Nuwe stemme 6 – 6 vrae vir Trudie Coetzee

  • 1

Nuwe stemme 6 het pas by Tafelberg verskyn. Bibi Slippers en Charl-Pierre Naudé is die samestellers van dié bundel, ’n versameling van die beste verse van Afrikaans se opkomende digters.

Liné Enslin gesels met die gepubliseerde digters. Lees hier die ander onderhoude.


 

Trudie Coetzee

 

1. Beskryf jouself in ses woorde.

Ars poetica in ’n rooi kimono.

2. Noem ses dinge waarsonder jy nie kan leef nie.

Koffie, gedigte, sigarette, geel, katte, kaas.

3. Wat is die vreemdste plek of medium waarop of waarmee jy al ooit ’n gedig geskryf het?

’n Vuil servet – partykeer moet ’n mens die naaste ding gryp wat jy tot jou beskikking het.

4. Hoe lyk jou werkruimte?

Ek het nie ’n vaste werksruimte nie, maar ek skryf (en lees) meestal op my bed. Enige ruimte met koffie en vars lug is vir my ’n werksruimte. My gunstelingplek om te skryf is Paternoster.

5. Wie is jou gunstelingskrywer of -digter?

Loftus Marais en Danie Marais.

6. Vertel asseblief bietjie meer omtrent een van jou gedigte wat in Nuwe stemme 6 opgeneem is.

My gunstelinggedig is “Ek is”, omdat dit my persoonlikheid op papier is. Ek het inspirasie vir die gedig van Antjie Krog se “Ek staan op ’n moerse rots langs die see by Paternoster” gekry, omdat ek self op Paternoster se strand doenig was. Die woorde het baie maklik gevloei en die see was ’n groot inspirasie. “Die digter as dagbreek” het ek ook daar geskryf.

Kyk hier na ’n video waarin Trudie een van haar gedigte voorlees.

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top