Groot Romanwedstryd 2018: Gerhard Greyvensteyn

  • 0

Gerhard Greyvensteyn het pas die debuutprys ontvang in die Groot Romanwedstryd 2018. Hy gesels met Naomi Meyer oor sy wenverhaal.

Vertel my van “Die Seepunt-insident”, asseblief. Van jou karakters, van die storie se plot en van jou inspirasie. 

Dis ’n misdaadroman, niks ambisieus nie, veronderstel om lekkerlees-ontvlugting te wees. Daar is ’n ongeluk wat dalk ’n moord was. Daar is ’n speurder. Daar is ’n klompie verdagtes. 

My inspirasie is The Famous Five van Enid Blyton, Agatha Christie, Robert B Parker en John D MacDonald.

Jou verhaal speel af in verskillende dele van die wêreld, onder andere in die Ooste, verklap die beoordelaars se verslag. Hoe beïnvloed waar jy bly jou verhaal? Wil jy iets van jou alledaagse lewe vertel?

Die storie speel meestal in Kaapstad af. Van die karakters kom van elders, of reis oorsee. Dis om die storie bietjie interessanter te maak!

En hoe beïnvloed jou werk, jou skoolhou en daaglikse arbeid, jou skryfwerk? Wat lees jy daar waar jy bly, en skryf jy ook reeds aan iets anders?

Ek is die afgelope vier jaar ’n Engels-onderwyser in Sjanghai. Ek gee klas vir volwassenes. Ek werk lekker hier en ontmoet interessante mense. Elkeen het ’n storie. Dit inspireer my. 

Ek lees deesdae heelwat wetenskapfiksie en fantasie. Probeer ook tred hou met nuwe internasionale treffers. 

[Vir ’n kykie agter die skerm en nog foto's van my lewe in Sjina, kyk gerus na my Instagram gerhard_official.]

Lees ook:

NB-Uitgewers se Groot Afrikaanse Romanwedstryd 2018: Wenners aangekondig

Groot Romanwedstryd 2018: Debbie Loots

Groot Romanwedstryd 2018: Ingrid Winterbach

Groot Romanwedstryd 2018: Jaco Fouché

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top