Terugkeer se tweede seisoen op VIA: ’n Onderhoud met Hevette Ates

  • 0

Mustafa en Hevette Ates (foto: verskaf). As kinematograaf kon Mustafa nie hierdie keer by die program betrokke wees nie, omdat hulle in die VSA woon. Hulle is egter steeds gesamentlik medeskeppers van die program en met sy regie-ervaring het Mustafa gehelp om die episodes se inhoud en vloei te beplan, voordat Hevette elke opname met Media 24-POP (produksiespan) en -regisseur Mia Cilliers bespreek het.

Hevette Ates keer terug na Terugkeer. Hevette praat met Naomi Meyer oor dié TV-reeks, wat vanaf vandeesweek weer op VIA uitgesaai word.

Hevette, ek het ’n rukkie gelede met jou oor ’n TV-reeks gepraat wat jy en jou man vervaardig het. Nou keer julle terug na Terugkeer vir ’n tweede reeks! Kan jy dalk net gou weer opsom wat die idee en inspirasie hiervoor was?

En wat het nie alles sedert ons laaste gesprek gebeur nie! Intussen het ’n pandemie die wêreld getref en ons het Amerika toe getrek. Dankbaar om nou aan die ander kant van dit alles te kan staan. Die samesyn rondom kos aan etenstafel en die bekoring van die leefstyl in klein dorpe was die inspirasie vir die program. Natuurlik ook belangstelling in mense: om te sien waar bekendes gevorm is; wie deel van hul binnekring is; en die hartlikheid en innoverende gees van mense op die platteland.

Bekendes keer terug na hulle herkoms. Hulle ontdek weer hulle grootwordomgewings en onthoukos uit hul kleintyd. Hoe het julle die deelnemers aan julle program gekies?

Om mee te begin moet hulle afkomstig wees van klein dorpe, of sterk bande met ’n dorpie hê. Inhoud rondom die platteland is hoogmode, so die ideaal is dat die spesifieke area nog nie te veel blootstelling ontvang het nie. Mense vind aanklank by die konsep en het deelname van die hand gewys slegs as hulle reeds ander verpligtinge gehad het.

Julle self is albei ver van julle onderskeie grootwordomgewings en lande af. Wat was die unieke uitdagings ten opsigte van die verfilming van hierdie reeks?

........

Ja kyk, as jy in Amerika foto’s van roosterkoeke en droëwors sien, pyn jou hart!

..........

Ja kyk, as jy in Amerika foto’s van roosterkoeke en droëwors sien, pyn jou hart! Die tydsverskil is maar ’n ding. Tans is Oregon 10 ure agter Suid-Afrika. Waar ek in Suid-Afrika 06:00 gaan draf het, moes ek hier al met koffie geolie en op die foon wees! Maar te danke aan tegnologie, toegang tot die nuus, sosiale media en WhatsAppCalls (goedkoopste manier van bel) kan mens doen wat jy moet. Ons is dankbaar vir Olof Bergh wat weer die program se hoofborg was, en in seisoen 2 was ClemenGold ook betrokke. Moes goed beplan om te verseker hul mandaryne is in seisoen en beskikbaar vir opnames.

Watter ontdekkings het julle in die eerste reeks, of tydens die tweede reeks se verfilming gemaak? Van kos, van mense, van grootword, van julself, of enigiets anders.

In stede leef mens dikwels net vir jouself en ’n klein kring mense. Op die platteland weet mense hoe afhanklik ons van mekaar, én van natuurlike hulpbronne vir oorlewing is.

........

In stede leef mens dikwels net vir jouself en ’n klein kring mense. Op die platteland weet mense hoe afhanklik ons van mekaar, én van natuurlike hulpbronne vir oorlewing is.

.........

In my vorige onderhoud het Mustafa gepraat oor Turkye se koskultuur en julle het ook verwys na Prins Albert se kos. Watter kos onthou julle uit jul kinderdae - wil julle iets hiervan deel?

........

Toe Mustafa se familie in Prins Albert kom kuier het, het hy hulle een oggend aangetref waar hul aan droë beskuit smul. Toe hy wys hoe om dit in koffie te doop, was hulle nóg maller daaroor.

........

Toe Mustafa se familie in Prins Albert kom kuier het, het hy hulle een oggend aangetref waar hul aan droë beskuit smul. Toe hy wys hoe om dit in koffie te doop, was hulle nóg maller daaroor. In Suid-Afrika is beskuit van kleins af deel van ons dieet en ek mis dit in Amerika! (Die Fahrenheits en ounces het my bakpogings ontmoedig, so vir nou eet ek maar biscotti.)

Mustafa was as seuntjie mal oor manti (’n tipe dumpling) wat basies maalvleis is wat in ’n degie gekook en met jogurt bedien word. So ook dolmas, ’n mengsel van gegeurde rys en vleis wat in ’n dryfblaar toegedraai is.

Lees ook:

Terugkeer op VIA: ’n Onderhoud met Hevette Ates en Mustafa Ates

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top