Nuwe geskiedenis

  • 1

Hierdie rubriek is 'n huldeblyk aan Neville Alexander (1936-2012)

Aweh. Ons is twee dekades diep in Demokratiese Suid-Afrika en rasklassifikasies is nog steeds die orde vannie dag met die implementaties vrylik ten toon gestel deur die verspreiding van natuurlike hulpbronne na verskeie marginalised gemeenskappe regoor die land. As 'n gevolg spawn radikale uitgroeisels soos Black First Land First (BLF) en G@tvol Capetonians, wat groot ripples op die sosio-politieke terrein veroorsaak het en as 'n spieël die ontstellende waarheid weerkaats het van die wêreld se huidige "ekonomies, mees ongelyke land" (Wêreldbank, 2019).

Die letsels van onenigheid brand tot in Westbury, Jo'burg, waar een van haar gemeentelede lostrek gedurende 'n BBC interview gelei deur Vauldi Carelse:

If you have an identity crisis, you don't know who you are. The problem we have in our area here is that people don't know who they are. And history has been distorted. So much so that even the coloured believes he's a coloured. This identity was forced upon us firstly, by the colonialist, then the nationalist government and now the democratic dispensation.

Check die link uit vir meer: https://www.youtube.com/watch?v=OQpt7B3xCn8

Rassistiese identiteite dra die potensiaal vir volksmoorde as ons kyk na historiese Rwanda, Nazi-Duitsland en ander lande. So, waantoe dan nou met die constant segregation and regstellende aksie wat nog steeds operate volgens racial fault lines? Daar is steeds baie wat hoop dat die post-apartheid dispensasie die pad sal vind na 'n klaslose en nie-rassige werklikheid.

Onthou om te Vergeet

Opgekookte konsepte en persepsies van rassisme het die Kaap soos 'n virus getref en vergif vir driehonderd jaar sedert Nederlandse kolonialisme via die VOC, gevolg deur Britse imperialisme en die Boere-republiek met die inhuldiging van die apartheidregering. Die argitekte kon feitlik net die karaktereienskappe volgens ras kategoriseer as blote konstrukte en nie beskrywings van die wese nie. So, daarmee gesê is elke sogenaamde ras nie 'n "biologiese feit" nie en kan dit geherorganiseer word.

Die Pil

Nie-rassigheid en nie-seksisme was deel van die ANC se anti-apartheidsbeleid toe hulle aan bewind gekom het. Ten minste was dit die refleksies van die kernaktiviste onder die national congress se movement in die 1980's. Toekomsgerigte Suid-Afrikaners het uitgesien na die erosie van ras-identiteite en dat dit as irrelevant verklaar sou word. Minwetend dat die nuwe bedeling 'n rasbevlekte porsie van die vorige regering geërf het. Daarin lê die fundamentele dimensies van ons identiteitkonstruksie se drievoud: polities, histories en sosiaal.

Wie kan nog oudpresident Thabo Mbeki se "I am an African …" speech onthou tydens die adoption vannie 1996-konstitusie? Kaantie, dis toe wanneer ons oopbek witness hoe die edel en nie-rassige sentimente verpletter word met die beskrywing van 'n dual economy en van twee nasies, naamlik die minderheid wittes wat in oorvloed leef en die oormeerderheid swartes wat in armoede moet oorleef. Aweh, die vet is toe innie vuur masekind! Hierdie legislative cyclops was 'n calculated move om alle werksplekke en staatsinstitusies verteenwoordigers te maak van alle "demografieke" en om rasproporsionaliteite te verseker volgens dieselfde verskanste rasgroepe van die apartheid-regering, naamlik African, Coloured, Indian en Wit.

Identity

Kom ons vra onsself:
Wat issie waarde van ons vel?
Die taal waarin ons gesels?
Die culture wat ons omhels?
'n Figment van iemand anders se vision?
Ek confront dit met 'n nuwe definition
Met 'n knowledge of self
In opstand met die tong van 'n bom
Plant dit innie core van stereotipiese images
Verdomp!
Die vlam issie spirit ennie pride vermom in society se norms
Verstop met violence
Ek wip innie pilot seat
Live met die guidance
Leaps en bounds beyond defeat
Coloured anomaly?
Bra hier kommit sonder die slawestatus deur
Koloniale government policies beskadig
Nog innie nuus oor wapen
Of issit iets oor drugs?
Comic relief vir clowns sonder material met substance?
Verdiep jou gedagtes
Stiekyt jou bang ding, jou view is corrupted!
Divide en rule issie culprit
Indigenous beteken oek is my land but
Wie ek is word vervang met
Coloured … soe wat van my San roots?
Vermeng innie bloed, die level is hoeg
Progress issie next step
Nou, stiekyt oppie vloer, raak wys
Nou battle ekkie bourgeoisie
Rattle in jou boots kaptein
Slapende reus, ontwaak
Jou dag het gekom
Stiekit op! 

Song link:https://www.youtube.com/watch?v=gIdD0El2nO8

Terug van die toekoms

'n Diskoers is moontlik. Hoe?

Eers moet alle rassekategorieë geproblematiseer word en die prioritisering van klas as nadelig gestel word. Die wêreld moet aanskou word as ever changing en ons ook as gevolg daarvan. Nie as universeel stabiel en staties soos die heersende klasse dit verkies nie. Post-apartheid Suid-Afrika is 'n sosiale laboratorium wat daagliks vasgevang word in die web van rassistiese diskriminasie en vooroordeel. Transformasie sloer ekonomies en polities voort soos vertraagde Metrorail-treine op die ritme van pre-recorded retoriek op verlate Amandla-platforms…

Identiteit is multi-layered veral onder die Kaapse sogenaamde coloured hip hop community. Dis niks nuuts nie! Sedert die laat 1990's het nuwe bewegings die lig gesien as terugvoering aan die beperkte natuur van die oorgang van apartheid.

Met die gunstige kulturele klimaat aan die Kaap tussen ingevoerde slawe en inheemse Khoekhoe tydens die 1800's het hierdie groep, wat later saamgesmelt het en bekend sou staan as coloureds, baie blootstelling geniet aan matrose en skeepsvaarders van die Afrika-diaspora – onder andere Orpheus McAdoo, leier van die groep Virginia Jubilee Singers of Hampton, Virginia. Feitlik is die African-American musiekstyl en invloed meer as 'n eeu oud in Suid-Afrika so dis geen toeval dat Suid-Afrikaanse hip hop deur hip hop van die Verenigde State beïnvloed sou word nie.

Die hip hop-fenomeen was en is steeds vir baie deelnemers 'n kulturele organisasie, 'n force vir identiteit, solidariteit en emosionele versterking. In baie aspekte dien hip hop as 'n tipe transformerende pedagogie waarmee ons kennis en informasie politiseer en iets konstruktief vervaardig. Gedurende 'n baie noodsaaklike tydperk in Kaapstad was dit terapeuties veral in die geval van trauma, sistemiese misbruik en om onsself te express. Om ons 'n stem te gee en 'n nuwe identiteit en kanaal vir kreatiewe vervreemding te gee. In verskeie opsigte laat Suid-Afrikaanse hip hop haar jeug toe om die verlede en die hede, oud en nuut, global en local, te remix. 

 

Lees ook:

Weermag beurtkrag

 

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top