Preston Mouritz
Ek is Preston Mouritz en ek is in 2004 in Caledon Hospitaal gebore. Ek het in Greyton grootgeword, waar ek nou al 17 jaar woon.
My ma se naam is Ganafee Mouritz en sy is ’n enkelouer. Ek kyk baie op na haar, want sy doen baie om my gelukkig te hou ten spyte daarvan dat ek ’n hardkoppige persoon is.
Ek hou daarvan om kreatief te dink en spesifiek te reageer op sommige dinge wat in my lewe gebeur. My ander voorliefdes is kook en bak, en ek doen ook gemeenskapswerk.
Dig is vir my ’n manier van funksioneer. Wanneer ek skryf, moet dit stil wees om my. Ek moet weet waar my potlood is en ek skryf net op wit papier sonder lyne. Dan eers verplaas ek die gedigte na die rekenaar.
Die tikkop op die hoek
2026-06-25"Sy oë is hol, sy lyf is maar net been,
die lewe het hom klaargemaak, hy’s heeltemal alleen."
Gay-wies
2023-08-17"praat nooit van haar man se gejôlery
in hul huwelik nie
en hoe sy ok maar smag vir die Here-hand
om haar deur te dra nie"
Selfmoord
2023-01-26"geen winkel kan aan my
verkoop
wat ek verloor het nie
en geen bedrag geld kan
my storie aanhou nie"