófik baie. Kom benut ’n seldsame kans om hierdie gekke, snaakse, spanningsvolle uur met akteurs en tegnici te beleef. Jy gaan lag en dan gaan jy minder lag in dié produksie wat as komedie wegspring en by knop in die keel eindig. As jou kinders emigreer is die vooruitsig van Skype op ’n Sondag met kleinkinders wat Engels praat, ’n skrale troos. Spesiaal vir diesulkes en ander wat sit met ’n gat in die hart; ook vir feesfoendies, en almal wat nog nooit agter die skerms in ’n teater was nie.

Geen o/14 (T)

Taal: Afrikaans

Met: Frank Opperman, Joanie Combrink, Anthea Thompson, Esther von Waltsleben, Aphiwe Livi, Geon Nel, Wolf Britz, Malan Steyn, Melanie Scholtz, Antoinette Kellermann

R120 - R150 | R170 by die deur 
 

MY MENSE IS DIE KLUTS KWYT

Sketskomedie

Skrywer: Ludwig Binge 
Regisseur: Wessel Pretorius 
Verhoogbestuurder: Kanya Viljoen 
Vervaardigers: Wessel Pretorius en Ludwig Binge

’n Lewensmoeë geskiedenisonderwyser gee sý weergawe van wêreldgebeure met drastiese gevolge, terwyl Lady Rugga haar manlike kollegas touwys maak. ’n Blou Bul-braai in Pretoria neem ’n onverwagse wending, terwyl Louise en Pieter op hul eerste Tinder-afspraak ontdek die liefde is bipolêr. Hier ontmoet Monty Python en die komiese eenbedrywe van Christopher Durang mekaar. Die satire loop dik soos stroop oor geslagsgelykheid, homofobie en magsmisbruik. Natuurlik herken ons onsself (en die bure).

Geen o/14

Taal: Afrikaans

Met: Ludwig Binge, De Klerk Oelofse, Roeline Daneel

R115 - R135 | R155 by die deur 
 

KLEEDKAMER-BLUES

Drama

’n NATi / Feesteforum-produksie

Skrywer: Ludwig Binge 
Regie, stelontwerp en kostuums: Marthinus Basson 
Beligtingsontwerp en vervaardiger: Chris Pienaar 
Verhoogbestuurder: Danielle Louw 
Vervaardiger: Raminidam in opdrag van Innibosfees

Ons is in ’n kleedkamer voor ’n laaste optrede by ’n kunstefees. Almal is ’n bietjie moeg, almal ’n bietjie feesvoos. Daar sit die diepseun Johan met premature post-production blues.

Hy sê nie ’n woord nie. André is knorrig omdat sy mede-akteur, Hendrik, nooit sy eenmanstuk kom kyk het nie. Hendrik is benoem vir ’n toekenning terwyl André se stuk ’n louwarm resensie gekry het. Hendrik het ’n oog op Wena, maar sy’s op pad Johannesburg toe vir ’n rol in ’n sepie.

Paul, die ou veteraan wat ná 15 jaar ’n comeback maak in hierdie alternatiewe weergawe van Beckett se Godot, sukkel om sy woorde te onthou. O, die nerwe, die nerwe. Boonop is daar ’n belangrike gas in die gehoor... 

Taal: Afrikaans

Met: Carel Trichardt, De Klerk Oelofse, Wessel Pretorius, Ludwig Binge, Greta Pietersen
 
R80 - R145 | R165 by die deur
Koop nou op Computicket hier
US Woordfees 2019: Wen drie dubbelkaartjies na jou voorkeurproduksies

LitNet
Wen

Na watter produksies sien jy die meeste uit op vanjaar se US Woordfees-program? Stuur jou keuse van drie produksies teen 15 Februarie aan wen@litnet.co.za en staan die kans om deur 'n gelukstrekking drie dubbelkaartjies na jou voorkeurproduksies te wen!

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top