Nuwe stemme 6 – 6 vrae vir Johan Jack Smith

  • 0

Nuwe stemme 6 het pas by Tafelberg verskyn. Bibi Slippers en Charl-Pierre Naudé is die samestellers van dié bundel, ’n versameling van die beste verse van Afrikaans se opkomende digters.

Liné Enslin gesels met die gepubliseerde digters. Lees hier die ander onderhoude.


 

Johan Jack Smith

 

1. Beskryf jouself in ses woorde.

Besig. Donker. Rustig. Aweregs. Nugter. Hoopvol.

2. Noem ses dinge waarsonder jy nie kan leef nie.

My verloofde. My seuntjie. Nostalgie. Koffie. Nikotien. Uitdagings.

3. Wat is die vreemdste plek of medium waarop of waarmee jy al ooit ’n gedig geskryf het?

My ID book.

4. Hoe lyk jou werkruimte?

Langs ’n houtvuur, sittend op ’n tuinstoel, whiskey en selfoon met Evernote oop in die hand.

5. Wie is jou gunstelingskrywer of -digter?

Ek ken nie regtig digters nie. Bruce Springsteen as liriekskrywer. Is hy naby genoeg aan ’n digter? Ek hoor wel ek sal aanklank vind by Allen Ginsberg.

6. Vertel asseblief bietjie meer omtrent een van jou gedigte wat in Nuwe stemme 6 opgeneem is.

“Intermission” lê my naby aan die hart. Hier was hierdie inryteater naby ons huis in Virginia waar ek grootgeword het. Dit was magical oomblikke. Die afwagting voor die film, kinders in slaapklere, die reuk van springmielies, die plakkate teen die mure van films wat nog moet wys. Toe die myndorpe begin swaarkry het, het die teater toegemaak. Ek het jare later daar gaan ry met my fiets, toe ek seker so 13 jaar oud was. Die paaltjies het steeds gestaan, asook die geboutjie waar die projektorkamer was. Daar het selfs dele van ’n rolprentfilm gelê. Dit het my baie melancholies laat voel – hoe dinge verander – en hoe herinneringe verander in melancholie.

Kyk hier na ’n video waarin Johan een van sy gedigte voorlees.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top