Foto: Lisa Antrobus-Ker
Bibi Slippers, Die LitNet Tuishuise Inwoonskrywer, het verlede week haar intrek op Cradock geneem, waar sy vir ’n maand lank in vrede en stilte gaan skryf aan ’n nuwe digbundel. Sy rapporteer oor hoe sy en haar windhond, Matilda, verwelkom is:
’n Sagte landing is noodsaaklik vir ’n goeie begin, en ons het heerlik sag geland in Cradock. Lisa Antrobus-Ker van die Tuishuise en Victoria Manor het ons ’n voorsmaak van Cradock se legendariese gasvryheid gegee: daar het tuisgemaakte mayonnaise, koeksisters, vetkoekies, marmalade, lemoene en ’n kruieruiker uit haar tuin in ons huisie se kombuis gewag, en sy het ons op ’n dorptoer geneem om uit te wys waar ’n hondjie haar beste stappies kan maak (Matilda se sagte landing).
Oor hoe dit met die werk gaan, sal ons volgende week in meer detail sê, maar ons het begin. Skryf gaan mos maar altyd stadig. Ons vorder egter heelwat vinniger met die stappies en die opeet van die tuisgemaakte mayonnaise.
Bibi het ’n video gestuur om te wys hoe sy met die beplanning en uitleg van haar nuwe digbundel vorder. Klik op die foto om na die video te kyk:
En Matilda is die snuffelende koningin van Cradock:
Foto: Bibi Slippers
Lees die aankondiging van Die LitNet Tuishuise Inwoonskrywerskap, en ook ’n onderhoud met Bibi. Volg Bibi tydens haar verblyf op Instagram by @bibi_slippers.