Lien Botha

Lien Botha is bekend vir haar fotografiese werk wat dikwels met teks gemoeid is. Sy is in Pretoria gebore en getoë, het tale studeer aan die Universiteit van Pretoria en in die vroeë 1980’s as persfotograaf by Beeld gewerk.

In Januarie 1984 klim sy in haar wit Kewer en ry Kaap toe. Vier jaar later verwerf sy ’n graad in visuele kunste aan die Universiteit van Kaapstad, en in die jare wat volg, lewer sy 12 solo-uitstallings, neem deel aan digby 100 internasionale en plaaslike groeptentoonstellings en gee klas by verskeie tersiêre instansies. Sy word in 1997 bekroon as Standard Bank Jong Kunstenaar vir Visuele Kuns.

Haar debuutroman, Wonderboom, wat in Junie 2015 by Queillerie verskyn het, is die resultaat van ’n meestersgraad in kreatiewe skryfkuns wat sy in 2014 onder leiding van Etienne van Heerden aan die Universiteit van Kaapstad voltooi het. In 2016 het Wonderboom die kortlyste gehaal van die UJ-debuutprys en WA Hofmeyr-prys en ontvang dit die 2016 WOORDtroFEE vir Visuele Kuns by die Woordfees, sowel as die Huisgenoot Tempo-toekenning Leesboek van die jaar.

Hierop volg die Jan Rabie-Rapportprys en die Eugène Maraisprys vir prosa.

In September 2016 neem Lien deel aan die Week van de Afrikaanse roman wat in Nederland en Vlaandere gehou word en in Oktober van dieselfde jaar vorm die visuele komponent van Wonderboom deel van Botha se solo-uitstalling by 1:54 Kontemporêre Afrika-kuns in Londen.

Botha is tans besig met haar tweede roman. Sy is getroud met die argitektuur-en-erfenis-praktisyn Raymond Smith. Hulle woon in Bettysbaai.

Kunsonderhoud met Barbara Wildenboer oor The Lotus Eaters

Barbara Wildenboer, Lien Botha 2014-07-21 Die visuele kunstenaar Barbara Wildenboer swem saam met reuse tussen die papierbootjies. Lien Botha vra haar uit oor haar ondersoeke van die fisieke en metafisiese wêrelde.

Dior se Antwoord

Lien Botha 2014-06-27 Besiel hul, of verkoop Die Antwoord hul siele met die nuwe Dior-advertensie?

Kopskoot deur Rudie van Rensburg

Lien Botha 2014-06-23 "Laat ons begin by die kwas − daardie agbare instrument wat Suid-Afrikaanse kunsversamelaars laat kwyl en wat die sleutel is tot inspekteur Kassie Kasselman se deurbraak wanneer hy ’n reeks moorde op ses-en-vyftig-jarige wit mans ondersoek."

Yonder: rocking horse in Park, Beaufort-West

Lien Botha, Naomi Meyer 2014-04-02 Why photograph an outdoor play structure in an open field? Lien Botha explains.

Hartland – Deon Opperman

Lien Botha 2013-06-19 "Die slot van Hartland is soos om jare later weer in daai slagkamertjie te staan en jou vingers oor die mesgroewe in die staalblad te beweeg. Dan, met die uitstap, sien jy die gebleikte vlek teen die muur."

Lien Botha se ses bestes

Lien Botha 2012-03-06

Hierdie week kies Lien Botha haar gunsteling-kuierplekke op die wêreldwye Web.

Top